Fréttablaðið - 26.04.2008, Qupperneq 24

24 26. apríl 2008 LAUGARDAGUR
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
Pétur H. Blöndal Sjálfstæð-
isflokki vill að skoðað verði
hvort raunveruleg þörf sé á
öllum utanlandsferðum ráð-
herra. Álfheiður Ingadóttir
væntir svars við fyrirspurn
um erindi ráðherra út fyrir
landsteinana.
Margir ráðherrar hafa verið á far-
aldsfæti síðustu vikur og mánuði.
Fyrir vikið hefur ríkisstjórnin
verið uppnefnd Útlagastjórnin og
Fararstjórnin, svo eitthvað sé
nefnt. Ekki ríki full vissa meðal
allra um að öll ferðalögin séu landi
og lýð nauðsynleg. Fréttablaðið
spurði þingmenn allra flokka hvort
ráðherrar væru of mikið í útlönd-
um að óþörfu.
Pétur H. Blöndal segir að auðvit-
að fylgi ferðalög alþjóðasamstarfi,
ekki síst á tímum alþjóðavæðingar,
alþjóðakreppu og útrásar. Hann
telur þó að í mörgum tilvikum megi
notast við fjarfundabúnað, slíkt
tíðkist í einkageiranum. Sjálfur
hefur hann þó rekið sig á hindranir
því víða í útlöndum sé slíkur búnað-
ur ekki til staðar. „Eflaust er eitt-
hvað óþarft af þessum ferðalögum
og það þarf að skoða nákvæmlega
hve mikið er raunveruleg þörf
fyrir,“ segir Pétur.
Álfheiður Ingadóttir VG vill ekk-
ert fullyrða um hvort ráðherrar
séu of mikið í útlöndum að óþörfu
en segir að væntanlegt svar for-
sætisráðherra við fyrirspurn henn-
ar muni leiða það í ljós. Hún hefur
spurt forsætisráðherra um utan-
ferðir allra ráðherra frá myndun
ríkisstjórnarinnar, fjölda þeirra,
tilefni, fylgdarlið og kostnað. „Ég
legg mikla áherslu á alþjóðlegt
samstarf, ég tala nú ekki um á vett-
vangi Norðurlandaráðs og Samein-
uðu þjóðanna. Ég legg hins vegar
minni áherslu á samstarf á vegum
hernaðarbandalagsins Nató og gæti
bent á það sem óþarfa.“
Grétar Mar Jónsson, Frjálslynda
flokknum, vill að ráðherrar séu á
Íslandi. „Þeir eiga að sinna þeim
málum sem brenna á fólki innan-
lands en ekki þvælast út í heim til
að tryggja atkvæði í öryggisráð
Sameinuðu þjóðanna,“ segir hann.
„Það er líka skondið að þeir skuli
vera að tala um mannréttindabrot
við aðrar þjóðir en brjóta sjálfir
mannréttindi á eigin þegnum,“
segir Grétar Mar og vísar þar til
álits Mannréttindanefndar Samein-
uðu þjóðanna um íslenska kvóta-
kerfið.
Guðbjartur Hannesson Samfylk-
ingunni telur ekki að ráðherrar séu
of mikið í útlöndum að óþörfu. „Við
erum að auka alþjóðleg samskipti
og erum háð því að vera mikið á
ferðinni. Það er af hinu góða að
sækja upplýsingar til útlanda og
vera í persónulegum tengslum við
fólk,“ segir Guðbjartur en viður-
kennir að helst vildi hann hafa ráð-
herrana nær sér. Hann kveðst ekki
geta dæmt um nauðsyn allra ferða
ráðherra en er engu að síður viss
um að margar þeirra séu mjög mik-
ilvægar.
Bjarni Harðarson Framsóknar-
flokki er á því að ráðherrar séu of
mikið í útlöndum að óþörfu, og eins
og staðan sé í efnahagsmálum væri
æskilegt að þeir sinntu þeim málum
meira. „Þeir gera það auðvitað ekki
á meðan þeir eru á ferðalögum í
útlöndum.“ Bjarni telur átökin við
Rauðavatn á miðvikudag eina af
afleiðingum þess að stjórnvöld
hafi ekki unnið heimavinnuna
sína.
„Lokaorð hæstvirts ráðherra voru hrokafull ónot í
garð undirritaðs og ekki ný af nálinni. Ég á þá
sjálfsagt öðrum mönnum fremur að taka til mín
ummæli ráðherranna um að það eigi ekki að ræða
um efnahagsvandann. Þeim verður ekki að ósk
sinni.“
Steingrímur J. Sigfússon VG
„Ef ég hef verið með hrokafull ónot í garð háttvirts
þingmanns þá bið ég hann afsökunar á því.“
Árni M. Mathiesen fjármálaráðherra
Íslandsmet féll í vikunni. Aldrei fyrr hefur nokkrum hópi - sem haft hefur
uppi kröfur á hendur ríkinu - tekist að klúðra sínum málum jafn gjörsam-
lega og bílstjórunum sem höfðu sig mest í frammi síðasta vetrardag og
sumardaginn fyrsta. Með framgöngu sinni sáu þeir til þess að ríkisvaldið
mun aldrei nokkurn tíma ræða við þá um álögur og vinnutíma.
Hafa ber í huga að bílstjórarnir áttu ekki í
sérstökum viðræðum við stjórnvöld og höfðu
ekki skilgreinda samningsstöðu. Þetta voru ekki
hefðbundnar kjara- eða samningaviðræður. En
þeim fannst dropinn dýr og vildu að ríkið lækk-
aði álögur á olíuna.
