Fréttablaðið - 10.05.2008, Blaðsíða 6

6 10. maí 2008 LAUGARDAGUR
STJÓRNMÁL „Að tala um heiðarleika
og heilindi með lygaþvæluna og
svikin frá sjálfum sér skrifuð á
ennið er móðgun við alla þá sem
ennþá fylgjast með þessum farsa,“
segir í yfirlýsingu Óskars Bergs-
sonar, borgarfulltrúa Framsóknar-
flokksins.
Tilefni yfirlýsingarinnar er
yfirlýsing sem aðstoðarmaður
borgarstjóra, Ólöf Guðný Valdi-
marsdóttir, sendi frá sér í gær
vegna umræðu um ráðningu Jak-
obs Frímanns Magnússonar sem
framkvæmdastjóra miðborgar-
mála.
„Heiðarleika borgarstjóra í
þessum efnum sem og öðrum skal
ekki draga í efa og er óskað ein-
dregið eftir að nú fáist vinnufrið-
ur svo hægt sé að sinna mikilvæg-
um málefnum sem bíða úrlausna,“
segir í yfirlýsingu Ólafar.
Óskar segir yfirlýsingu Ólafar
vera ákall um miskunn. Sérstakt
sé að leggja jafn ríka áherslu á
heiðarleika einstaklinga eins og
borgarstjóri og aðstoðarmaður
hans geri.
„Að því tilefni er rétt að rifja
upp að Ólafur F. Magnússon hefur
sennilega sýnt af sér mestu óheil-
indi sem nokkur stjórnmálamað-
ur hefur gert svo mér rekur minni
til. Á kosninganótt vorið 2006 tók
hann upp viðræður við Framsókn-
arflokk, Samfylkingu og VG um
myndun meirihluta í borgarstjórn
Reykjavíkur. Í þeim viðræðum
óskaði hann eftir því að taka
hádegismat og úr því matarhléi
kom hann ekki aftur. Hann endur-
tók síðan leikinn þegar hann
myndaði meirihlutann við Sjálf-
stæðisflokkinn í janúar síðastliðn-
um og laug að samherjum sínum
allt fram að því að hann birtist í
fjölmiðlum með málefnasamning
við Sjálfstæðisflokkinn upp á vas-
ann,“ segir í yfirlýsingu Óskars.
Aðspurð hvort hún taki undir
yfirlýsingu Óskars Bergssonar
segir Svandís Svavarsdóttir, odd-
viti VG í borgarstjórn, það áður
hafa komið fram að Ólafur F.
Magnússon hafi logið að þeim
heilan dag í aðdraganda myndun-
ar núverandi meirihluta.
„Óskar er að draga fram hversu
hlægilegt það er að tala um hei-
lindi og heiðarleika og hafa samt
þennan feril í samskiptum við
aðra stjórnmálamenn,“ segir
Svandís. gar@frettabladid.is
Segir Ólaf vera með
svik skrifuð á ennið
Borgarfulltrúi Framsóknarflokksins segir Ólaf F. Magnússon vera lyginn óheil-
indamann. Aðstoðarkona borgarstjóra segir að ekki skuli draga heiðarleika
Ólafs í efa í þessum efnum eða öðrum.
MINNIHLUTINN Fyrrverandi samherjar sækja nú hart að borgarstjóranum í Reykjavík.
FRÉTTABLAÐIÐ/GVA
Gus Gus tónleikar
Innifalið: Flug með sköttum og öðrum
greiðslum, gisting á 4* hóteli ásamt
morgunverði og miði á tónleikana.
69.900 kr.
Verð á mann í tvíbýli
4.–7. júní
í Varsjá
F
í
t
o
n
/
S
Í
A
Nánar á expressferdir.is
eða í síma 5 900 100
Kringlunni • sími 568 1822
www.polarnopyret.is
Ert þú sátt/ur við mánaðarlaun
Jakobs Frímanns Magnússonar
sem verkefnisstjóra hjá Reykja-
víkurborg?
Já 31%
Nei 69%
ÆTLARÐU Á VÖLLINN Í SUMAR?
Segðu skoðun þína á vísir.is
BORGARMÁL „Ég reikna með því að
segja af mér formennsku í hverfis-
ráði og varaformennsku í menn-
ingar- og ferðamálanefnd en ég sit
náttúrlega í fjölda annarra nefnda
sem koma Reykjavíkurborg ekk-
ert við,“ segir Jakob Frímann
Magnússon, nýráðinn fram-
kvæmdastjóri miðborgarinnar.
„En hvort ég sitji í nefndunum
áfram eða sitji þar sem áheyrnar-
fulltrúi það á eftir að skýrast. Það
er stjórnsýsla Reykjavíkurborgar
sem tekur afstöðu til þess en ég hef
sjálfur ákveðið að létta af mér
þeirri ábyrgð sem fylgir for-
mennskunni og varafor-
mennskunni.“
Hann segir að leitað hafi
til annarra áður en hann
var ráðinn til starfa. „Fyrst
var leitað til fyrrverandi
miðborgarstjóra. Svo var
leitað til annarra áður en
komið var til mín,“ segir
Jakob. „Ég afþakkaði í
fyrstu vegna anna á öðrum
vettvangi og þá var leitað til enn
annarra. Það gekk ekki og þá var
aftur leitað til mín og ég ákvað að
reyna að losa mig úr öðrum verk-
efnum og taka þessari miklu áskor-
un. Þannig að tal um að
starfið sé sniðið að mér er
einfaldlega út í hött.“
Hann á fyrirtækið
Bankastræti sem sinnir
útgáfu, auglýsinga- og
kynningarverkefnum.
