Fréttablaðið - 15.02.2006, Side 13

ÁFRAM JAPAN! Þessi stuðningsmaður
japanska ólympíukeppnisliðsins í kurli lét
ekki sitt eftir liggja er liðið mætti Rússum í
Pinerolo á Ítalíu.FRÉTTABLAÐIÐ/AP
STJÓRNMÁL Sigbjörn Gunnarsson,
fyrrverandi þingmaður Alþýðu-
flokksins, og Oktavía Jóhannesdótt-
ir, bæjarfulltrúi Samfylkingarinn-
ar, ætla bæði að taka þátt í starfi
Sjálfstæðisflokksins á Akureyri,
þrátt fyrir að þau hafi ekki náð
settu marki í prófkjöri flokksins um
nýliðna helgi.
Sigbjörn sem nýlega hætti störf-
um sem sveitarstjóri í Mývatnssveit
sóttist eftir öðru til fjórða sæti en
hafnaði í níunda sætinu og Oktavía
bauð sig fram í þriðja til fjórða sæti
en varð í fimmtánda sæti.
Oktavía, sem hlaut kosningu sem
bæjarfulltrúi Samfylkingarinnar í
síðustu sveitarstjórnarkosningum
og situr enn í bæjarstjórn Akur-
eyrar fyrir hönd flokksins, gekk í
Sjálfstæðisflokkinn skömmu fyrir
áramót en Sigbjörn í upphafi árs.
Þau segjast bæði hafa vænst betri
útkomu úr prófkjörinu en segja
vonbrigðin ekki rista djúpt.
„Ég er tilbúin til að sitja í nefnd-
um fyrir Sjálfstæðisflokkinn og
sinna yfir höfuð þeim hlutverkum
sem mér er treyst fyrir. Ég veit af
langri reynslu að þeir sem áhuga
hafa á stjórnmálum geta haft mikil
áhrif þótt þeir séu ekki bæjarfull-
trúar eða alþingismenn,“ segir
Oktavía.
- kk
Kratarnir náðu ekki settu marki í prófkjöri Sjálfstæðisflokksins á Akureyri:
Vonbrigðin rista ekki djúpt
OKTAVÍA JÓHANNESDÓTTIR
„Ég tek niðurstöðu prófkjörsins með
karlmennsku,“ segir Oktavía.
LITHÁEN Menningararfur Litháa,
gömlu timburhúsin sem eru orðin
vel á annað hundrað ára gömul eða
rúmlega það, eru í útrýmingar-
hættu enda hefur þeim í flestum
tilfellum ekkert verið við haldið í
langan tíma.
Nokkur timburhús eru enn eftir
í höfuðborginni Vilníus en þau eru
afar illa farin. Húsin eru falleg að
utan enda gríðarleg vinna sem
liggur í útskornu skrauti þeirra.
Enn er búið í nokkrum þessara
húsa.
Beðið er með ákvarðanir um
framtíð þeirra en þau þurfa mikið
og dýrt viðhald til að ná fyrri feg-
urð og styrk. - ghs
Menningararfur í Vilníus:
Gömul timbur-
hús að hverfa
TIMBURHÚS Í HÆTTU Hefðbundnu lithá-
ísku timburhúsin í Vilníus eru nokkur eftir
en þau þurfa mikið viðhald til að ná fyrri
fegurð. FRÉTTABLAÐIÐ/GHS
BORGARMÁL Lagning Mýrargötu
í Reykjavík í stokk er tilbúin í
umhverfismat en tillaga til lagn-
ingar hennar er til kynningar hjá
Framkvæmdasviði Reykjavík-
urborgar og er hægt að nálgast
upplýsingar á vefsíðu stofnunar-
innar.
Ekkert liggur fyrir um end-
anlega legu enda hafa íbúar og
almenningur allur möguleika
á að koma athugasemdum og
ábendingum á framfæri. Helsta
hugmyndin gerir þó ráð fyrir að
grafinn verði 370 metra langur
stokkur frá gatnamótum Ægis-
götu að Ánanaustum og verður að
líkindum um fjórar akreinar að
ræða, tvær í báðar áttir. - aöe
Í STOKK VIÐ ÁNANAUST Almenningur
getur skoðað hugmyndir borgaryfirvalda
um lagningu Mýrargötu á Netinu og gert
athugasemdir.
Lagning Mýrargötu í stokk:
Tilbúin í
umhverfismat
Aftanákeyrsla við Borg Nokkuð
harður árekstur varð skammt frá Borg í
Grímsnesi þegar ekið var aftan á bifreið í
fyrrakvöld. Svo virðist sem ökumaðurinn
hafi ekki áttað sig á því hversu nálægt
hann var bílnum fyrir framan. Engin
meiðsl urðu á fólki.
LÖGREGLUFRÉTT
MIÐVIKUDAGUR 15. febrúar 2006 13
INDÓNESÍA, AP Tveir Ástralar voru
í gær dæmdir til dauða í Indón-
esíu fyrir heróínsmygl. Menn-
irnir eru taldir höfuðpaurar níu
manna hóps, sem handtekinn var
á Balíflugvelli í apríl í fyrra og
voru sakaðir um að hafa reynt að
smygla rúmum átta kílógrömm-
um af heróíni frá ferðamannastað
á Balí til Ástralíu.
Mennirnir tveir verða leidd-
ir fyrir aftöksuveit og skotnir.
Fjórir aðrir menn sem teknir
voru með heróínið falið á sér
voru dæmdir í ævilangt fangelsi.
Málið hefur vakið mikla athygli í
Ástralíu, og er talið að dómurinn
muni hafa mikil áhrif á samskipti
landanna. - smk
Heróínsmyglarar í Balí:
Ástralar dæmd-
ir til dauða