Fréttablaðið - 13.09.2006, Blaðsíða 78

13. september 2006 MIÐVIKUDAGUR42
HRÓSIÐ FÆR …
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á bls. 8
1. Kaldi
2. Svartfjallalandi
3. Ekron
LÁRÉTT
2 viðbót 6 dreifa 8 tilvera 9 knæpa 11 aust-
urland 12 vondur 14 unna 16 skóli 17 andi
18 for 20 óreiða 21 jurt.
LÓÐRÉTT
1 plöntutegund 3 býli 4 ógætinn 5 að 7
árviss 10 fiskur 13 suss 15 vingjarnleiki 16
starfsgrein 19 guð.
LAUSN
LÁRÉTT: 2 ábót, 6 sá, 8 ævi, 9 krá, 11 al,
12 illur, 14 elska, 16 fg, 17 sál, 18 aur, 20
rú, 21 gras.
LÓÐRÉTT: 1 eski, 3 bæ, 4 óvarkár, 5 til,
7 árlegur, 10 áll, 13 uss, 15 alúð, 16 fag,
19 ra.
Það verður ekkert til sparað þegar
Björgvin Halldórsson stígur á svið
í Laugardalshöllinni á stórtónleik-
um sínum síðar í þessum mánuði.
Bjöggi mun notast við tvo rándýra
hljóðnema sem verða fluttir sér-
staklega til landsins vegna tón-
leikanna.
„Þetta eru æðislega frægir og
góðir míkrófónar og passa mér
því vel,“ segir Bjöggi og aftekur
þó með öllu að um eitthvert snobb
sé að ræða. „Ég er bara að hugsa
um hljómgæðin. Þetta eru Senn-
heiser hljóðnemar, þeir dýrustu
og vönduðustu í heimi og ég er
ákaflega ánægður með að Pfaff
hafi gengið í málið og reddað þeim
til landsins.“
„Tveir svona hljóðnemar með
hljóðnemarásum og öllu tilheyr-
andi myndu kosta um 1,6 milljónir
hjá okkur,“ segir Bragi Kort, sölu-
stjóri hljóðdeildar Pfaff Borgar-
ljósa, um þráðlausa Sennheiser
hljóðnemana sem Bjöggi bíður
spenntir eftir að syngja í.
„Framleiðandinn liggur með
nokkra svona hljóðnema á lager
sem umboðsaðilar geta stundum
fengið lánaða við sérstök tæki-
færi. Bjöggi er þekktur fyrir að
vilja aðeins það besta og Sennheis-
er mun aðstoða okkur við að upp-
fylla þessa ósk hans.“
Bragi segir að hljóðnemarnir
verði svo sendir út aftur nema ein-
hver vilji kaupa þá „en markaður-
inn fyrir þessa dýru míkrófóna er
ekki mjög stór hérna enda ekki
margir tilbúnir að stökkva á stykk-
ið fyrir 800 þúsund kall“.
Bragi segir fjölda þekktra lista-
manna nota þessa tegund hljóð-
nema og segist til dæmis hafa séð
til dívanna Whitney Houston og
Norah Jones syngja í þessi tæki.
Þá fullyrðir hann að þeir sem noti
hljóðnemana fái betri gæði fyrir
skildinginn.
„Það má vel heimfæra þetta
upp á hljómflutningstæki í heima-
húsum. Ef þú ert með góðar græj-
ur færðu betra sánd og ef hljóð-
kerfið er gott þá skila þessir
hljóðnemar sínu út í sal. Við félag-
arnir í hljódeildinni vorum til
dæmis mjög ánægðir með hljóm-
burðinn á tónleikum Lou Reed í
Laugardalshöll og þegar við
fórum, af forvitni, að skoða hvaða
tæki hann var með á sviðinu kom í
ljós að hann var með þennan
búnað.“
Bragi segir græjur af þessari
tegund hafa verið notaðar á Mand-
ela tónleikunum í Jóhannesborg
og í Eurovision svo einhver dæmi
séu nefnd. „Tónleikarnir í Jóhann-
esarborg voru risavaxnir og það
var ótrúlegur fjöldi þráðlausra
míkrófóna á sviðinu á sama tíma.
