Fréttablaðið - 10.05.2008, Blaðsíða 11
LAUGARDAGUR 10. maí 2008 11
KJARAMÁL Félag íslenskra
atvinnuflugmanna hefur gert
kjarasamning við Icelandair og
gildir hann út janúar 2009.
Samkvæmt samningnum fá
flugmenn Icelandair 3,3 prósenta
launahækkun. Til viðbótar eru
ýmis atriði sem skila mismunandi
miklu, meðal annars eftir
áætlunar- og leiguflugi.
Jóhannes Bjarni Guðmundsson,
formaður atvinnuflugmanna,
segir að flugmenn líti á samning-
inn sem sáttasamning til að
komast að samningsborðinu aftur
eftir næstu áramót. „Í okkar huga
er þetta biðleikur, við erum að
fresta samningaviðræðum fram á
næsta ár,“ segir hann. - ghs
Atvinnuflugmenn:
Fá 3,3 prósenta
launahækkun
SJÁVARÚTVEGUR Sjávarafurðir voru
41 prósent alls útflutnings fyrstu
þrjá mánuði þessa árs og var
verðmæti þeirra 15,4 prósentum
minna en á sama tíma árið áður.
Útfluttar sjávarafurðir námu 32,4
milljörðum króna fyrstu þrjá
mánuði ársins en voru fyrir sama
tímabil í fyrra um 35 milljarðar.
Útfluttar iðnaðarvörur voru
nær helmingur alls útflutnings og
var verðmæti þeirra 11,7
prósentu m meira en árið áður.
Verðmæti áls fór úr tæpum 23
milljörðum króna fyrstu þrjá
mánuði í fyrra í rúma 27 millj-
arða í ár. - shá
Útfluttar vörur árið 2008:
Verðmæti sjáv-
arfangs minna
ÚTSKIPUN Verðmæti útflutts sjávarfangs
minnkar stöðugt í hlutfalli við útflutt ál.
FRÉTTABLAÐIÐ/GVA
BAUGSMÁL Hæstiréttur hefur ákveðið að tak-
marka ræðutíma sækjanda og verjenda í
Baugsmálinu við samtals þrettán klukku-
stundir, deilt niður á tvo daga.
Málið verður flutt 14. og 15. maí, og er búist
við að dómur falli fyrir miðjan júní. Báðir
aðilar áttu upphaflega að fá sex klukkustund-
ir fyrir málflutning, en sækjandi óskaði eftir
einni klukkustund til viðbótar. Málflutningur
í héraðsdómi tók samtals fjóra daga.
„Mér finnst þetta eðlilegt,“ segir Gestur
Jónsson, lögmaður Jóns Ásgeirs Jóhannes-
sonar. Fyrir liggi skriflegar greinargerðir og
héraðsdómur. „Ég held að lengri málflutning-
ur en þetta hafi engan tilgang,“ segir Gestur.
„Við lögum okkur að aðstæðunum,“ segir
Sigurður Tómas Magnússon, settur ríkissak-
sóknari í málinu. Hann segir
að þetta muni leiða til þess að
ræðurnar verði óáheyrilegri,
og meira vísað í gögn í stað
þess að lýsa því sem þar komi
fram.
Sakborningar í málinu eru
þrír; Jón Ásgeir Jóhannesson,
Tryggvi Jónsson og Jón Ger-
ald Sullenberger. Jón Ásgeir
og Jón Gerald fengu þriggja
mánaða skilorðsbundna dóma í
héraði fyrir bókhaldsbrot.
Tryggvi fékk samtals tólf mánaða skilorðs-
bundinn dóm fyrir fjárdrátt og bókhaldsbrot.
Jón Ásgeir og Tryggvi voru sýknaðir í fjöl-
mörgum öðrum ákæruliðum. - bj
Hæstiréttur setur sækjanda og verjendum í Baugsmálinu þröng tímamörk við málflutning um miðjan maí:
Málið flutt á þrettán klukkustundum
GESTUR
JÓNSSON
HLAKKAR TIL AÐ KYNNAST
BÖRNUNUM SÍNUM AFTUR
Hlutverki Sigurðar Tómasar Magnússonar sem
setts ríkissaksóknara í Baugsmálinu
lýkur eftir að dómur fellur í Hæsta-
rétti. Hann hefur meðfram því
starfi sinnt kennslu í Háskólanum
í Reykjavík, og reiknar nú með að
snúa sér alfarið að kennslunni.
„Dagarnir hafa oft verið ansi
langir,“ segir Sigurður Tómas. Hann
ætlar að eyða meiri tíma með fjölskyldunni nú
þegar þessu gríðarlega umfangsmikla dómsmáli
er að ljúka. „Ég hlakka til að fá að kynnast börn-
unum aftur,“ segir hann kíminn.
KÍNA, AP Veirufaraldur í Kína
hefur nú orðið 34 börnum að
fjörtjóni svo vitað sé, að tveimur
meðtöldum sem tilkynnt var um í
gær. Þúsundir til viðbótar eru
sýkt.
Bandarísk stjórnvöld hafa nú
boðist til að leggja fram aðstoð í
baráttunni gegn útbreiðslu
sýkingarinnar, sem er talin vera
stökkbreytt afbrigði af hand-, fót-
og munnsjúkdómi. Mike Leavitt,
heilbrigðisráðherra Bandaríkj-
anna, mun ræða málið við
kínverska ráðamenn í Peking í
næstu viku, en heimsókn hans
hafði verið skipulögð áður en
veirufaraldurinn kom upp. - aa
Veirufaraldur í Kína:
Á fjórða tug
barna dáin
Vegvísir í gegnum framrúðu
Ökumaður keyrði á vegvísi á Gaul-
verjabæjarvegi austan við Selfoss um
um hádegisbil í gær. Vegvísirinn fór
í gegnum framrúðu og rakst í höfuð
farþega en hann slapp með lítils hátt-
ar meiðsl. Ökumaðurinn er grunaður
um akstur undir áhrifum fíkniefna.
SELFOSS
Átján barna móðir
Bandarísk kona, sem eignast hefur
17 börn, er nú þunguð á ný og á
von á átjánda barninu um næstu
áramót. Michelle Dugar, heitir hún,
býr í Tontitown í Arkansas og er 41
árs. Elsta barnið er nú tvítugt en það
yngsta níu mánaða.
BANDARÍKIN