Fréttablaðið - 29.11.2007, Síða 22

22 29. nóvember 2007 FIMMTUDAGUR
Karlar
Konur
824
1999/
2000
2001/
2002
2003/
2004
2005/
2006
nám, fróðleikur og vísindi
Kjarni málsins
> Fjöldi útskrifaðra stúdenta á Íslandi eftir kyni
1002
1.298
861
943
1.334
1.572
1.450
HEIMILD: HAGSTOFA ÍSLANDS
Komin er út ný barnabók,
Með hetjur á heilanum, um
brettagaurinn Sigga sem
fer í sveit. Bókina má nota
til móðurmálskennslu í
grunnskólum, en höfundur
hennar telur nauðsynlegt
að kenna nútímabörnum að
lesa barnabókmenntir.
„Ég tel mikilvægt að barnabók-
menntir séu kenndar í skólum.
Það eru svo margir afþreyingar-
möguleikar í dag að það þarf að
kenna krökkum að lesa barna-
bókmenntir og efla læsi,“ segir
Guðjón Ragnar Jónasson, M.
Paed. í íslensku og höfundur
barnabókarinnar Með hetjur á
heilanum um brettagaurinn
Sigga, sem fer í sveit til frænd-
fólks síns í Fljótshlíðinni og lend-
ir í ýmsum ævintýrum.
Guðjón telur nauðsynlegt að
nemendur á miðstigi lesi bækur
saman og vinni með þær líkt og
unglingar vinna á seinni skóla-
stigum með skáldsögur og forn-
sögur.
„Við verðum að byrja fyrr.
Áður lásu öll börn barnabækur,
en nú er það ekki sjálfsagt og
ekki víst að börn hafi fengið
nægilega þjálfun til að lesa bók-
menntir á unglingastigi.“
Í bókinni er komið inn á sögu
lands og þjóðar og eru málefni
líðandi stundar fléttuð inn í sög-
una, svo sem jafnrétti kynjanna,
ástin og ofneysla áfengis. Bók-
inni fylgir nýstárleg verkefna-
bók, Hetjuspegill, sem kennarar
geta nálgast á netinu.
„Fólk skrifar meira og er
óhræddara við að skrifa en áður,
en margir gera ekki greinarmun
á ritmáli og talmáli eins og sést
til dæmis á bloggsíðum. Í Hetju-
spegli eru verkefni sem taka á
málvillum á borð við notkun
broskarla í stað punkta í lok setn-
ingar,“ segir Guðjón. Börnin
skrifa einnig fréttir og senda
tölvupóst. Þá má finna orðskýr-
ingar í lok hvers kafla bókarinn-
ar, sem eru til þess gerðar að
auka orðaforða barnanna.
Sögusviðið er sveitabær í
Fljótshlíð en Guðjón var áður
bóndi í þeirri sveit. Honum er því
mikið í mun að kynna nútíma-
landbúnað fyrir börnum.
„Ég vildi koma því til skila að
miklar þjóðfélagsbreytingar hafa
orðið á Íslandi. Síðustu fimmtíu
ár hafa verið jafn viðburðarík og
þúsund ár þar á undan. Nánast
allar barnabækur um sveitina
eru gamlar svo ég vildi skrifa um
nútímasveit, tækin og tólin, og
allt það sem börn í dag þekkja.“
Með hetjur á heilanum er gefin
út af bókaútgáfunni Sölku og er
að sögn höfundar ekki síður hugs-
uð sem almenn barnabók.
eva@frettabladid.is
Bók með orðskýring-
um fyrir nútímabörn
MEÐ HETJUR Á HEILANUM Bók Guðjóns Ragnars Jónassonar er skrifuð fyrir börn á
aldrinum tíu til þrettán ára. Sagan tekur á ýmsum samfélagslegum og persónulegum
vandamálum og börnin læra mörg skemmtileg orð.
Árrisull Sá sem vaknar
snemma
Misseri Hálft ár
Hliðhollur Vinveittur
Kenna sér meins Vera veikur
Hartnær Hér um bil
Nýliðun Nýtt fólk bætist
við
Guðjón Ragnar fékk skólabörn
til liðs við sig þegar hann ákvað
hvaða orð fengju skýringu.
ORÐSKÝRINGAR
Nýjasta tímarit Són, eða Fimmta sónarskoðun eins og það
heitir nú er komið út. Í því er að finna greinar um um skáld-
skap og þýðingar. Í fréttatilkynningu segir að ljóð, frum-
samin og þýdd, séu að þessu sinni óvenju fyrirferðarmikil í
ritinu. Í heiðurssæti sé sónarljóð Vilborgar Dagbjartsdóttur,
Rof. Þá sé sérstök ástæða til að vekja athygli á sonnettu
Höllu Magnúsdóttur, Ég skila því, þegar þess er minnst að
liðin eru 200 ár frá fæðingu Jónasar Hallgrímssonar.