Mér skilst að fyrir þá tónleika hafi
verið leitað beint til Sennheiser
þar sem það þótti ljóst að enginn
annar myndi ráða við þetta.“
Það má því ekki minna vera
þegar Björgvin stígur á stokk í
Höllinni ásamt rúmlega eitthund-
rað manns, þegar mest lætur;
eigin hljómsveit, gestasöngvur-
um, bakröddum, Karlakórnum
Fóstbræðrum og Sinfóníuhljóm-
sveit Íslands. thorarinn@frettabladid.is
BJÖRGVIN HALLDÓRSSON: MEÐ EINFALDAN SMEKK OG VILL AÐEINS ÞAÐ BESTA
Syngur í fokdýra
sérinnflutta hljóðnema
AÐEINS ÞAÐ BESTA FYRIR BÓ „Góður söngvari skilar sér alltaf betur eftir því sem hljóðneminn er betri og Bjöggi er nú þekktur
fyrir að geta sungið þannig að þetta getur aldrei verið nema til bóta. Hann gerir sér grein fyrir þessu og veit að þetta skiptir máli
enda hefur hann mikinn áhuga á míkrófónum og á ansi myndarlegt hljóðnemasafn,“ segir Bragi Kort sem flytur Sennheiser
hljóðnemana inn fyrir Bjögga.
Borgarfulltrúinn Björn Ingi
Hrafnsson sýndi nýlega á sér
mjúku hliðina þegar hann heim-
sótti Kattholt. Þar var lítil læða
sem beið óþreyjufull eftir nýju
heimili en hún hafði fundist
vegalaus í vesturbænum. Borg-
arfulltrúinn sá aumur á henni og
tók kettlinginn með sér heim,
sonum sínum tveimur til mikill-
ar gleði. Læðan fékk fljótlega
nafnið Kleópatra eftir hinni
egypsku drottningu sem Eliza-
beth Taylor gerði ódauðleg skil.
„Ég er alinn upp við að hafa
gæludýr á heimilinu,“ segir
Björn Ingi þegar Frétta-
blaðið innti hann eftir
ástæðunni yfir komu
þessa nýja fjölskyldu-
meðlims sem Björn
segir að hafi ekki
síður uppeldislegt
gildi en skemmt-
anagildi. „Ég
trúi því að börn
læri að
umgangast
aðra og taka
tillit til
annarra
með
gæludýr inni á heimilinu,“
bætir hann við.
Læðan dafnar vel á heimil-
inu og kvartar helst undan því
að synirnir tveir dekri of
mikið við hana. „Hún er þó
fljót að sakna þeirra þegar þeir
fara,“ bætir Björn við og
hlær. - fgg
Björn Ingi ættleiðir Kleópötru
BJÖRN INGI OG
KLEÓPATRA Var veglaus
kettlingur í vesturbænum
en býr nú í góðu yfirlæti á
heimili borgarfulltrúans.
Stúlknasveitin Nylon hefur gert
það gott í Englandi upp á síðkastið
enda hafa þær til að mynda verið
að hita upp fyrir hina vinælu
bresku strákahljómsveit Westlife
og stúlknabandið Girls Aloud. Ekki
nóg með að þær séu á fullu að
kynna nýju plötuna sína í Bret-
landi því þær voru á dögunum
fengnar til að troða upp í fermingu
í Lundúnum. Um var að ræða
fermingu að hætti gyðinga eða
„Bar mitzvah“ þar sem öllu var
tjaldað til að óskum fermingar-
barnsins.
