Fréttablaðið - 21.12.2005, Blaðsíða 10

10 21. desember 2005 MIÐVIKUDAGUR
North Face í jólapakkann
Dömuflíspeysa
kr. 7.990.-
BANDARÍKIN Allir sem voru um
borð í sjóflugvél sem hrapaði við
strendur Miami í fyrrakvöld, alls
tuttugu manns, eru taldir af.
Átján farþegar voru um borð
í vélinni, þar af þrjú smábörn,
auk tveggja manna áhafnar.
Vélin, sem var tveggja hreyfla,
var á leiðinni til Bahamaeyja frá
Miami. Hún hrapaði skömmu eftir
flugtak en orsakir slyssins liggja
enn ekki fyrir.
Að sögn vitna varð sprenging
í vélinni á meðan hún var enn á
lofti og eftir það hrapaði hún bein-
ustu leið í sjóinn. ■
Flugslys í Flórída:
Tuttugu sagðir
hafa týnt lífi
FLUGVÉLIN HRAPAR Vegfarandi með
myndbandstökuvél náði þessum myndum
af vélinni í þann mund sem hún hrapaði í
hafið. FRÉTTABLAÐIÐ/AP
DÓMSMÁL Maður á þrítugsaldri
hefur verið sýknaður af ölvunarak-
stursákæru vegna misræmis þegar
kemur að því hvort áfengi er mælt
í útöndunarlofti eða blóði.
Í dóminum, sem kveðinn var
upp í Héraðsdómi Reykjaness í
gær, segir að fullt tilefni sé til að
endurskoða verklagsreglur við
endanlegan útreikning á áfeng-
ismagni. „Óviðunandi er að þegar
áfengismagn mælist við vanhæf-
ismörk, þá séu meiri líkur á því að
ökumaður sé betur settur ef alk-
óhólmagn hefur verið mælt í blóði
heldur en ef það hefði verið mælt í
útöndunarlofti.”
- óká
Sýknaður af ölvunarakstri:
Áfengi mælt í
lofti ekki blóði
AKUREYRI Stjórnendum Kaupfélags
Eyfirðinga hefur enn ekki borist
svar við formlegu erindi þar sem
óskað var eftir fundi með Halldóri
Ásgrímssyni forsætisráðherra til
að ræða hugsanlega aðkomu KEA
að uppbyggingu matvælarann-
sóknastofnunar á Akureyri. Erind-
ið var sent 29. nóvember síðastlið-
inn og segir Halldór Jóhannsson,
framkvæmdastjóri KEA, að félag-
ið vilji gjarna fara að sjá einhver
viðbrögð við erindinu.
Fyrir liggur að ríkisstjórnin
hyggst leggja fram frumvarp á
Alþingi um að matvælarannsókna-
stofnun verði komið á fót og er
ætlunin að stofna hlutafélag um
rekstur stofnunarinnar. KEA hefur
lýst yfir áhuga á að leggja fram
fjármuni í þetta félag og er KEA
einnig tilbúið til að leigja stofnun-
inni húsnæði til lengri tíma.
Steingrímur S. Ólafsson, upp-
lýsingafulltrúi forsætisráðuneyt-
isins, segir ráðherra hafa tekið
vel í erindið og hann ætli að eiga
fund með stjórnendum KEA við
fyrsta tækifæri, líklega í upphafi
nýs árs. - kk
KEA vill matvælarannsóknastofnun norður:
Bíða eftir svari frá Halldóri
HALLDÓR JÓHANNSSON Framkvæmda-
stjóri KEA segir Akureyri kjörinn stað fyrir
matvælarannsóknastofnun þar sem sjávar-
útvegur og landbúnaður séu burðarásar
atvinnulífsins í Eyjafirði.
FRÉTTABLAÐIÐ/KK
MORALES FAGNAR Evo Morales, verðandi
forseti Bólivíu, veifar er hann mætti til
blaðamannafundar í La Paz í gær. Hann
boðaði þjóðaratkvæðagreiðslu um það
hvernig kókarækt skyldi stjórnað í landinu.
FRÉTTABLAÐIÐ/AP
STEINUNN VALDÍS ÓSKARSDÓTTIR
STJÓRNMÁL „Þetta hefur legið í
loftinu. Ég vissi um ákvörðun
Dags því við vorum búin að
ræða þetta,“ segir Steinunn
Valdís Óskarsdóttir borgarstjóri,
sem sækist eftir efsta sæti á
framboðslista Samfylkingarinnar
í Reykjavík líkt og Dagur B.
Eggertsson.