■ Skáldskapur og þýðingar
Fimmta sónarskoðun skáldskapar
Bent Scheving Thorsteinsson veitti Háskóla Íslands veglega peningagjöf í gær
eða alls 13 milljónir króna. Peningarnir munu renna til Styrktarsjóða skólans.
Bent Scheving Thorsteinsson hefur verið velgjörðarmaður Háskóla Íslands frá
síðustu aldamótum og með framlagi sínu
að þessu sinni hefur hann fært Háskólan-
um 60 milljónir króna á nærri 7 árum. Féð
hefur runnið til stofnunar þriggja sjóða,
sem heyra undir Styrktarsjóði Háskólans.
SAlls hafa sjóðirnir veitt 15 styrki til vís-
indarannsókna. Með gjöf Bents er eigið fé
hvers sjóðs fyrir sig nú orðið 20 milljónir
kr. Fjárhæðir sjóðanna hafa verið nýttar
í þágu rannsókna við Háskóla Íslands og
með viðbótarframlaginu aukast enn frekar möguleikar meistara- og doktors-
nema við Háskólann til námsstyrkja.
■ Vegleg gjöf
Hefur gefið 60 milljónir á sjö árum
Ráðstefnan Ný form lýðræðis – íbúalýðræði, lýðræðiskerfi sveitarfélaga og
félagsauður verður haldin á morgun, föstudaginn 30. nóvember í Odda,
Háskóla Íslands og hefst klukkan 15.00. Aðalfyrirlesari er Gerry Stoker, prófess-
or við háskólann í Southampton, en hann er einn þekktasti stjórnmálafræðing-
ur á sviði sveitarfélaga og nýrra lýðræðisforma.
Ráðstefnan, sem boðað er til í tilefni af fimm ára starfsafmæli Stofnunar
stjórnsýslufræða og stjórnmála, er öllum opin, en nauðsynlegt er að skrá þátt-
töku á www.stjornmalogstjornsylsa.is.
■ Fyrirlestur
Ný form lýðræðis
Ásdís Ósk Einarsdóttir hóf meistaranám
í þróunarfræðum við Háskóla Íslands í
haust en stutt er síðan hún brautskráðist
með BA-próf í mannfræði frá sama skóla.
Í lokaverkefni sínu í mannfræði skrifaði
Ásdís Ósk um feminíska galdratrú. „Mjög
margar konur í dag aðhyllast galdratrú og
í ritgerðinni vildi ég reyna að sýna fram
á hvernig konur geta nýtt sér það til að
skapa sér rými innan trúarbragða.“
Ásdís Ósk segir ástæðuna fyrir því að
hún fór í mannfræði vera þá að hún
hefur ávallt haft áhuga á ferðalögum og
að kynnast ólíkum menningarheimum.
„Mannfræðin sameinaði þetta fannst mér og eftir að ég hafði kynnt
mér hana kom í sjálfu sér ekkert annað til greina.“
Upphaflega ætlaði Ásdís í meistaranám í mannfræði en skipti um
skoðun eftir að hún frétti af framhaldsnámi í þróunarfræðum.
Námið hefur verið í boði við Háskóla Íslands frá 2005 en því er
ætlað að veita nemendum fræðilega,
hagnýta og aðferðafræðilega þekkingu
til að takast á við viðfangsefni á sviði
þróunarmála, jafnframt því að undirbúa
þá undir rannsóknarvinnu.
„Ég man þegar ég var að klára BA-rit-
gerðina að þá hugsaði ég með mér
að mig langaði til að láta eitthvað gott
af mér leiða, skilja eitthvað eftir sem
er stærra en maður sjálfur. Í því ljósi
var þróunarfræðin góður kostur,“ segir
Ásdís, sem rekur Fair Trade-búðina við
Klapparstíg og hefur hugsað sér að fjalla
um „fair trade“-stefnuna í lokaverkefni
sínu.
Þróunarmál eiga hug Ásdísar allan og hún vonast til að geta starfað
að þróunarsamvinnu strax að lokinni útskrift. „Mig langar að gera
eitthvað sem skiptir máli og vonandi get ég orðið að liði þar sem
fólk þarf á aðstoð að halda.“
NEMANDINN: ÁSDÍS ÓSK EINARSDÓTTIR, MEISTARANEMI Í ÞRÓUNARFRÆÐUM
Skiptir máli að láta eitthvað gott af sér leiða