Fréttablaðið - 10.05.2008, Blaðsíða 108
FÓTBOLTI Í dag er sögulegur dagur
fyrir íslenska knattspyrnu þegar
fyrsta tólf liða deildin í sögu efstu
deildar karla fer af stað.
Allir sex leikirnir fara fram í
dag, fimm klukkan 14 og svo opn-
unarleikur mótsins milli Keflavík-
ur og Íslandsmeistara Vals í Kefla-
vík. Leikirnir klukkan tvö eru á
milli KR og Grindavík á KR-velli,
ÍA og Breiðabliks upp á Skaga,
Fylkis og Fram á Fylkisvelli,
Þróttar og Fjölnis í Laugardal og
svo á milli HK og FH á Kópavogs-
velli.
Fréttablaðið mun eins og áður
fjalla um alla leiki deildarinnar og
gefa leikmönnum einkunn á bilinu
1 til 10 og í töflunni sem fylgir má
sjá fyrir hvað hver tala stendur
fyrir. - óój
FYRIR HVAÐ STENDUR
EINKUNNAGJÖFIN:
10 í einkunn Stórkostlegur
9 Frábær
8 Mjög góður
7 Góður
6 Þokkalegur
5 Í meðallagi
4 Slakur
3 Mjög slakur
2 Skelfilegur
1 Ekki nothæfur
56 10. maí 2008 LAUGARDAGUR
FRÉTTABLAÐIÐ SPÁIR VAL 1. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 1. sæti í A-deild 2006 3. sæti í A-deild 2005 2. sæti í A-deild 2004 1. sæti í B-deild 2003 10. sæti í A-deild 2002 1. sæti í B-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
1 9
1
ATLI SVEINN
ÞÓRARINSSON
PÁLMI RAFN
PÁLMASON
BALDUR INGIMAR
AÐALSTEINSSON
> LYKILMAÐURINN
Helgi Sigurðsson reyndist heldur betur góð kaup
fyrir Val. Valsara hafði sárlega vantað
alvöru markaskorara og hann fundu
þeir í Helga í fyrra. Helgi spilaði
frábærlega og skoraði 12 mörk fyrir
Valsmenn og mörg hver gríðarlega
mikilvæg. Valsmenn ætlast til þess að
Helgi skili álíka öflugu verki í sumar
og hann verður ef að líkum lætur
einn skæðasti framherji deildarinnar
aftur þetta árið.
> X-FAKTORINN
Guðmundur Benediktsson
hefur gengið í endurnýjun lífdaga í
Valsbúningnum. Algjör lykilmaður í
spili meistaranna og leggur upp flest
mörk liðsins. Guðmundur er ekki að
yngjast og Valsmenn þurfa að treysta
á töfra hans og vona að hann meiðist
ekki.
Valur vann Íslandsmeistaratitilinn á eftir-
minnilegan hátt síðasta sumar og Valsmenn
gera þá kröfu að liðið hampi Íslandsmeist-
aratitlinum aftur í sumar.
Það er reyndar ekki að ástæðulausu enda
teflir Valur nánast fram sama liði. Engir
lykilmenn hurfu á braut, en Valsmenn hafa
bætt við sig framherjanum Alberti Inga-
syni frá Fylki og hinn ungi Ingólfur Sigurðs-
son kemur frá Heerenveen. Valur fékk
reyndar einnig miðvörðinn efnilega Kristj-
án Hauksson frá Fram, en tók þá undarlegu
ákvörðun að lána hann til nýliða Fjölnis án
þess að eiga möguleika að kalla hann til
baka.
Valur samdi aftur við miðvörðinn sterka,
Barry Smith, en hann og Atli Sveinn
mynduðu frábært miðvarðapar í fyrra.
Barry er reyndar nýkominn úr aðgerð og
spurning hversu heill hann er.
Valsmenn hafa einnig áhyggjur af fram-
herjamálunum, enda Helgi búinn að vera
meiddur, og svo meiddist Dennis Bo Mor-
tensen í Meistarakeppninni.
Valsmenn hafa litið frábærlega út á und-
irbúningstímabilinu og virðast vera talsvert
öflugri en í fyrra.
Þeir spila leiftrandi sóknarbolta þar sem
Pálmi Rafn Pálmason hefur farið á kostum.
Valur er liðið sem önnur lið verða að leggja
til að verða meistarar, en það verður þraut-
in þyngri þar sem meistararnir eru gríðar-
sterkir og verða klárlega illviðráðanlegir í
sumar.
Gríðarsterkir meistarar
FÓTBOLTI Vísir og Fréttablaðið
munu standa að boltavakt í
sameiningu í sumar en allir leikir
í Landsbankadeild karla verða
þar með í beinni útsendingu á
www.visir.is.
