Fréttablaðið - 21.12.2005, Blaðsíða 77

21. desember 2005 MIÐVIKUDAGUR40
menning@frettabladid.is
!
„Þetta er jörðin sem fæðir okkur
og klæðir, því er þetta eitthvað
sem skiptir okkur öll máli,“ segir
Kristinn Sigmundsson óperu-
söngvari um tilefni dagskrár sem
haldin verður í Hallgrímskirkju
miðvikudagskvöld kl. 20. Dag-
skráin ber titillinn „Ljós í myrkri“
og undirskriftin er „Tónlist og
hugvekjur til stuðnings íslenskri
náttúru“. Kynnir er Arnar Jóns-
son en stærsta númerið er án
nokkurs vafa Kristinn, sem er
nýkominn heim frá New York þar
sem hann var í Rómeó og Júlíu
á sviði Metropolitan-óperunn-
ar. Eftir jól mun hann svo halda
til Feneyja, þar sem hann mun
syngja í Valkyrjum Wagners.
„Ég er náttúruverndarsinni
í breiðum skilningi. Náttúran
er viðkvæmur hlutur og allar
okkar athafnir hafa áhrif á hana.
Ýmsar breytingar, svo sem hlýn-
andi veðurfar, eru að miklu leyti
af manna völdum, Við höfum
fyrst áhyggjur af lífríkinu, sem
við erum þó alltaf hluti af, þegar
breytingarnar fara að hafa áhrif
á okkur sjálf.“ Kristinn er upp-
runalega líffræðingur að mennt
og kenndi líffræði um hríð áður
en hann lagði sönginn fyrir sig.
„Líffræðin hefur alltaf átt þátt í
mér og ég reyni að fylgjast með
í umhverfismálum. Okkur ber að
skila landinu til afkomenda okkar
eins vel og hægt er, og ég efast
um að stóriðja sé besta leiðin til
þess. Það eru fleiri verðmæti en
þau sem mæld eru í krónum, þó
líklega verði á endanum einnig
hægt að mæla skaðann í krónum.
Skammtíma peningahagsmunir
standa gegn þeim sem vilja leyfa
náttúrunni að njóta vafans. Ég
verð að segja að álit mitt á stjórn-
málamönnum fer minnkandi með
aldrinum.“
Þó að Kristinn sé líffræðingur
að mennt reynir hann einnig að
læra af sögunni. „Hér voru stofn-
uð minkabú og sagt að minkarnir
myndu aldrei sleppa. Nú erum
við með mink alls staðar, og það
er ekki hægt að eyða þeim nema
kannski með sýklahernaði eða
kjarnorkusprengjum. Vatns-
borð Þingvallavatns lækkaði
þegar farið var að virkja Sogið,
og einn sjaldgæfur urriðastofn
var um skeið næstum horfinn
og var bjargað á síðustu stundu
með ræktunaraðgerðum. Ef hug-
myndir væru uppi um að virkja
Gullfoss í dag væri aldrei að vita
hvort ekki væri farið út í það. Við
lifum á órómantískum tímum.“
Á tónleikunum mun Kristinn
flytja Draumalandið eftir Sig-
fús Einarsson og aríuna „In die-
sen heiligen Hallen“ úr Töfraf-
lautu Mozarts. „Draumalandið
er tenging við íslenska náttúru,
og fallegur texti. Töfraflautan
fjallar um hin helgu vé og list-
ina að umgangast annað fólk, að
fólk sýni skoðunum hvor annars
virðingu. Ef við gerum það ekki
getum við ekki talað saman og
ekki komist að niðurstöðu í neinu
máli.“ valurg@frettabladid.is
„Við lifum á
órómantískum tímum“
KRISTINN SIGMUNDSSON SÖNGVARI
Hin árlega Sólstöðuhátíð þunga-
rokkara verður haldin á vetrar-
sólstöðum í kvöld í sjötta sinn.
Fram koma Forgarður helvítis,
Sólstafir, Potentiam, Momentum,
Gjöll, Elegy og Atrum.
Forgarður helvítis hefur hafið
upptökur á nýrri plötu en síðasta
plata þeirra „Gerningaveður“
kemur út hjá lítilli grískri útgáfu
snemma á á næsta ári. Sólstafir
eru nýbúnir að gefa út plötuna
„Masterpice of Bitterness“ hjá
Spikefarm-útgáfunni í Finnlandi.
„Við byrjuðum að halda þetta
þegar kristnihátíðin var hald-
in. Við vorum pirraðir út í hana
og allt bruðlið sem fylgdi henni
þannig að við ákváðum að vera
prakkarar og halda andkristni-
hátíð,“ segir Siggi Pönk, tónleika-
haldari og meðlimur Forgarðs
helvítis. „Fólk hefur tengt þetta
við djöfladýrkun en þetta er pól-
itísk hátíð. Tónlistin er samt af
grófustu gerð. Þarna er rjóminn
af grófustu þungarokkssveitum
Íslands.“ Að sögn Sigga munu heið-
ingjar, anarkistar og umhverfis-
verndarsinnar jafnframt kynna
málefni sín á hátíðinni.
