Fréttablaðið - 16.12.2006, Qupperneq 66

Piparkökuhúsakeppni Kötlu
er orðin árlegur viðburður og
keppendum fer stöðugt fjölg-
andi. Síðustu ár hefur keppnin
verið haldin í Kringlunni en í
ár er hún í Smáralind þar sem
hægt er að skoða listilega gerð
hús.
Gunnar Sigurðsson, sölu- og mark-
aðsstjóri Kötlu, segir að ástæðan
fyrir því að keppnin var flutt hafi
verið sú að stærra rými hafi þurft
fyrir hana þar sem húsunum fer
stöðugt fjölgandi. „Við vildum líka
prófa eitthvað nýtt og Smáralind
hafði áhuga á að vera með keppn-
ina því hún hefur mikið aðdráttar-
afl,“ segir hann.
Tölvert er um að sama fólkið
keppi ár eftir ár. „Hjá mörgum er
það orðin hefð að taka þátt í keppn-
inni og við erum að sjá sömu and-
litin aftur og aftur. Ég veit um
eina konu sem hefur verið með frá
upphafi, kannski dottið út í eitt og
eitt skipti en alltaf komið inn
aftur.“
Piparkökuhúsakeppnin hefur
verið tvískipt síðustu tvö ár og
keppt er í fullorðinsflokki og
barnaflokki. „Eftir að það var
ákveðið að hafa þetta í tvennu lagi
fóru að koma inn miklu fleiri hús.
Núna eru um fimmtíu hús í keppn-
inni og stærsti hlutinn af þeim er
frá börnum. Foreldrarnir hjálpa
þeim oft við baksturinn og koma
með húsin með þeim og það er það
skemmtilegasta við keppnina, að
þessi bakstur sameinar svolítið
fjölskylduna.“
Gunnar segir að piparkökuhús-
in séu almennt mjög falleg og vel
gerð hjá börnunum. „Greinilegt er
að þau hafa lagt mikla vinnu í
húsin. Þau eru með gangstéttir og
tré og nota svolítið leikföng eins
og playmokarla til þess að skreyta
með. Núna sendi til dæmis einn
leikskóli inn hús sem hafði bara
verið að vinna í þessu. Með húsinu
kom heil mappa með myndum af
börnunum að vinna húsið og á
þeim má sjá hvernig þau teiknuðu
það fyrst og byggðu svo.“
Greinilegt er að við gerð allra
húsanna er lögð mikil áhersla á
smáatriði og sjá má nákvæmar
eftirlíkingar af frægum bygging-
um eins og Perlunni. „Menn hafa
byggt Hallgrímskirkju, alþingis-
húsið og fleiri fræg hús. Það er
nostrað við smáatriðin sem hafa
verið að aukast og þróast undan-
farin ár. Mikið er lagt upp úr ljós-
um og fólk og húsgögn eru inni í
húsunum sem sum eru með sykur-
húðuðu gleri og allt.“
Keppninni í ár lýkur á morgun
með verðlaunaafhendingu klukk-
an þrjú. „Í fullorðinsflokki verða
veitt ein aðalverðlaun sem eru
mjög vegleg og í barnaflokki
fimm. Allir sem taka þátt fá líka
einhvers skonar verðlaun. Húsin
verða svo til sýnis í nokkra daga í
viðbót þannig að hægt verður að
skoða þau aðeins lengur og sjá
hver þeirra hafa unnið til verð-
launa.“
Smáatriðin skipta máli
vox feminae
stjórnandi
MARGRÉT J. PÁLMADÓTTIR
EINSÖNGUR
HANNA BJÖRK GUÐJÓNSDÓTTIR
ORGEL
ANTONÍA HEVESI
ÓBÓ
EYDÍS FRANZDÓTTIR
NÝR GEISLADISKUR FRÁ VOX FEMINAE
AVE MARIA
Johann Sebastian Bach
AGNUS DEI
Christoph Willibald Gluck
LAUDATE DOMINUM
Wolfgang Amadeus Mozart
AVE MARIA
Franz Schubert
MILLE CHERUBINI IN CORO
Franz Schubert
DAS GROSSE HALLELUJAH
Franz Schubert
LAUDATE PUERI DOMINUM
Felix Mendelssohn-Bartholdy
VENI DOMINE
Felix Mendelssohn-Bartholdy
LYFTU ÞÍNUM AUGUM UPP
Felix Mendelssohn-Bartholdy
PANIS ANGELICUS
César Franck
KYRIE op. 187
Josef Gabriel Rheinberger
AVE MARÍA
Sigvaldi S. Kaldalóns
SALVE REGINA
Gerhard Deutschmann
TE DEUM
Þorkell Sigurbjörnsson
DONA NOBIS PACEM
Mary Lynn Lightfoot
Domus Vox, Laugavegi 116, 105 Rvk. – S. 511 3737 – Gsm. 863 4404 – www.domusvox.is
Forstjóralampi
Glóey ehf.
Ármúla 19 • s: 568 1620 • www.gloey.is
kr. 5.995.