Fréttablaðið - 21.12.2005, Blaðsíða 83

82 28. janúar 2005 FÖSTUDAGURMIÐVIKUDAGUR 21. desember 2005 46
��������������
�������
����������
����
������������������������������
������������������������������
������������
����������
��� �
Viña Carmen er eitt þekktasta vínfyrir-
tæki Chile og stendur á traustum grunni,
stofnað árið 1850 af Christian Lanz, sem
nefndi fyrirtækið í höfuðið á ástkærri
eiginkonu sinni, Carmen. Árið 1992 var
fyrirtækið endurbyggt og nýjum vínvið
plantað með það í huga að ná fótfestu í
útflutningi og í dag eru vín frá Carmen
seld í yfir 50 löndum. Carmen hefur að
mörgu leyti verið brautryðjandi í vín-
gerð í Chile og hefur sjö sinnum verið
kosin víngerð ársins þar í landi.
Í vínbúðum fást fjölmörg vín frá
Carmen. Með hátíðarmatnum er vert að
benda á reserve vínin, merlot sem kost-
ar 1.390 kr. og cabernet sauvignon og
carmenére cabernet sauvignon á 1.490
kr. Síðastnefnda vínið fékk í fyrra fimm
stjörnur í einkunn í hinu virta tímariti
Decanter en tímaritið var með sérstaka
úttekt á vínum frá Chile.
CARMEN:
Sjö sinnum valin víngerð ársins í Chile
Camus-fjölskyldan
hefur framleitt koní-
ak síðan 1863 og hefur
höfuð fjórða ættlið-
ar fjölskyldunnar,
Jean-Paul Camus,
stýrt fyrirtækinu
undanfarna áratugi.
Sonur hans, Cyrill
Camus, tók nýlega
við sem forstjóri fyr-
irtækisins og er hann
mikill Íslandsvinur
og hefur heimsótt
landið margoft, enda
hefur Camus Cognac
notið gríðarlegra vin-
sælda hér á Íslandi
og verið söluhæsta
koníakið síðastliðin
15 ár. Er Camus hvergi
með jafn hátt hlutfall
af allri koníakssölu og
á Íslandi enda fram-
leiðir Camus nær ein-
göngu svokallað „lúx-
uskoníak“ og er ekki í
samkeppni við „massa-
f r a m l e i ð e n d u r “ .
Þykir forráðamönn-
um Camus mikið til
hinnar miklu sölu á
Íslandi koma, sem
þeir telja til marks
um góðan smekk
landans. Camus
VSOP fæst í gjaf-
aöskju í vínbúðun-
um og kostar 4.690
krónur.
CAMUS:
Vinsælasta koníakið
í gjafaumbúðum
Hvaða matar gætir þú síst verið
án? „Maðurinn getur auðvitað
síst verið án vatnsins. Ég er alæta
þannig að fái ég bara þennan
grundvallarmat, fisk, kjöt, kartöfl-
ur og hrísgrjón þá er ég góður.
Reynslan hefur kennt manni að það
sem maður verður síst leiður á er
fiskurinn. Því verð ég að nefna hann
í þessu samhengi.“
Hvað er besta máltíð sem þú
hefur fengið? „Maður man auðvitað
alltaf best það sem er næst manni
í tímanum. Ég fékk unaðslega
máltíð fyrir nokkru. Það var bæði
fiskur og kjöt á japönskum stað á
Fiji-eyjum fyrir nokkrum vikum. Þar
var um að ræða alls konar hrátt
fiskmeti og einnig nautakjöt sem er
meðhöndlað á mjög sérstakan hátt
þarna. Það er skorið í mjög þunnar
sneiðar og sett í sérstaka sósu svo
úr verður einskonar fondu-réttur.
Þetta var mjög bragðgott.“
Er einhver matur sem þér finnst
vondur? „Það held ég hreinlega
ekki. Ég borða siginn fisk og saltfisk,
hákarl og skötu, og leifi aldrei. Þar
kemur uppeldið sterkt inn.“
Hvað leynist í eldhússkápunum?
„Flest sem þarf til hefbundinnar
matargerðar auk þess sem einnig
leynast hráefni til matreiðslu á því
sem gæti talist nokkuð óvenjulegt,
það er að segja matur með austur-
lensku yfirbragði og jafnvel egýpskt
krydd.“
Hvað borðar þú til þess að láta
þér líða betur? „Það er langbest að
fara bara í hafragrautinn. Hann lagar
allt. Svo er það aftur svo heimsku-
legt að maður fer stundum aftur í
ruslfæðið til þess að láta sér líða
betur en auðvitað verður líðanin
enn verri eftir það.“
Hvað áttu alltaf í ísskápnum?
„Það sem er ávallt til í ísskápnum
hjá mér er allt það hráefni sem
þarf til þess að setja saman góðan
morgunverð. Allar tegundir af
ávöxtum, þar sem ég bý alltaf til
orkudrykk á morgnana úr ávöxtum.
Síðan bæti ég við ólífuolíu, smá
cheyenne-pipar og hvítlauksgeira.