Hátíðin í kvöld hefst klukkan
19.00 í Tónlistarþróunarmiðstöð-
inni og ætti að vera lokið upp úr
klukkan 23.00. Aðgangseyrir er
500 krónur en aldurstakmark
ekkert.
Sólstöðuhátíð í sjötta sinn
SIGGI OG MAGNÚS Siggi pönk, til hægri,
og Magnús Halldór Pálsson úr Forgarði
helvítis. Sjötta Sólstöðuhátíð þungarokkara
verður haldin í kvöld. FRÉTTABLAÐIÐ/ANTON
Kl. 21.00
Tónlistarhópurinn Camerarctica
heldur sína árlegu jólatónleika
um þessar mundir og flytur í kvöld
tónlist eftir Mozart við kertaljós í
Kópavogskirkju.
Margrét Bóasdóttir stjórnar
nýstofnuðum sönghóp, skip-
uðum 27 háskólastúlkum,
sem koma í fyrsta sinn fram
í hádeginu í dag í anddyri
Háskóla Íslands.
Flutt verður jólaverkið
Ceremony of Carols eftir
Benjamin Britten, sem er
fyrir kvennakór og hörpu, en
um hörpuleikinn sér Elísabet
Waage.
„Þær hafa allar mjög mikla
kórreynslu og hafa langflestar
sungið þetta verk áður,“ segir Margrét, sem þekkir
stúlkurnar vel frá því að þær voru ýmist í unglingakór
Hallgrímskirkju eða unglingakór Selfosskirkju.
„Þessir tveir kórar fluttu þetta sama verk saman
fyrir sex árum. Núna eru þær eiginlega allar komnar
í Háskólann og þegar það kom í ljós varð þessi
hugmynd til. Draumurinn er
að halda áfram og syngja
undir merkjum Háskólans.
Með þessum tónleikum
erum við eiginlega bara að
kynna okkur og syngja fyrir
nýja rektorinn, sem er kona.“
Sungið verður í anddyri
Háskóla Íslands á síðasta
prófdegi háskólastúdenta
þannig að þessi fagra
jólatónlist ætti að geta orðið
kærkominn glaðningur fyrir
jafnt stúdenta sem starfsfólk
Háskólans.
„Við ætlum að syngja þetta jólaverk Brittens og
svo ætlum við í lokin að biðja alla um að syngja
með okkur nokkur jólalög. Háskólinn býður upp á
piparkökur og kakó svo að þeir sem eru á ferðinni
geta notið þessarar stundar með okkur.“
Kynna nýjan stúlknakór
Á fyrstu hæð Grófarhúss,
Tryggvagötu 15, stendur nú yfir
sýning á verkum Bjargar Þor-
steinsdóttur myndlistarmanns.
Sýningin er sú sjötta í röð sýn-
inga á verkum listamanna sem
eiga listaverk í Artóteki Borgar-
bókasafnsins.
Björg hefur á myndlistar-
ferli sínum fengist við grafík,
málverk, teikningu, vatnsliti
og collageverk. Hún sækir sér
endurnýjun og tilbreytingu með
því að breyta um tækni.
Undanfarið hefur hún ein-
beitt sér að vatnslitum þar sem
yrkisefnið er oft leikur vatns
og ljóss, greina má endurteknar
hreyfingar og sjónrænar heildir
þar sem gagnsæir litir og birta
eru í öndvegi. Myndirnar eru
málaðar beint á pappírinn án
nokkurra frumdraga.
Artótek-listhlaða í Borgar-
bókasafni tók til starfa í ágúst
2004. Þar er íslensk samtímalist
til leigu eða sölu til einstaklinga
eða fyrirtækja.
Sýningar á verkum myndlist-
armanna sem eiga listaverk í
Artóteki eru haldnar reglulega á
Reykjavíkurtorgi, Grófarhúsi að
Tryggvagötu 15. Áður hafa lista-
mennirnir Sigríður Ólafsdóttir,
Aðalheiður Valgeirsdóttir, Bene-
dikt Lafleur, Ingimar Waage og
Bryndís Brynjarsdóttir sýnt þar
verk sín.
Björg í Grófarhúsi
BYLGJUR Eitt verka Bjargar Þorsteinsdóttur í Grófarhúsinu.
> Ekki missa af ...
... síðustu tónleikum Mikes Pollock
á þessu ári, sem haldnir verða á Café
Rosenberg í kvöld.
... tónleikum Sólrúnar Bragadóttur
sópransöngkonu og Kára Þormar
organista í Fríkirkjunni á morgun þar
sem þau flytja klukkustundar langa
Maríudagskrá.
... tenórunum
þremur, þeim
Gunnari
Guðbjörns-
syni, Jóhanni
Friðgeiri
Valdimars-
syni og
Snorra Wium,
sem ætla að skemmta vegfarendum í
miðbænum á Þorláksmessu með söng
á svölum Kaffi Sólons.