„Ég er ánægð með að Dagur
hafi tekið af skarið og gengið til
liðs við Samfylkinguna. Um átök
innan flokksins er það eitt að segja
að það er tekist á í prófkjöri. Mér
finnst gott að fá mælingu fyrir
mig, því þá veit ég hver stuðning-
urinn við mig er meðal fólks. Ég
veit ekki betur en að sjálfstæðis-
menn hafi gengið í gegnum þetta
sjálfir nýverið,“ segir Steinunn
Valdís. - jh
Slagurinn um toppsætið:
Fagnar Degi í
slaginn
STEFÁN JÓN HAFSTEIN
STJÓRNMÁL „Dagur á heima
í Samfylkingunni. Ég sagði
einhvern tíma að ég skyldi
ættleiða hann pólitískt,“ segir
Stefán Jón Hafstein, sem lýst
hefur yfir framboði sínu í efsta
sæti lista Samfylkingarinnar í
Reykjavík, en prófkjör flokksins
fer fram í febrúar.
„Dagur B. Eggertsson mun
styrkja listann. Ég býst við að
hann fái ágætis kosningu og verði
í einu af efstu sætum listans. Ég
held óhikað minni stefnu hvað
það varðar að ná fyrsta sæti í
prófkjörinu, en það er það sæti
sem ég skipaði í upphafi kjör-
tímabilsins. Átök frambjóðenda í
prófkjöri endurspegla ekki nein
flokksátök,“ segir Stefán Jón.
- jh
Framboð Dags B. Eggertssonar:
Styrkir lista
Samfylkingar
BRUSSEL, AP Sjávarútvegsráðherrar
Evrópusambandslandanna komu
saman í Brussel í gær til árlegs
samningafundar um ákvörðun
fiskveiðikvóta næsta árs í lögsögu
aðildarríkjanna.
Alþjóðahafrannsóknastofnun-
in, Ices, lagði til í október síðast-
liðnum að enginn þorskur yrði
veiddur í lögsögu ESB á árinu 2006
þar sem stofninn, einkum í Norð-
ursjónum og á miðunum vestur af
Skotlandi og Írlandi, væri mjög
hætt kominn vegna ofveiði.
Framkvæmdastjórn ESB gekk
reyndar ekki svo langt í tillögum
sínum til ráðherranna, enda er í
gildi samkomulag sem kveður á
um að ekki skuli skera kvótann
niður um meira en 15 prósent í
einu milli ára. En framkvæmda-
stjórnin leggur til að kvótinn verði
skorin niður um þessi 15 prósent
bæði í þorski og nokkrum öðrum
tegundum, enda veiðist þorskur
gjarnan sem meðafli með öðrum
bolfiski. Jafnframt er mælst til
að þorskveiðar verði bannaðar á
vissum hafsvæðum og sóknardög-
um fækkað í sóknarmarkskerfinu
sem útgerðir í Skotlandi og víðar
starfa eftir.
Breski sjávarútvegsráðherr-
ann Ben Bradshaw, sem stýrir
ráðherrafundinum þar sem Bret-
ar gegna formennskunni í ESB
til áramóta, sætir miklum þrýst-
ingi af hálfu útgerðarmanna í
Skotlandi að samþykkja ekki
fækkun sóknardaga. Enn frekari
niðurskurður á kvóta og í sókn-
armörkum muni að þeirra sögn
gefa mörgum útgerðarbæjum
náðarhöggið.
Vísbendingar um að síldar-
og lýsingsstofnar í nyrsta hluta
ESB-lögsögunnar séu að rétta úr
kútnum gáfu framkvæmdastjórn-
inni aftur á móti tilefni til að
leggja til lítils háttar aukningu á
veiðikvótum úr þessum stofnum.
Þess var vænst að niðurstaða
næðist ekki í kvótaviðræðurnar
fyrr en í dag.
Þrýst á mikinn samdrátt veiða
Sjávarútvegsráðherrar Evrópusambandsins hófu í gær árlegt samningaþóf sitt um fiskveiðikvóta næsta árs.
Vegna ískyggilegs ástands fiskistofna, sérstaklega þorsks, er lagður til verulegur niðurskurður veiða.
BEN BRADSHAW Sjávarútvegsráðherra Breta
í kröppum dansi í Brussel. FRÉTTABLAÐIÐ/AP
MIKIÐ Í HÚFI Sjómenn í áhöfn togarans Diego David gera að sardínuafla undan Vigo,
stærstu útgerðarhafnar Spánar. Mikið er í húfi fyrir útgerðarbæi ESB-ríkjanna er ákvörðun
verður tekin um kvóta næsta árs. NORDICPHOTOS/AFP