Fréttablaðið - 26.04.2008, Qupperneq 64

32 26. apríl 2008 LAUGARDAGUR
saman og það er alltaf góður andi á vinnustaðnum
sem er lykilatriði því við vinnum allt í sameiningu.
Þetta gengur mjög vel. Ég er til dæmis meira í
sköpuninni og markaðsmálum en Andrea sér um
viðskiptahlutann. Þetta er orðið ellefu ára gamalt
fyrirtæki og er brautryðjandi á sínu sviði. Undan-
farin ár hafa stúlkur frá Brasilíu og öðrum löndum
Suður-Ameríku gengið mjög vel en norrænar stúlk-
ur eru sígildar. Íslenskum stúlkum hefur vegnað
mjög vel erlendis allt frá byrjun, en svo eru margar
af rússnesku fyrirsætunum okkar líka að slá í gegn
á heimsmælikvarða. Í fjölbreyttri starfsemi Esk-
imo kom fyrirtækið einnig að uppsetningu nokk-
urra stórra tískuviðburða, til dæmis Future Ice og
Made in Iceland, og við vonumst til að íslensk tísku-
vika verði að lokum að árlegum viðburði sem við
styðjum heilshugar. En þetta er mikil vinna og
markaðurinn er erfiður og allt mjög dýrt um þess-
ar mundir. Við erum því frekar að einbeita okkur að
því að gera fáa hluti og gera þá vel.“
S
töllurnar Ásta Kristjánsdótt-
ir og Andrea Brabin eru
Íslendingum kunnar fyrir að
vera andlitin á bak við
umboðsskrifstofuna Eskimo
sem hefur átt góðu gengi að
fagna á erlendri grund. Íslenskar fyrir-
sætur Eskimo hafa margar átt farsælan
starfsferil fyrir framan myndavélina
bæði hér heima og utan landsteinanna,
meðal annars á Indlandi þar sem fyrir-
tækið rekur útibú. En fyrir um hálfu ári
lögðu Ásta og Andrea upp í nýtt ævin-
týri, merkið E-label.
„Þetta byrjaði með því að okkur lang-
aði að nýta Eskimo-nafnið sem er orðið
nokkuð þekkt og gera eitthvað sniðugt
við það. Sú hugmynd þróaðist út í það að
framleiða fatnað enda höfðum við góð
tengsl úti á Indlandi varðandi efni og
framleiðslu. Svo erum við svo heppnar í
okkar bransa að þekkja mikið af hönn-
uðum og stílistum þannig að byrjunar-
örðugleikar voru fáir. Við fengum
Ásgrím Má, „Ása“, til þess að hanna
fyrstu línuna okkar með þarfir hinnar
íslensku nútímakonu í huga og ákváð-
um að selja fötin aðeins á netinu í takt
við tíðarandann.“ Fatnaðurinn á það
sameiginlegt að vera allur svartur, úr
þægilegum og mjúkum efnum og sniðin
eru nútímaleg, praktísk og frumleg.
„Línurnar frá okkur henta alls kyns
týpum og gerðum kvenna,“ útskýrir
Ásta. „Efnin koma öll frá Indlandi og
eru sumsé silki, baðmull og flís. Við
erum með 25 snið núna en förum upp í
45 í haust. Þetta eru mjög sniðugar flík-
ur og flestar konur geta klæðst þeim.
