Fréttablaðið - 05.10.2007, Blaðsíða 28
Tugþúsundir Íslendinga seilast
í samlokukælana daglega.
Kóngurinn í kælinum er hinn
trausti og tryggi Sómi sem satt
hefur tóma maga með sælkera-
samlokum síðan 1978.
„Sómi var stofnaður 1978 og þá
voru smurðar um 200 samlokur
sem dreift var í helstu sjoppur.
Síðan hefur vöxturinn verið stöð-
ugur og nú eru smurðar um 20 þús-
und samlokur á dag,“ segir Alfreð
Hjaltalín, framkvæmdastjóri
Sóma, en mánaðarlega kemur fram
nýjung í vörulínu fyrirtækisins.
„Reynslan sýnir að ein af hverj-
um tíu nýjungum nær að festa sig í
sessi. Sómi er sá aðili á samloku-
markaðnum sem leggur mesta
áherslu á fjölbreyttar vörutegund-
ir og ríkulega sælkeravöru,“ segir
Alfreð þar sem hann stendur í
nýjum og glæsilegum húsakynnum
Sóma við Gilsbúð í Garðabæ, en
þar starfa 45 manns við samloku-
gerðina.
„Við byrjum að smyrja klukkan
22 á kvöldin og er smurt er alla
nóttina, en flestar sendingar fara
út klukkan sex á morgnana. Mikið
fer í fyrsta morgunflug á lands-
byggðina svo nýsmurðar samlokur
séu líka komnar í kæla fjarlægustu
byggða Íslands klukkan níu,“ segir
Alfreð, en dagvakt sér um að skera
niður grænmeti og álegg, laga salöt
og gera klárt fyrir næturvaktina
að setja samlokurnar saman.
„Langlokurist með skinku, osti
og pepperoni er langvinsælasta
vörutegundin, en þar fyrir utan
hafa Íslendingar enn mest dálæti á
roastbeef og hangikjöti. Sómi
býður einungis upp á handgerða
hágæðavöru þar sem einu tækin
eru skurðarhnífar, færiband og
pökkunarvélar,“ segir Alfreð, sem
fær sér alltaf eina með hangikjöti
og salati.
„Þetta er góður kostur og sífellt
vaxandi úrvalið af heilsuvörum, en
markaðurinn ræður þessu alfarið.
Þeir sem vinna hér mega borða
eins mikið af samlokum og þeir
vilja. Sumir fá sér eina, aðrir fjór-
ar eða fimm, en það er besti mæli-
kvarðinn, finnst mér. Ef maður vill
ekki borða vöruna sjálfur er stað-
allinn ekki í lagi. Það er metnaðar-
mál hjá Sóma að gera þetta vel og
vinna með gott hráefni,“ segir
Alfreð, sem á hverjum degi fær
samlokubrauð í hundraðavís frá
bakaríunum, ásamt áleggi í stórum
stæðum.
„Osturinn er gríðarstór liður og
nautakjötsreikningurinn er ansi
hár líka. Við seljum yfir þúsund
hamborgara á dag og enn er roast-
beef vinsælasta samlokan, svo öll
innkaup eru í ótrúlega stórum
tölum fyrir litla Ísland,“ segir
Alfreð sem fullyrðir að samlokur
séu ódýrar á Íslandi.
„Við miðum okkur gjarnan við
Bretland sem er mekka samlok-
unnar. Verðlagning út úr búð hér er
mjög sambærileg nema hvað við
vinnum með mun dýrara hráefni.
Það er líka ástæða þess hve sam-
lokan er vinsæl. Við leitum ekki að
ódýru skinkunni eða útrunnu græn-
meti. Notum eingöngu topphráefni
og mestu gæði sem fyrir pening-
ana fást.“
Handsmurðar tuttugu
þúsund samlokur á dag
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is