Fréttablaðið - 15.02.2006, Page 12

15. febrúar 2006 MIÐVIKU-
DAGUR
12
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00-18.00 og laugardaga kl. 12.00-16.00
SKIPT_um væntingarPATROL
NISSAN
ENDIST ENDALAUST
Veiðikortið 2006 fylgir
öllum 4x4 Nissan bílum
Patrol Luxury Beinskiptur 3.990.000 kr.
Patrol Luxury Sjálfskiptur 4.090.000 kr.
Patrol Elegance Beinskiptur 4.390.000 kr.
Patrol Elegance Sjálfskiptur 4.490.000 kr.
Tegund Verð
Rúmgó›ur og árei›anlegur vinnufljarkur sem hefur s‡nt
og sanna› a› hann á heima á Íslandi. Nissan Patrol er
einfaldlega alvöru jeppi fyrir alvöru fólk!
33" dekk, toppbogar og dráttarbeisli
250.000 kr. kaupauki
Bíll á mynd er 35" breyttur
ÍRAK, AP Tugir manna hafa síðustu
dægur fallið í árásum í Bagdad
og víðar í Írak. Byssumenn skutu
ellefu bændur til bana í Balad
norður af Bagdad í gær. Í fyrra-
dag sprengdi sjálfsmorðssprengj-
umaður sprengjubelti í biðröð í
Bagdad, þar sem óbreyttir Írak-
ar, flestir sjía-múslímar, biðu
eftir að fá útborgaðar uppbætur
á matarstyrk. Tíu manns lágu í
valnum eftir sprenginguna og um
40 særðust, þar á meðal nokkur
börn, að sögn lögreglu.
Á annan tug manna dó í árás-
um annars staðar í landinu, þar
á meðal fimm lögreglumenn og
fimm meðlimir áhrifamikils
stjórnmálaflokks trúaðra sjía-
múslima.
Þá sendi Al-Arabiya-sjónvarps-
stöðin út myndskeið sem sýndi
þýsku gíslana tvo sem verið hafa
í haldi mannræningja í nærri
mánuð. Mannræningjarnir ítrek-
uðu hótun um að lífláta gíslana
nema þýska ríkisstjórnin yrði við
kröfum þeirra. Þetta væri „síð-
asta aðvörun“ sögðu gíslatöku-
mennirnir. Gernot Erler, aðstoð-
arutanríkisráðherra Þýskalands,
sagði myndskeiðið „vonarglætu“
um að gíslarnir væru enn á lífi,
en þýskum yfirvöldum hefur enn
ekki tekist að komast í samband
við mannræningjana. - aa
Ekkert lát á ofbeldi og hryðjuverkum í Írak:
Tugir manna falla í árásum
GÍSLAR SÝNDIR Úr myndbandi frá mann-
ræningjum tveggja Þjóðverja sem sýnt var
á Al-Arabiya-gervihnattasjónvarpsstöðinni.
FRÉTTABLAÐIÐ/AP
Valt eina veltu Um hálftíuleytið í
fyrrnótt valt bíll í Skeiða- og Gnúpverja-
hreppi. Tveir ungir menn voru í bílnum
og sluppu þeir við alvarleg meiðsli.
Mennirnir hringdu af slysstað í lögreglu
og greindu frá því að þeir væru ómeidd-
ir. Foreldrar annars mannsins sóttu þá
á slysstað.
LÖGREGLUFRÉTT
KJARAMÁL Ekkert miðaði á fundi
kjararáðs félagsráðgjafa og
Reykjavíkurborgar í vikunni og
hefur annar fundur ekki verið
boðaður fyrr en eftir viku.
Að sögn Ellu Kristínar Karls-
dóttur, formanns stéttarfélags
félagsráðgjafa, munar miklu á
því sem félagið fer fram á og
því sem stendur til boða. Segir
hún þolinmæði enn ríkja en hún
fari þverrandi og félagsmenn séu
reiðubúnir til mikilla átaka komi
til þess.
Greint hefur verið frá því að
tugþúsunda munur getur verið á
launum þeirra og sambærilegra
stétta hjá borginni. - aöe
Kjaraviðræður félagsráðgjafa:
Þolinmæði
fer þverrandi
OSLÓ, AP Mennirnir sex sem grun-
aðir eru um þjófnað á tveim-
ur málverkum Edvard Munchs
sögðust vera saklausir í upphafi
réttarhaldanna yfir þeim í Ósló í
gær.
Grímuklæddir byssumenn réð-
ust inn á Munch-safnið í Ósló um
hábjartan dag í ágúst árið 2004 og
höfðu verkin Ópið og Madonnu á
brott með sér. Síðan hefur ekkert
til málverkanna spurst, en þau
eru bæði afar vel þekkt.
Saksóknari segist tilbúinn til
að bjóða hinum ákærðu mildari
dóma tilgreini þeir felustað verk-
anna. Verði þeir fundnir sekir,
bíður þeirra allt að 17 ára fang-
elsi. - smk
Stuldurinn á verkum Munchs:
Málverkarán
fyrir dómstóla
ÓPIÐ Annað málverkanna eftir Edvard
Munch sem stolið var í Ósló árið 2004.
LÍBANON, AP Yfir 800.000 manns
söfnuðust saman á götum Beir-
úts, höfuðborgar Líbanons í gær í
minningu þess að ár var liðið frá
morðinu á Rafik Hariri, fyrrver-
andi forsætisráðherra landsins.
Jafnframt fór fólkið fram á að
forseti Líbanons Emile Lahoud,
sem er stuðningsmaður Sýrlands,
segði af sér. Gríðarleg öryggis-
gæsla var í borginni, en flestum
fyrirtækjum, skólum og opinber-
um stofnunum hafði verið lokað
vegna minningarathafnarinnar.
Hariri og tuttugu aðrir fór-
ust þegar bílasprengja sprakk.
Skömmu síðar vaknaði kvittur um
aðild Sýrlandsstjórnar að morðinu
og stofnuðu Líbanar til fjölmennra
mótmæla. Þá gripu alþjóðaríki í
taumana og neyddu Sýrlendinga
til að yfirgefa Líbanon sem þeir
höfðu haldið hernumdu í þrjá ára-
tugi. - smk
Hundruð þúsunda Líbana minnast Rafik Hariri:
Fjölmenn minningarathöfn
HARIRI MINNST Tæplega milljón Líbanar söfnuðust saman á aðaltorgi Beirút í gær til að
minnast þess að ár var liðið frá morði Rafik Hariris, fyrrverandi forsætisráðherra landsins. Í
kjölfar þess lauk þriggja áratuga hersetu Sýrlendinga í Líbanon. FRÉTTABLAÐIÐ/AP
ÍRAK, AP Saddam Hussein og þrír
aðrir sem ákærðir eru fyrir morð á
tæplega 150 sjítum árið 1982, lýstu
því yfir í gær að þeir væru í hung-
urverkfalli í mótmælaskyni við
yfirdómara málaferlanna.
Einræðisherrann fyrrverandi
hefur ítrekað hindrað réttarhöld-
in með háværum framíköllum og
óspektum, auk þess sem hann, með-
ákærðir og lögmenn þeirra hafa
neitað að mæta í réttarsal. - smk
Réttað yfir Saddam Hussein:
Segist kominn í
hungurverkfall
HUNGURVERKFALL Saddam Hussein virtist
við bestu heilsu í réttarsal í gær.
FRÉTTABLAÐIÐ/AP