Fréttablaðið - 15.02.2006, Síða 16

15. febrúar 2006 MIÐVIKUDAGUR16
og fólk
? Vissir þú að:Árið 1995 voru 2613 hestar fluttir
úr landi. Fimm árum síðar, árið
2000, voru þeir 1897 og á síðasta
ári var fluttur út 1501 hestur.
Heimild: www.worldfengur.com
„Ég mun byrja á því að sinna Landsmóti hestamanna sem brestur
á í sumar,“ segir Guðrún H. Valdimarsdóttir sem hóf störf sem
framkvæmdastjóri Landssambands hestamannafélaga og
Landsmóts hestamanna ehf. í vikunni. Landsmót verður
haldið á Vindheimamelum í Skagafirði dagana 26. júní til
2. júlí en það var síðast haldið þar árið 2002 og þótti vel
til takast. Margt er þó ógert og mun Guðrún leggja sitt
af mörkum til að gera mótið eftirminnilegt. „Aðstaðan
er nokkuð góð en ég er enn að setja mig inn í málin til
að ákveða hvað þurfi að gera,“ segir Guðrún, en telur
eitt höfuðatriðið að fá sem flesta á mótið, ekki aðeins
gallharða hestamenn heldur einnig almenna hestamenn
sem geta nýtt mótið sem nokkurs konar útilegu. Þá sé
einnig mikilvægt að hafa eitthvað fyrir fólk að gera
annað en að horfa á hesta. Til dæmis þurfi
góða leikaðstöðu fyrir börnin og ýmsa
afþreyingu sem nóg er af í Skagafirði.
Guðrún spáir því sposk að þetta verði
besta landsmótið til þessa. „Ég held
bara að landsmótin fari batnandi með hverju skipti,“ bætir hún glaðlega
við.
Guðrún telur að löngu hafi verið tímabært að ráða fram-
kvæmdastjóra Landssambands hestamannafélaga, því þó for-
maðurinn Jón Albert, sé mjög öflugur þá er hann jú í annarri
vinnu og því takmarkað hve miklu er hægt að koma í verk. Guð-
rún vill þó ekki gera of mikið úr sínu framlagi enda segir hún
sitt helsta hlutverk vera að tengja saman þræði þeirra nefnda
sem þegar inna af hendi mikilvæg störf. Hún þurfi aðeins að
veita þeim tólin til að koma hugmyndum í framkvæmd.
Guðrún hefur stundað hestamennsku frá blautu barnsbeini
en skilgreinir sig samt sem áður sem áhugamanneskju. „Ég er
að reyna að draga eiginmanninn og soninn inn í þettta núna,“
segir hún glaðlega en Guðrún heldur hesta hjá Herði í Mos-
fellsbæ. Hún starfaði til lengri tíma sem fararstjóri í ferðum
Íshesta á sumrin og hefur ekki getað slitið sig frá því að fullu
og fer einn til tvo túra á hverju ári enda segir hún það
frábæra og ómetanlega reynslu.
HESTAMAÐURINN: GUÐRÚN H. VALDIMARSDÓTTIR
Skipuleggur Landsmót hestamanna
„Hugtakið hrossasótt er í raun sjúk-
dómseinkenni en ekki sjúkdómur í
sjálfu sér,“ segir Ólöf Loftsdóttir dýra-
læknir. Hún segir að hrossasótt geti
átt sér margar mismunandi orsakir
sem þó yfirleitt sé hægt að rekja til
meltingarstarfsemi.
Einkenni hrossasóttar lýsa sér
þannig að hestur hættir að éta,
sparkar undir kvið og krafsar, er
órólegur og er sífellt að leggjast niður
og standa upp. Þegar hestur lætur
þannig þarf þegar að hafa samband
við dýralækni. „Það sem við ráðleggj-
um fólki er að fara út með hestinn og
teyma hann því það er oft ákveðin
fróun fyrir hrossin að vera á hreyfingu
þegar þeir fá heiftarlega kviðverki,“
segir Ólöf, en þegar dýrlæknir mætir
á staðinn reynir hann fyrst að átta sig
á orsök hrossasóttarinnar auk þess
sem hestinum eru gefin verkjalyf.
Ef hesturinn er með hita getur það
stafað af fóðureitrun, það er skemmd
í heyinu sem veldur bakteríusýkingu.
„Mjög algengt er að hrossasótt sé
fóðurtengd enda er fóðrun á húsi
allt önnur en úti í náttúrunni og hey
misjöfn að gæðum. Allt getur þetta
valdið þarmabólgum sem valda lyst-
arleysi,“ segir Ólöf og bendir á að allar
fóðurbreytingar séu vandasamar.
Algengasta orsök hrossasóttar eru
krampaköst sem geta orðið stuttu eftir
að riðið er út í köldu veðri en snögg
kæling getur valdið krampa. Einnig ef
hrossin drekka mikið af köldu vatni
þegar þau eru heit og sveitt og síðan
geta þau fengið í magann af því að
vera riðið þegar þau eru tekin af
gjöf. Hrossin eru þá yfirleitt ekki
lengi að jafna sig en dýralæknar
fylgja hestunum mjög vel eftir
enda getur hrossasótt þróast út
í garnaflækju sem er það sem
dýralæknar óttast mest.
SÉRFRÆÐINGURINN: ÓLÖF LOFTSDÓTTIR DÝRALÆKNIR
Hrossasótt er sjúkdómseinkenniBerglind Rósa Guðmundsdóttir hefur verið útnefnd
„Knapi ársins 2005“ í hestamannafélaginu Gusti í
Kópavogi.
Berglind Rósa náði mjög góðum árangri á liðnu ári.
Hún varð meðal annars Íslandsmeistari í fimmgangi
og bronsverðlaunahafi í tölti og fjórgangi á Íslandsmóti
yngri flokka. Hún sigraði í B-flokki á Fjórðungsmóti
Vesturlands, varð samanlagður sigurvegari á Hraun-
hamarsmótaröðinni og margfaldur sigurvegari á opnu
íþróttamóti Sörla svo eitthvað sé nefnt.
Berglind er auk þess prúður og snyrtilegur knapi
sem stundar íþrótt sína af kappi. Hún er góður fulltrúi
síns félags og hefur um árabil haldið merki þess á lofti,
enda er þetta ekki í fyrsta sinn sem hún hlýtur þessa
nafnbót.
■ Gustur í Kópavogi:
Berglind Rósa valin knapi ársins
Hinn fagri rauðblesótt-glófexti stóðhestur Þengill frá Kjarri var felldur um helgina eftir
því sem fram kemur á hestavefnum www.eidfaxi.is. Þar er haft eftir einum eigenda
hestsins að Þengill hafi veikst heiftarlega, líklega af völdum fóðureitrunar, svo
honum var ekki hugað líf. Þengill hafði misst nokkrar tennur í sumar þegar hann var
sleginn af hryssu. Er allt eins talið líklegt að hann hafi verið veikari fyrir vegna þessa.
Þengill hlaut 8,36 í aðaleinkunn þegar hann var sýndur á Héraðssýningunni á
Sörlastöðum og því ljóst að nokkur missir er að honum bæði fyrir eigendur hans og
ræktendur í landinu.
■ Frægur stóðhestur ber beinin:
Þengill frá Kjarri er allur