Þau fela þarf sem þarf að fela, sýna það
sem konur vilja sýna og svo auðvitað
eiga konur að geta blandað sínum eigin
stíl við. Fötin eiga að vera þægileg í
vinnu og svo á að vera hægt að skella
háum hælum við og slá í gegn í kokk-
teilboðinu á eftir.“
Íslenskar konur eru ekki með væl
„Íslenska konan er ótrúleg,“ segir Ásta
og útskýrir að E-label merkið gangi út á
að markaðssetja hina íslensku ofur-
konu. „Við höfum til dæmis oft fengið
heimsóknir frá útlöndum og fólk á oft
ekki til orð hvernig íslenskar konur lifa
lífinu. Við erum kannski einstæðar
mæður með tvö börn, í fullri vinnu, og
sjáum um allt heima fyrir líka. Fran-
kvæmdastjóri Eskimo á Indlandi kom
til dæmis um daginn og hún skildi ekki
hvernig við, konur með fyrirtæki,
gátum eiginlega lifað án barnapíu,
hreingerningakonu og bílstjóra.“ Ásta
sýnir mér skemmtilega auglýsingaher-
ferð sem sýnir fyrirsætu með barna-
skara að ganga niður Laugaveginn, og
að klára úr vodkastaupi þegar hrúga af
karlmönnum liggja dauðir í kringum
hana. Markaðssetning e-label hefur
hingað til einungis verið miðuð á
íslenskan markað en þær stefna inn á
danskan, breskan og þýskan markað á
næstu tveimur árum. „Íslenska konan
er þekkt erlendis fyrir að vera falleg,
dularfull og sterk. Hún er metnaðar-
gjörn, með allt í skorðum, vinnur
kannski fulla vinnu á daginn og vinnur
aukavinnu á kvöldin og um helgar. Hún
veður snjóinn ótrauð í háum hælum og
þarf engan karlmann til þess að sjá
fyrir sér. Flestar konur á Íslandi eru
duglegar og bjarga sér sjálfar. Þær eru
ekki með neitt væl.“ Aðspurð segist
Ásta auðvitað samsama sig við þetta
líka en bæði hún og Andrea eru mæður.
„Ég á eina dóttur og er heppin að hún er
ótrúlega góð og stillt. Hér heima er við-
horfið líka svo þægilegt gagnvart börn-
um. Maður getur kippt barni á fund eða
í boð án þess að maður sé litinn horn-
auga. Erlendis finnst mann oft að börn-
in séu í felum.
Áframhaldandi útrás
Hugmyndin á bak við E-label mun fara
ört víkkandi en Ásta segir að það sé
margt í pípunum. „Við ætlum til dæmis
að setja vítamín á markaðinn líka. Þetta
verður sérstök blanda fyrir konur og
samanstendur af omega-3 sýrum, kalki
og grænu tei og það verður virkilega
spennandi. En við erum líka að skoða
ýmislegt fleira. Í dag er allt að 80 pró-
sent af öllum innkaupum heimilanna
gerð af konum og þar af leiðandi er
markaðssetningu E-label beint að þeim.
Við stefnum á að flokka fleiri vörur
undir E-label merkið eins og töskur,
skartgripi, snyrtivörur, vítamín, barna-
og herraföt, möguleikarnir eru enda-
lausir. Íslenska vatnið og íslensku jurt-
irnar eru til dæmis kjörið hráefni í
frábærar vörur fyrir húðina. Við viljum
að konur geti í raun nálgast allt sem þær
þurfa fyrir sjálfa sig og fjölskylduna í
gegnum E-label.“ Ásta segir fyrirtækið
auðvitað vera lítið enn þá og því hörku-
vinna að baki öllum verkefnum. „Við
sem vinnum hjá Eskimo náum mjög vel
Hannað fyrir
hina íslensku
ofurkonu
Umboðsskrifstofan Eskimo selur fatnað sem rýkur út
undir merkinu E-LABEL. Anna Margrét Björnsson spjall-
aði við Ástu Kristjánsdóttur framkvæmdastjóra um
markaðssetningu á hinni fjölhæfu íslensku konu.
ÁSTA KRISTJÁNSDÓTTIR „Okkur langaði að nýta Eskimo-nafnið sem er orðið þekkt og gera eitthvað sniðugt við það.“
FRÉTTABLAÐIÐ/ARNÞÓR
Íslenska konan veður snjóinn ótrauð í háum hælum
og þarf engan karlmann til þess að sjá fyrir sér.
Fyrirsætur: Linda P. , Lúlla, Rósa. Ásta / Hár: Karl Berndsen / Make-up : Sóley hjá EMM / Stilisti : Anna Clausen og Ási