Þetta set ég síðan í blandara og
þá er ég kominn með orku yfir
daginn.“
Hvaða mat myndir þú taka með
þér ef þú værir fastur á eyðieyju?
„Ég myndi fyrst og fremst taka með
mér öngul og stöng og veiða mér til
matar. Það er varla sú eyja í heim-
inum sem ekki er með eitthvað
matarkyns í sjónum kringum sig.
Þá veiddi maður hákarl ef ekki vildi
betur.“
Hvað er það skrítnasta sem þú
hefur borðað? „Ætli ég segi ekki
bjarnarkjöt í Finnlandi og kengúru-
kjöt í Ástralíu.“
MATGÆÐINGURINN ARNAR JÓNSSON LEIKARI
Hafragrauturinn klikkar ekki
,,Ég geri nú nokkuð af því að elda
þrátt fyrir að ég hafi ekki gert
mikið upp á síðkastið,“ segir leik-
arinn góðkunni Jóhann Sigurðar-
son sem að þessu sinni lætur okkur
í té uppskrift vikunnar. ,,Mín sér-
grein á heimilinu er steikin. Þá
elda ég einnig nokkuð af fiski og
matreiði stundum reyktan lax. Á
sumrin grilla ég einnig mikið og þá
allskonar hráefni, bæði kjöt og fisk
og einnig grænmeti. Það litla sem
ég veiði af fiski á sumrin elda ég
líka fyrir fjölskylduna.“
Aðspurður hvenær hann byrj-
aði að elda segir Jóhann að það hafi
verið fremur frumleg eldamennska
til þess að byrja með. ,,Þegar maður
var að reyna að byrja að elda sjálfur
á yngri árum var maður nú frekar í
fljótlegu réttunum. Eftir því sem á
leið fór maður að gera flóknari og
skemmtilegri rétti. Það er nú aðal-
lega tímaskorturinn sem veldur því
að maður gerir ekki eins mikið og
maður vill .“
Jóhanni finnst skemmtilegast
að elda stórsteikurnar. ,,Það er allt-
af gaman að elda góðan hrygg eða
læri og fylgja því vel eftir. Það er
alveg nauðsynlegt að passa vel upp
á tímann og hafa rétt hitastig og
svona. Það er eiginlega mín deild.“
Að sögn Jóhanns er alveg nauðsyn-
legt að eiga gott úrval af góðum
kryddum í skápnum. ,,Ásamt
kryddi nota ég ólífuolíu mikið við
eldamennskuna. Þá er líka nauð-
synlegt að hafa almennileg tæki
við hendina þegar verið er að elda
góðan mat. Eftir að ég kynntist
gaseldavélum þá hreifst ég mjög af
þeim. Það er miklu skemmtilegra
að elda á slíkum eldavélum heldur
en á hinni hefðbundnu hellu. Bæði
er þægilegra að eiga við matinn auk
þess sem auðveldara er að ráða við
hitann. Því nota ég eingöngu gas
núorðið.“ Þegar Jóhann er spurður
hvað hann myndi aldrei reyna að
elda, annaðhvort vegna kunnátt-
uleysis eða þá einfaldlega vegna
þess að honum finnst viðkomandi
matur vondur, stendur ekki á svari.
,,Þegar ég var í sveit hérna um árið
þá var stundum eldaður svokallað-
ur skyrhræringur. Það var skyr og
hafragrautur blandað saman svo
úr varð einhvers konar hræring-
ur. Mér myndi aldrei detta í hug
að bera það á borð fyrir nokkurn
mann. Ég á allavega ekki góðar
minningar um þann graut.“
Jólamaturinn hjá Jóhanni er
hefðbundinn á aðfangadagskvöld.
,,Við eldum lambahrygg og hangi-
kjöt um jólin. Það eru sterkar hefðir
í fjölskyldunni varðandi jólamatinn.
Þá á ég einnig tvo unga menn sem
borða ekki hvað sem er þannig að
hangikjötið og lambið hefur vakið
lukku hjá þeim. En við höfum hins
vegar aldrei farið út í svínakjöt eða
villibráð eins og hreindýr eða rjúpu
á jólunum. Það hefur ekki verið
talin ástæða til þess,“ segir Jóhann
að lokum.
Væn sjóbleikja heilgrilluð í
álpappír
- Krydduð með sítrónupipar
eða blönduðu fiskikryddi
- Einn laukur skorinn í þunnar
sneiðar og lagður inn í fiskinn
- Einn tómatur niðursneiddur
einnig lagður inn í bleikjuna
- Smá ólífuolía borin á álpapp-
írinn svo roðið festist ekki
við.

Borið fram með salati sem
samanstendur af:
- Spínati
- Perubitum, ferskum
- Ristuðum furuhnetum
- Fetaosti í blárri krukku
- Kryddolíu
- og Parmesan osti
sem skorinn er í sneiðar
Alltaf gaman að elda hrygg
JÓHANN SIGURÐAR-
SON LEIKARI
ekki gleyma að
...fá þér smá sérrítár í
aðdraganda jólanna.
�����������
���������� ��������� ������
�����������
� � � � �
���������
�������� ���
�����
maturogvin@frettabladid.is