Fréttablaðið - 21.12.2005, Blaðsíða 80

MIÐVIKUDAGUR 21. febrúar 2005 43
Á seinni tímum hefur ljóðinu,
með ákveðnum greini, óspart
verið spáð illum endalokum.
Ný ljóðabók Þórarins Eldjárns,
Hættir og mörk, hefur hins vegar
hlotið mjög góðar viðtökur og nú
er fyrsta upplag af bókinni uppselt
hjá forlaginu.
Starfsmenn Eddu útgáfu hafa
verið á þönum milli bókabúða að
hafa uppi á óseldum eintökum til
að koma þeim þangað sem algjör
þurrð hefur verið. Þannig var
bókin uppseld um tíma í helstu
bókaverslunum í miðbænum um
helgina.
Nú er annað upplag á leið í
verslanir og því ættu þeir sem
urðu frá að hverfa um helgina
að geta nálgast þessa eftirsóttu
ljóðabók, sem bóksalar völdu
bestu ljóðabók ársins 2005. ■
Ljóðabók
rýkur út
ÞÓRARINN ELDJÁRN Salan á nýrri ljóðabók
Þórarins sýnir að áhugi á ljóðum leynist
enn með þjóðinni.
HVAÐ? HVENÆR? HVAR?
DESEMBER
18 19 20 21 22 23 24
Miðvikudagur
■ ■ TÓNLEIKAR
 12.15 Jólatónleikar verða í anddyri
aðalbyggingar Háskóla Íslands þar
sem flutt verður jólaverkið Ceremony
of Carols eftir Benjamin Britten fyrir
kvennakór og hörpu. Flytjendur eru
nýstofnaður sönghópur, skipaður 25
háskólastúlkum, ásamt Elísabetu
Waage hörpuleikara. Stjórnandi er
Margrét Bóasdóttir.
 19.00 Hljómsveitirnar Forgarður
helvítis, Sólstafir, Potentiam,
Momentum, Gjöll, Elegy og
Atrum koma fram á hinum árlegu
Sólstöðutónleikum í Tónlistarþróunar-
miðstöðinni á Granda.
 20.00 „Ljós í myrkri”, dagskrá
með tónlist og hugvekjum við
vetrarsólstöður verður flutt í
Hallgrímskirkju til stuðnings íslenskri
náttúru. Hugvekjurnar flytja Ásta
Þorleifsdóttir jarðfræðingur, Ólafur
Páll Jónsson heimspekingur,
Katrín Fjeldsted læknir, Ósk
Vilhjálmsdóttir myndlistarmaður
og séra Sigurður Pálsson.
Meðal tónlistarfólks sem kemur
fram er Kristinn Sigmundsson
óperusöngvari.
 21.00 Tónlistarhópurinn
Camerarctica heldur sína árlegu
jólatónleika í Kópavogskirkju.
 22.00 Borgardætur verða með
sína árlegu tónleika á Næsta bar.
 22.00 Hið frábæra Rolling
Stones tribute verður endurtekið
á Gauknum í kvöld. Rolling Stóns
skipa Helgi “Jagger” Björnsson,
Björgvin “Keith” Gíslason,
Eðvarð “Wood” Lárusson, Tómas
“Wyman” Tómasson, Birgir
“Watts” Baldursson og Einar
“Hopkins” Rúnarsson.
 22.00 Hljómsveitin Sometime
heldur sína fyrstu tónleika á Sirkus.
 22.00 Mike Pollock heldur
tónleika á Café Rosenberg.
■ ■ SAMKOMUR
 17.30 Síðasta æfing Hláturkæti-
klúbbsins fyrir jól er í dag í
fundarsal heilsumiðstöðvarinnar
Maður lifandi, Borgartúni 24.
Hláturæfingin stendur í hálfa
klukkustund.
 17.45 Ásatrúarmenn halda
sólstöðuhátíð við Kaffi Nauthól í
Öskjuhlíð. Gengið verður í blysför að
hátíðarsvæðinu þar sem brúðkaupi
Freys og Gerðar Gymisdóttur verður
fagnað og glaðst yfir því að sól er að
byrja að rísa á himni á ný.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
Ásatrúarmenn fagna endurfæð-
ingu sólar á vetrarsólstöðum í
Öskjuhlíð í dag. „Við höfum haldið
þessa hátíð allar götur síðan Ása-
trúarfélagið var stofnað,“ segir
Jóhanna Harðardóttir Kjalnes-
ingagoði. „Við hittumst á Kaffi
Nauthól klukkan 17.45 og förum í
blysför að hátíðarsvæðinu. Þar er
köstur í keri sem við kveikjum eld
í til að fagna því að hringrás lífs-
ins er að hefjast á ný. Þá segjum
við ævintýri af brúðkaupi Gerð-
ar Gymisdóttur og Freys, sem er
jólasaga okkar ásatrúarmanna.
Að því loknu förum við aftur upp
á Kaffi Nauthól þar sem þeir sem
vilja geta fengið sér hressingu.“
Þetta er fjórða árið í röð sem
ásatrúarmenn blóta jólin í Öskju-
hlíð en áður var hátíðin oftar en
ekki haldin innan dyra. Að sögn
Jóhönnu varð Öskjuhlíðin einfald-
lega fyrir valinu vegna þess að
hún þótti fallegur og hátíðlegur
staður. „Við ætlum líka að reisa
okkur hof þar, sem verður vænt-
anlega fyrsta hofið sem reist er í
Evrópu í 900 ár.“
Jóhanna segir að sífellt fleiri
sækja sólstöðuhátíðina og ekki
aðeins ásatrúarmenn enda er hún
öllum opin. „Ég held að hátíðin
höfði til allra sem vilja gleðjast
yfir birtunni eða varðveita forn-
an menningararf. Mér eru minni-
stæðar tvær eldri konur að vestan
sem komu eitt sinn á blót og fannst
það einmitt svo gaman vegna þess
að kom í stað sólarkaffisins sem
var drukkið á Vestfjörðum.“
- bs
Endurfæðingu sólar fagnað í Öskjuhlíð
JÓHANNA HARÐARDÓTTIR Segir sólstöðuhátíðina höfða til allra sem vilja gleðjast yfir birtunni.
FRÉTTABLAÐIÐ/ VILHELM