Hann segist nú þurfa að
hverfa frá verkefnum á
þeim vettvangi.
Spurður hvað hann muni
fá mikið í ökutækjastyrk segir
hann: „Ég held að hann sé eitthvað
um 15 þúsund, annars hef ég ekki
verið að rýna svo mikið í öll atriði
samningsins.“ - jse
Leitað var til annarra áður en Jakob Frímann var ráðinn til starfa:
Segir af sér nefndarformennsku
JAKOB FRÍMANN
MAGNÚSSON
Borgarstjóra og skrifstofustjóra
hans ber ekki saman um aðkomu
skrifstofustjórans að ráðningu fram-
kvæmdastjóra miðborgarmála.
Regína Ásvaldsdóttir, skrifstofu-
stjóri borgarstjóra, segist hafa ráð-
lagt Ólafi F. Magnússyni borgarstjóra
að auglýsa starf miðborgarstjóra.
Í ræðu í borgarstjórn á þriðjudag
sagði Ólafur hins vegar það hafa
verið sérstaka ábendingu skrifstofu-
stjórans að í tilviki Jakobs væri um
skammtímaráðningu að ræða og
því þyrfti ekki að auglýsa starfið.
„Hann var hafður með í ráðum
frá fyrstu stundu í þessu máli og
hefur raunar líka komið að ráðningu
verkefnisstjóra inn á skrifstofuna,
þar sem ég kom nú minnst að því
máli frá upphafi til enda, en treysti
ég mínum skrifstofustjóra og sú
staða var ekki auglýst,“ sagði Ólafur
í borgarstjórn um aðkomu skrif-
stofustjórans að ráðningu Jakobs
Frímanns Magnússonar.
„Þar sem borgarstjóri kaus fremur
að fá inn aðila með skömmum
fyrirvara, vegna brýnna verkefna í
miðborginni, þá staðfesti ég að það
væri heimild fyrir því að ráða í störf
sem væru eitt ár eða skemur,“ segir
Regína í sinni yfirlýsingu og bætir
því við að hún hafi ekki komið að
ráðningarsamningi Jakobs.
Ekki fékkst samtal við borgar-
stjóra í gær en í yfir lýsingu sem
aðstoðarkona hans, Ólöf Guðný
Valdimarsdóttir, sendi frá sér áður
en yfirlýsing skrifstofustjórans lá
fyrir, segir að full eining hafi verið á
skrifstofu borgarstjóra um að ráða í
stöðu framkvæmdastjóra miðborg-
armála með þeim hætti sem gert
var.
KOM EKKI AÐ RÁÐNINGU JAKOBS
KJÖRKASSINN
SAMGÖNGUR Fjöldi ökumanna varð
fyrir óhappi vegna hálku og
ófærðar í gær og langt fram á
kvöld.
Aðstoða þurfti fólk í gær á
Steingrímsfjarðarheiði sem sat
þar fast vegna ófærðar. Töluvert
fannfergi er á heiðinni.
Í Öxnadal varð útafakstur
vegna hálku, en engin meiðsl
urðu á fólki. Snjóað hefur víða á
fjallvegi á Norðurlandi. Þá bárust
fregnir af því að þrír bílar hefðu
farið út af fyrir utan Akureyri á
tíunda tímanum í gærkvöld.
Upplýsingar um hvort slys
urðu á fólki lágu ekki fyrir þegar
blaðið fór í prentun. - kóp
Vetur konungur ekki farinn:
Ófærð og hálka
láta á sér kræla
ÖRYGGISMÁL Kristján Möller sam-
gönguráðherra tók nýtt tilkynn-
ingakerfi Landhelgisgæslunnar í
notkun á fimmtudag. Kerfið veld-
ur byltingu í upplýsingagjöf varð-
andi siglingar skipa og flutninga
með hættuleg efni í farmi. Sigl-
ingastofnun og Vaktstöð siglinga
hafa undanfarin tvö ár unnið að
gerð kerfisins og er þetta verkefni
í samræmi við tilskipun Evrópu-
ráðsins og lög og reglugerð um
Vaktstöð siglinga.
Öll ríki Evrópusambandsins,
sem liggja að sjó eða reka kaup-
skip undir eigin fána, auk Íslands
og Noregs, vinna að eða hafa komið
sér upp slíku kerfi. Kerfi allra
landanna eru tengd miðlægum til-
vísunargrunni þar sem hægt er að
sækja upplýsingar um farm og
ferðir skipa milli landa. Kerfið
hefur verið nefnt Safe Sea Net. Þá
stendur yfir endurnýjun alls fjar-
skiptakerfis Vaktstöðvar siglinga,
sem ljúka á í ágúst, og með þessum
nýju kerfum er vaktstöðin vel í
stakk búin til að sinna eftirlitshlut-
verki sínu með siglingum í lögsög-
unni, auk þess sem búnaðurinn
nýtist við björgunarstörf á sjó.
Samgönguráðherra tók nýja eft-
irlitskerfið í notkun með því að
senda fyrsta íslenska skeytið sem
barst til allra hafna í Evrópu. Í
ávarpi lagði hann áherslu á að með
tilkomu tilkynningakerfisins væri
mikilvægt öryggistæki komið í
vopnabúr Landhelgisgæslunnar
og búnaðurinn gagnist vel við
björgunarstörf á sjó. - shá
Nýtt eftirlitskerfi um siglingar og flutninga hættulegra efna tekið í notkun:
Stórbætir siglingaöryggi
TILKYNNINGAKERFI Kristján Möller bíður
eftir að senda fyrsta skeytið. Forstöðu-
menn Landhelgisgæslunnar fylgjast
með. FRÉTTABLAÐIÐ/GVA