Fréttablaðið - 18.05.2005, Qupperneq 12

12 18. maí 2005 MIÐVIKUDAGUR
Atvinnurekendur á Suðurlandi:
Drukku metra af bjór
Stór hópur atvinnurekenda á Suð-
urlandi hélt á dögunum til aðal-
fundarhalda í Færeyjum. Guðjón
Ægir Sigurjónsson, fráfarandi
formaður Atorku, félags atvinnu-
rekenda á Suðurlandi, segir venju
fyrir því að ferðast sé innanlands
í tengslum við aðalfund. Nú hafi
hins vegar verið kannaður mögu-
leikinn á að fara til Færeyja, sem
reyndist tiltölulega auðvelt að
koma í kring. „Svo virðist sem
marga langi til Færeyja en láti
ekki af því verða þótt það sé stutt
að fara,“ segir Guðjón en flugvél
var leigð undir hópinn, sem taldi
um 50 manns. Var lagt af stað
snemma morguns og komið heim
síðla kvölds. Segir Guðjón að
margir ferðalanganna hafi lýst
áhuga á því að snúa aftur síðar til
lengri dvalar.
Hópurinn heimsótti meðal ann-
ars Færeyska símann og kíkti í
nýlega verslunarmiðstöð í Þórs-
höfn. Þá var Atorkumönnum boð-
ið upp á færeyskt hlaðborð þar
sem hægt var að smakka á grind-
hvala- og skerpukjöti. Lagðist
maturinn misvel í menn en voru
þó flestir ánægðir með ölið, sem
hægt var að panta í metravís. ■
Hundarækt-
endur takast á
Aðalfundur Hundarækt-
arfélags Íslands er í
kvöld. Tveir bjóða sig
fram til formanns. Annar
frambjóðandinn sakar
fráfarandi formann um
ólýðræðisleg vinnubrögð
og vill hrista upp í félag-
inu. Formaðurinn vísar
gagnrýni á bug.
„Fráfarandi formaður tilkynnti
mér á fulltrúafundi að hún ætl-
aði ekki að gefa kost á sér aftur,
en taldi ekki þörf á því að til-
kynna það neinum nema stjórn-
inni,“ segir Guðmundur Helgi
Guðmundsson, annar frambjóð-
andi til formanns Hundaræktar-
félags Íslands, um vinnubrögð
Þórhildar Bjartmarz, fráfarandi
formanns félagsins.
Guðmundi finnst það ólýð-
ræðisleg vinnubrögð af hálfu
Þórhildar að tilkynna almennum
félagsmönnum ekki ákvörðun
sína. Mótframbjóðandi Guð-
mundar er Jóna Th. Viðarsdóttir,
gjaldkeri félagsins. „Mér finnst
þetta hafa þann brag á sér að
Þórhildur hafi reynt að velja sér
eftirmann með því að láta ekki
almenna félagsmenn vita af
ákvörðun sinni.“
Guðmundur Helgi hefur áður
gegnt formennsku í félaginu og
ákvað að bjóða sig aftur fram
núna eftir að óánægðir félags-
menn gáfu sig á tal við hann.
„Það hafa verið uppi óánægju-
raddir með núverandi stjórn og
því miður er þetta ekki eina
dæmið um ólýðræðisleg vinnu-
brögð hennar. Ég vil sjá meira
lýðræði í starfi félagsins þannig
að rödd félagsmanna fái að óma.
Margt í starfi félagsins er vissu-
lega til fyrirmyndar en það er
því miður of margt sem hefur
farið forgörðum.“
Þórhildur Bjartmarz, fráfar-
andi formaður, kannast ekki við
að hafa reynt að velja sér eftir-
mann. „Tímamörkin til að til-
kynna framboð sitt runnu út 30.
mars. Ég gaf ekki kost á mér fyr-
ir þann tíma og það hefur legið
fyrir síðan. Þetta eru reglur fé-
lagsins og það hlýtur sama yfir
mig að ganga og aðra,“ segir Þór-
hildur og bætir við að sér finnist
Guðmundur ekki hafa haldbær
rök fyrir gagnrýni sinni.
