Fréttablaðið - 15.02.2006, Side 8

15. febrúar 2006 MIÐVIKUDAGUR
LITHÁEN Aðalefni stjórnmálanna
í Litháen þessa dagana er barátt-
an um milljarðana frá ESB sem
eiga að berast Litháum frá og með
næsta ári fram til 2030 og hvernig
og hverjir eigi að ráðstafa þeim.
Jafnaðarmenn og Mið-vinstri-
f l o k k u r i n n ,
sem er arftaki
Kommúnista-
flokksins, tak-
ast á um það
fyrir hönd
sinna flokka
hverjir og þar
með hvaða
ráðuneyti eigi
að stýra því í
hvaða verkefni
peningarnir verða notaðir, en á
næsta ári fá Litháar milljarða
frá Evrópusambandinu til að nota
í ýmis uppbyggingarverkefni í
landinu.
Inn í þetta blandast fréttir af
spillingu, til dæmis því hvernig
eiginkona forsætisráðherrans,
sem var einn af leiðtogum verka-
lýðshreyfingarinnar, sölsaði undir
sig fasteignir í eigu verkalýðs-
hreyfingarinnar þegar einkavæð-
ingin átti sér stað fyrir nokkrum
árum. Eiginkonan breytti fast-
eigninni í hótel sem hún rekur nú í
Vilníus og er forsætisráðherrann
gagnrýndur fyrir að hafa aðstoð-
að hana.
Fjórir stjórnmálaflokkar
mynda ríkisstjórnina í Litháen,
þar á meðal Jafnaðarmannaflokk-
urinn og Mið-vinstriflokkur sem
er arftaki Kommúnistaflokksins.
Fjármálaráðherrann er jafnaðar-
maður og ráðherra efnahagsmála
er frá Mið-vinstriflokknum. Fjár-
styrkirnir ættu að vera á könnu
fjármálaráðuneytisins en Mið-
vinstriflokkurinn vill að efnahags-
málaráðherrann sjái um þá.
Vytautas Bruveris, þingfrétta-
maður dagblaðsins Lietuvos
Rytas, er svartsýnn á stjórn og
framtíð efnahagsmála í Litháen.
Hann líkir baráttunni um ESB-
peningana við átökin í landinu
þegar einkavæðingin átti sér stað.
Hann telur stjórnmálamennina
vanta alla framtíðarsýn og stefnu-
mörkun.
„Sumir segja að þessir pening-
ar frá ESB séu mikilvægir fyrir
litháíska stjórnmálamenn. Þetta
verði svipað og þegar einkavæð-
ingin átti sér stað. Stjórnmála-
menn takist á og allir berjist um
peninga og pólitísk áhrif. Allt
annað gleymist,“ segir hann. ■
Milljónamiðar
leynast
enn á
sölustöðum.
Finnur
þú þann
næsta?
FRÉTTABLAÐIÐ
Í LITHÁEN
GUÐRÚN HELGA
SIGURÐARDÓTTIR
ghs@frettabladid.is
ÖRYGGISMÁL Enn er ekki komið í
ljós hvernig aðskilnaði á brott-
farar- og komufarþegum verður
háttað á Keflavíkurflugvelli en
flugmálastjórn, í samvinnu við
sýslumannsembætti á flugvellin-
um, vinnur nú að því að uppfylla
öryggiskröfur sem eftirlitsstofn-
un EFTA (ESA) gerir til alþjóða-
flugvalla.
Stefán Thordersen, yfirmaður
öryggissviðs flugmálastjórnar á
Keflavíkurflugvelli, segir skipu-
lagsvinnu nú standa yfir meðal
allra þeirra sem að öryggismál-
um koma, með það að markmiði
að skerpa á öryggismálum. „Það
er ekki enn komið í ljós hvernig
breytingunum sem gerðar verða
á vellinum verður háttað. Við
munum þurfa að aðskilja brott-
farar- og komufarþega á vissum
svæðum innan flugvallarins, til
þess að mæta kröfum ESA.“
Starfshópur á vegum ESA kom
hingað til lands í síðustu viku
og gerði úttekt á öryggismálum
á flugvallarsvæðinu öllu. Eftir
úttektina kom í ljós að töluverðar
breytingar þarf að gera á öryggis-
málum á vellinum til þess að mæta
kröfum ESA. Breytingarnar sem
gerðar verða munu koma töluvert
niður á þægindum farþega sem
fara um Keflavíkurflugvöll en sér-
stök áhersla verður lögð á að efla
innra eftirlit á flugvellinum. - mh
Öryggismál á Keflavíkurflugvelli eru nú til skoðunar hjá flugmálastjórn:
Þægindi farþega skerðast
FARÞEGAR Í VEGABRÉFASKOÐUN Í LEIFS-
STÖÐ Mikil breyting verður á aðbúnaði
starfsfólks og farþega á Keflavíkurflugvelli
eftir að öryggismál hafa verið tekin til
endurskoðunar. FRÉTTABLAÐIÐ/HARI
STJÓRNMÁL „Pólitískum andstæð-
ingum okkar í bæjarmálunum er
velkomið að sitja fundi L-listans
og leggja sitt af mörkum í stefnu-
mótunarvinnunni hjá okkur sem
nú stendur yfir vegna komandi
bæjarstjórnarkosninga. Það
skiptir okkur ekki máli hvaðan
gott kemur og við fögnum öllum
hugmyndum sem geta orðið
bænum til framdráttar,“ segir
Oddur Helgi Halldórsson, oddviti
Lista fólksins á Akureyri.
L-listinn hefur ákveðið að bjóða
fram í þriðja sinn í sveitarstjórn-
arkosningunum í vor en hann
fékk tvo bæjarfulltrúa í síðustu
kosningum. Oddur Helgi mun
leiða listann sem fyrr en Marsibil
Fjóla Snæbjarnardóttir, bæjar-
fulltrúi L-listans, hefur ákveðið
að taka sér hlé frá stjórnmálum.
„Við erum að stilla upp listan-
um en munum ekki kynna hann
fyrr en 18. mars. Við viljum kom-
ast í meirihluta að loknum kosn-
ingum og stefnum á að fá þrjá
menn kjörna í bæjarstjórn,“ segir
Oddur Helgi.
- kk
Andstæðingum boðið að koma að stefnumótun Lista fólksins á Akureyri:
Sama hvaðan gott kemur
ODDUR HELGI HALLDÓRSSON
Listi fólksins er öllum opinn og eina fram-
boðið á Akureyri sem ekki heldur félagatal.
FRETTABLAÐIÐ/KJK
MORGUNN Í LITHÁEN Vytautas Bruveris,
blaðamaður hjá stærsta dagblaðinu í Lithá-
en, Lietuvos rytas, eða Morgunn í Litháen.
FRÉTTABLAÐIÐ/GHS
Valdabarátta um
ESB-milljarðana
Hörð valdabarátta á sér stað í Litháen. Stjórnmálamennirnir, og þá fyrst og
fremst jafnaðarmenn og fyrrverandi kommúnistar, takast á um fjárstyrki frá
Evrópusambandinu sem eiga að berast á árunum 2007-2030.
FORSETAHÖLLIN Í VILNÍUS „Sumir segja að þessir peningar frá ESB séu mikilvægir fyrir litháíska stjórnmálamenn,“ segir Vytautas Bruveris
blaðamaður og er svartsýnn á framtíð stjórnmála í Litháen. Hann heldur að stjórnmálamenn gleymi sér í stundarbaráttunni og sinni ekki
stefnumótun né hafi nokkra framtíðarsýn. FRÉTTABLAÐIÐ/GHS