Fréttablaðið - 26.04.2008, Síða 40

Íslenskri hönnun hefur á undan-
förnum árum vaxið ásmegin,
margir hönnuðir komið fram með
góða hönnun og umfjöllun aukist
til muna. Aftur á móti hefur að-
gengi að íslenskri hönnun á ver-
aldarvefnum ekki verið eins góð
og hún ætti að vera en með tilkomu
Birkilands, www.birkiland.is, hefur
orðið breyting þar á.
Kjartan Sturluson og Ingvi Þór
Guðmundsson eru eigendur og
stofnendur Birkilands en þeir hafa
báðir haft mikinn áhuga á íslenskri
hönnun í gegnum tíðina. „Á Ís-
landi hefur skort vettvang fyrir ís-
lenska hönnuði á vefnum svo þeir
geti á auðveldan hátt komið verk-
um sínum á framfæri, bæði hér
heima og erlendis. Með tilkomu
Birkilands er á einfaldan hátt hægt
að nálgast gott úrval af íslenskri
hönnun á einum og sama staðnum.
Svo er Birkiland auðvitað alltaf
opinn og sendir vörur til viðskipta-
vina sinna um allan heim,“ útskýrir
Kjartan.
Margir af fremstu hönnuð-
um Íslands eru með vörur sínar á
Birkilandi og má þar nefna Tinnu
Gunnars dóttur, Hrafnkel Birgis-
son, Björg Juto og Óðin Bolla. Inni-
heldur síðan ítarlegar upplýsingar
um hönnuðina og vörur þeirra. Þar
að auki er hægt að panta bækur um
hönnun, arkitektúr, ljósmyndun og
fleira í gegnum síðuna.
„Hugmyndin að Birkilandi hefur
í nokkurn tíma blundað í okkur en
undirbúningsvinnan hófst fyrir
tæpu ári. Viðtökurnar hafa verið
góðar og höfum við fengið mikið
lof fyrir framtakið. Þessi góðu við-
brögð sem við höfum fengið síðustu
daga sannfærir okkur enn frekar
um hversu nauðsynlegt er að skapa
íslenskri hönnun alvöru samastað á
veraldarvefnum.“
Framtíðarmarkmið Birkilands
eru skýr en Kjartan lýsir þeim á
eftirfarandi hátt: „Fram undan hjá
Birkilandi er að halda áfram að
styðja við bakið á íslenskri hönn-
un og koma henni á framfæri,
hérlendis sem og erlendis. Við í
Birkilandi erum með fullt af hug-
myndum sem allar tengjast hönn-
un á einn eða annan hátt og viljum
að sjálfsögðu koma þeim í fram-
kvæmd í allra nánustu framtíð.“
Kjartan bendir á að hönnuðir
sem vilji koma hönnun sinni á fram-
færi geti haft samband með því að
senda póst á netfangið birkiland@
birkiland.com.
- mmr
Íslensk hönnun á einn stað
● Birkiland er ný vefverslun helguð íslenskri hönnun og ýmsu sem henni viðkemur.
Kökuform, sem kallast Tools You Bake, eftir Hrafnkel Birgisson.
Haustblóm eftir Tinnu Gunnarsdóttur.
Litrík glös eða bollar eftir Hrafnkel Birgisson sem kallast Hoch
die Tassen.
Snaginn Starkaður eftir Tinnu Gunnarsdóttur.
Kjartan Sturluson og Ingvi Þór Guðmundsson eru eigendur og stofnendur Birkilands. FRÉTTABLAÐIÐ/ANTON
26. APRÍL 2008 LAUGARDAGUR