Aðalfundur Hundaræktarfé-
lags Íslands fer fram í reiðhöll
Gusts í kvöld og hefst klukkan
20. Þeir sem vilja kynna sér efni
fundarins geta litið á heimasíðu
félagsins hrfi.is. Ekki náðist í
Jónu Th. Viðarsdóttur, mótfram-
bjóðanda Guðmundar Helga,
vegna málsins. ■
HVAÐ KOSTAR ÞAÐ?
Ég var að ljúka við að aðstoða
vin minn Björn Roth með
veislu vegna sýningar á verk-
um Dieter Roth segir Siggi
Hall matreiðslumaður sem er
önnum kafinn eins og ávallt á
veitingastað sínum Óðinsvé-
um.
„Þá er ég að undirbúa, ásamt
Baldvini Jónssyni, mikla veislu
í Bandaríkjunum sem haldin
verður í byrjun júní,“ segir
Siggi en íslenskar afurðir
verða í hávegum hafðar í
þessum 2.000 manna gala-
kvöldverði veitingahúsaeig-
enda í Washingtonborg.
Siggi segir íslenskar afurðir vera að slá í
gegn í Ameríku. Sérstaklega skyrið sem
hann telur að verði jafn frægt og
mozarellaostur eftir nokkur ár. „Ég hef
aldrei fundið aðra eins hrifn-
ingu og skyrið er að mæta,“
segir Siggi en hann segir
Bandaríkjamenn hrifna af því
að það sé fitulaust.
Í haust heldur Siggi aftur út til
Washingtonborgar þar sem
haldin verður Food and Fun-
hátíð í september. Þar munu
tólf íslenskir kokkar matreiða
ofan í gesti tólf mikilsmetinna
veitingastaða.
Siggi leyfir sér þó einnig að
slaka á og ætlar að skella sér
með fjölskyldunni til Ítalíu í
júlí. Ætlar hann að dvelja hjá
vinum í Umbriu sem er mið-
svæðis á Ítalíu þar sem stutt er á strönd
og til borga eins og Róm og Flórens.
Íslenska skyri› slær í gegn
HVAÐ ER AÐ FRÉTTA? SIGGI HALL MATREIÐSLUMAÐUR
ÁSTKÆRA YLHÝRA
Áreit(n)i
Merkingarmunur orðanna áreiti
og áreitni vill gjarnan skolast til
í gráu sellunum. Samkvæmt
Orðabók Eddu er áreiti ytri
áhrif, ástand eða atvik sem kall-
ar fram viðbragð. Áreiti er sem
sagt íslenska útgáfan af orðinu
stimulus, sem allir þekkja úr
taugasálfræðinni. Áreitni er
hins vegar það að einn áreiti
annan, ágengni, átroðningur,
dregið af sögninni að áreita.
Kynferðisleg áreitni er þannig
mjög neikvætt fyrirbæri en kyn-
ferðislegt áreiti getur hæglega
verið mjög jákvætt. Eitt enn
gerir þannig gæfumuninn.
magnus@frettabladid.is
SUÐUREYJASIGLING MEÐ BALDRI UM
BREIÐARFJÖRÐ KOSTAR 3450 KRÓNUR.
Heimild: Sæferðir ehf.
Grillaðar pylsur og gos að keppni lokinni við félagsheimili HFR
Keppnisgjald er 1.000 kr.
Nánari upplýsingar á www.hfr.is.
M
IX
A
•
fí
t
•
5
0
6
7
9
Skráning keppenda hefst kl. 17.00 í félagsheimili Hjólreiðafélags Reykjavíkur í Nauthólsvík.
Keppt er í þremur flokkum:
Yngri keppendur (9-15 ára) – hefja keppni kl. 18.00.
Trimmflokkur (byrjendur 19 ára og eldri) – hefja keppni kl. 18.00.
16 ára og eldri – hefja keppni kl. 19.00.
Virkjum eigin orku!
Landsvirkjunarbikarinn í fjallahjólum – í Öskjuhlíð í dag
METRI AF BJÓR Atvinnurekendur af Suð-
urlandi gæddu sér á öli í metravís á veit-
ingastað í Þórshöfn.
FR
ÉT
TA
B
LA
Ð
IÐ
/Ó
LA
FU
R
H
EL
G
AS
O
N
GUÐMUNDUR HELGI Ákvað að bjóða sig fram til formanns eftir að óánægðir félags-
menn komu að máli við hann.