„Við vorum bókaðar af umboðs-
skrifstofunni okkar úti í þessa
veislu,“ segir Alma en stúlkan sem
var að fermast er mikill aðdáandi
íslensku sveitarinnar. „Stelpan
vissi ekki af þessu þannig að við
komum óvænt inn í ferminguna og
sungum tuttugu mínútna pró-
gramm. Svo spjölluðum við aðeins
við fermingarbarnið sem var him-
inlifandi yfir uppátækinu,“ segir
Alma og bætir því við að hún hafi
aldrei séð aðra eins fermingu en
hún var haldin í einbýlishúsi fjöl-
skyldunnar og auk Nylon var
plötusnúður og dansarar til að
halda uppi stuði í veislunni.
„Við værum alveg til í að taka
svona uppákomar að okkur aftur
því þetta var rosa gaman og öðru-
vísi en að vera á tónleikum. Miklu
persónulegra.“
Nylon-stúlkurnar eru staddar
hér á landi þessa dagana en munu
halda aftur út um helgina þar sem
þær munu hita upp fyrir hljóm-
sveitina McFly þar til í október en
þá tekur við önnur hljómleikaferð
með hljómsveitinni Journey South.
„Það er heilmikil vinna framundan
en þetta er svo gaman að við finn-
um varla fyrir því,“ segir Alma að
lokum. - áp
Sungu í gyðingafermingu í London
NYLON-FLOKKURINN Er ekki bara að troða upp í hljómleikahöllum því stúlkurnar
voru fengnar til að syngja í fermingu að hætti gyðinga um daginn í Lundúnum að
ósk fermingarbarnsins.
FRÉTTIR AF FÓLKI
Allt hefur verið logandi í illdeilum á
bloggsíðu Davíðs Þórs Jónssonar,
deetheejay.blogspot.com, að und-
anförnu. Davíð skrifaði Bakþanka í
Fréttablaðið á sunnudaginn í síð-
ustu viku þar sem hann gagnrýndi
skrif Sindra Eldon um tónleika
Bubba í Laugardalshöll og
skrif Barts Cameron um
Rock Star-sjónvarpsþátt-
inn í tímaritið Grapevine.
Í Bakþönkunum lýsti
Davíð óánægju með
skrif Grapevine-
manna og ekki
hefur staðið á
viðbrögðunum.
Davíð hefur meðal
annars þurft að verj-
ast einum starfsmanni
Grapevine og öðrum
sem ekki eru sáttir við
hann, en fjölmargir
hafa einnig lýst yfir
stuðningi við Davíð.
Mikið hefur verið um partíhald í
tengslum við IFF-kvikmyndahátíð-
ina sem nú stendur yfir í Reykja-
vík. Ísleifur Þórhallsson stjórnar
hátíðinni og hefur verið duglegur
við að fá hingað stórstjörnur en
koma þeirra er ætíð tilefni til að
halda gott partí. Á föstudagskvöld
verður eitt slíkt á Rex, en þá munu
Nick Cave og Ray Winstone verða
aðalgestirnir. Mynd Cave, The Prop-
osition, verður frumsýnd það
kvöld en Winstone leikur
eitt aðalhlutverkanna í
myndinni. Búist er við
að aðdáendur Nicks
Cave eigi eftir að slást
um að komast í partíið
enda ekki dónalegt að
fá að skemmta sér
með kappanum
daginn fyrir tón-
leikana í Höllinni.
Heimildarmyndin Þetta er ekkert
mál, um ævi Jóns Páls Sigmarsson-
ar, hefur lagst vel i íslenska biógesti
og stefnir í að hún slái aðsóknar-
met. Það er því bjart yfir Hjalta
Úrsus Árnasyni framleiðenda
hennar þessa dagana.
Hjalti er auk þess búinn
að selja Páli Magnús-
syni og hans fólki á
Sjónvarpinu sýningar-
réttinn að myndinni, að
sögn eftir að Heimir
Jónasson og hans
fólk á Stöð 2
afþökkuðu
myndina.
- hdm
... Davíð Smári Harðarson sem
lést hefur um 45 kíló og miðlar
reynslu sinni nú með líkams-
ræktarnámskeiðum.
550 5000
Hringdu ef blaðið berst ekki
- mest lesið
*Gallup Október 2005
Mest
lesna tímaritið *