Það er getur verið fullkomlega eðlilegt að
menn sem horfa upp á reikningana sína hækka
og hækka reyni að fá yfirvöld til að sýna sérstök-
um aðstæðum skilning. Að sama skapi getur
verið eðlilegt að þeim svíði að þurfa að fara eftir
lögum og reglum um vinnutíma.
Jafn eðlilegt er að yfirvöld hlusti á mennina og skoði málið. En það er
ekki þar með sagt að fara beri að kröfum þeirra.
Eftir atburði árstíðamótanna má ljóst vera að yfirvöld muni hvorki
hlusta né skoða málið. Eitt er að vera fastur fyrir og standa á kröfum
sínum, annað er að vera dóni og ýmislegt þaðan af verra. Stjórnvöld geta
ekki rætt við fólk sem hagar sér eins og Sturla Jónsson og hans kónar
gera.
Er þetta nú líklegt?
Því hefur verið haldið fram af álitsgjöfum og bloggurum að Geir H. Haarde
og Gordon Brown, forsætisráðherra Bretlands, hafi víst rætt um vaxandi
líkur á aðild Íslands að Evrópusambandinu á fundi þeirra í Downingstræti
10 á fimmtudag. Upphafleg fréttatilkynning breska forsætisráðuneytisins
hafi sem sagt verið rétt en henni verið breytt að kröfu íslenska forsætis-
ráðuneytisins sem vildi ekki að sannleikurinn spyrðist út.
Auðvelt er að halda svonalöguðu fram en öllu erfiðara að færa fyrir því
sæmileg rök.
Í fyrsta lagi má spyrja hvort menn telji í alvöru að íslenska forsætis-
ráðuneytið hafi slík ítök í breska forsætisráðuneytinu að þar séu skrifaðar
fréttatilkynningar eftir pöntun, út í loftið.
Í öðru lagi má spyrja hvort menn telji í alvöru að ef íslensk stjórnvöld
ákveða í leyni að hefja viðræður um aðild Íslands að Evrópusambandinu
að þær fari fram við breska embættismenn, líkt og sagði í fréttatilkynning-
unni. Er ekki líklegra að slíkar viðræður verði við embættismenn Evrópu-
sambandsins?
Það rennir svo enn frekari stoðum undir að fyrri tilkynningin hafi verið
röng að í henni var notast við orðalagið „strategic dialogue“ um Evrópu-
sambandsmálin. Það er hernaðarlegt orðfæri og var notað yfir viðræður
um varnarsamstarf Íslands og Bretlands, sem einmitt var annað tveggja
aðalumræðuefna fundarins.
Hitt er svo annað mál að í fréttatilkynningu íslenska forsætisráðuneyt-
isins kemur fram að Evrópumál hafi verið á dagskrá. Ekki hefur verið
upplýst hvaða Evrópumál það voru.
VIKA Í PÓLITÍK
BJÖRN ÞÓR SIGBJÖRNSSON
Ónýt staða og vald Geirs
Árni Þór Sigurðsson hefur óskað eftir
að forsætisráðherra feli starfs-
mönnum forsætisráðuneytisins
að ráðast í svolítið verkefni.
Hann vill að þeir taki saman
upplýsingar um þróun efnahags-
mála í „nokkrum“ ríkjum.
Árni vill vita hver þróun
atvinnuleysis, hagvaxtar, verð-
bólgu, viðskiptahalla, stýrivaxta,
gengisvísitölu og afkomu rík-
issjóðs hefur verið
undanfarin fjögur
ár og vill að spár
fyrir árið í ár og
það næsta fylgi
með.
Og hvaða
„nokkur“ ríki
ætli það séu
sem Árni vill að upplýsingarnar nái til?
Jú, það eru Sviss, Bandaríkin og
Japan, auk aðildarríkja Evrópska
efnahagssvæðisins. Auk Íslands,
Noregs og Liechtenstein eiga Evr-
ópusambandsríkin 27 aðild að
EES. Efnahagsupplýsingarnar
eiga því að ná til 33 ríkja.
Samkvæmt starfsvenjum
þingsins hafa ráðherrar tíu daga
til að svara skriflegum fyrirspurn-
um. Árni lagði fyrirspurnina
fram á mánudag og ætti
svarið samkvæmt
því að fást öðru
hvoru megin
við mánaða-
mót.
Staðan í „nokkrum“ ríkjum
Meta á nauðsyn utanferða
PÉTUR H.
BLÖNDAL
BJARNI
HARÐARSON
ÁLFHEIÐUR
INGADÓTTIR
GRÉTAR MAR
JÓNSSON
GUÐBJARTUR
HANNESSON
INGIBJÖRG SÓLRÚN GÍSLADÓTTIR OG GEIR H. HAARDE
„Eðlilegt er að varpa
fram þeirri spurningu
hvort það sé í anda
hugsjóna Jóns Sigurðs-
sonar að afsala hluta
fullveldis okkar og flytja
valdið yfir auðlindum
sjávar til sameiginlegs
og yfirþjóðlegs valds
Evrópusambandsins.“
Þetta sagði Sturla
Böðvarsson, forseti
Alþingis, í ræðu í Jóns-
húsi í Kaupmannahöfn á
fimmtudag.
Af orðunum má ráða
að Sturla telji eðlilegt
að við meðferð stórra
pólitískra álitamála þurfi að spekúlera í
hvað Jóni hefði fundist. Hvað ætli hann
hefði sagt um, tja, fjölmiðlafrumvarpið?
Er það eðlilegt?