Þar verður hægt að fylgjast
með öllum leikjum í einu og fá
allar mikilvægustu upplýsingarn-
ar beint í æð. - hbg
Landsbankadeild karla:
Boltinn í beinni
FÓTBOLTI Valsmönnum var spáð
Íslandsmeistaratitlinum annað
árið í röð í spá fyrirliða, þjálfara
og forráðamanna í vikunni, en
þeir þurfa þá að gera það sem
meistaraliðum félagsins hefur
mistekist í meira en 40 ár - að
verja titilinn. Það sem meira er:
fyrsti leikur í titilvörn hefur
sjaldnast endað vel vel fyrir Vals-
menn sem heimsækja Keflvík-
inga suður með sjó klukkan 16.15
í dag.
Í síðustu tvö skipti hafa Vals-
menn tapað fyrsta leik í titilvörn
og í raun aðeins einu sinni unnið
fyrsta leik á tímabil í síðustu sex
skipti sem þeir hafa byrjað tíma-
bilið sem meistarar. Það var árið
1981 þegar Valsliðið vann 3-0 sigur
á erkifjendum sínum í KR á Mela-
vellinum, en 1986 og 1988 var
útkoman hins vegar allt önnur.
Árið 1986 tapaði Valsliðið 1-2 fyrir
Þór á Þórsmölinni í 1. umferð og
töpuðu síðan öðrum leiknum 0-1 á
heimavelli fyrir nýliðum Breiða-
bliks. Valsliðið fór ekki í gang fyrr
en í þriðja leik þegar liðið vann 4-0
stórsigur í Keflavík en þessi tvö
töp gegn liðunum sem enduðu í 6.
(Þór) og 9. (Breiðablik) sæti reynd-
ust vera dýrkeypt því Valur tapaði
titlinum á markatölu.
Tveimur árum seinna eða 1988
tapaði Valsliðið 0-1 fyrir Fram í
fyrsta leiknum sem fram fór á
gervigrasinu í Laugardal. Guð-
mundur Steinsson skoraði eina
mark leiksins tveimur mínútum
fyrir leikslok. Valsmenn náðu held-
ur ekki að skora í næstu tveimur
leikjum og voru komnir átta stig-
um á eftir Fram eftir aðeins þrjár
umferðir. Í lokin skildu síðan ein-
mitt átta stig að liðin í efstu
tveimur sætunum.
Valsmönnum tókst heldur ekki
að vinna fyrsta leik í titilvörn árin
1968, 1977 og 1979. 1979 gerði liðið
1-1 jafntefli við KR í fyrsta leik og
vann síðan aðeins einn sigur í
fyrstu sex leikjum sínum á tíma-
bilinu. Þessi byrjun, 5 stig af 12
mögulegum, varð dýrkeypt því
Íslandsmeistarar ÍBV urðu aðeins
einu stigi á undan Hlíðarenda-
mönnum. Tveimur árum áður tap-
aði liðið tveimur fyrstu leikjum
sínum, fyrst 3-4 á móti Breiðabliki
og svo 0-2 á móti ÍA, og ÍA vann
síðan á endanum titilinn með einu
stigi meira en Valur. Árið 1968
tapað Valsliðið 1-3 fyrir ÍBV í
fyrsta leik, en það var einmitt
fyrsti leikurinn sem fram fór í
Vestmannaeyjum í efstu deild.
Valsmenn unnu síðast Íslands-
meistaratitilinn tvö ár í röð 1966
og 1967 þegar Óli B. Jónsson var
þjálfari liðsins, Árni Njálsson fyr-
irliði og Hermann Gunnarsson var
á sínum fyrstu árum í boltanum.
ooj@frettabladid.is
Titilvörnin hefur
reynst Val erfið
Íslandsmeisturum Valsmanna er spáð titlinum ann-
að árið í röð en það eru liðin 40 ár síðan Valsliðinu
tókst að verða meistarar tvö ár í röð.
ÞEKKJA ÞETTA Willum Þór Þórsson og Guðmundur Benediktsson vörðu titilinn
saman sumarið 2003 þegar þeir voru með KR. FRÉTTABLAÐIÐ/VILHELM
FYRSTI LEIKUR VALS Í TITIL-
VÖRN SÍÐUSTU 40 ÁR
1988 0-1 tap fyrir Fram 2. sæti
1986 1-2 tap fyrir Þór Akureyri 2. sæti
1981 3-0 sigur á KR 5. sæti
1979 1-1 jafntefli við KR 2. sæti
1977 3-4 tap fyrir Breiðabliki 2. sæti
1968 1-3 tap fyrir ÍBV 3. sæti
Fyrsta umferðin í tólf liða Landsbankadeild karla:
Sögulegur dagur
24.990
Alicante