Fréttablaðið - 28.08.2008, Síða 42

28. ÁGÚST 2008 FIMMTUDAGUR
Fyrirhugað er að reisa ævin-
týragarð í Mosfellsbæ og hafa
íbúar lagt sitt af mörkum við
hönnun hans.
Í tilefni af tuttugu ára afmæli
Mosfellsbæjar í fyrra var ákveðið
að ráðast í hugmyndasamkeppni
um ævintýragarð í bænum. Æv-
intýragarðurinn er hugsaður
fyrir alla fjölskylduna og áhersla
er lögð á að allir eigi aðgang að
honum og að höfðað verði til
mismunandi hópa.
Leitað var eftir hugmyndum að
garðinum hjá íbúum Mosfellsbæj-
ar og að sögn Jóhönnu B. Hansen,
framkvæmdastjóra umhverfis-
sviðs, er gagnasafnið orðið mynd-
arlegt. Hugmyndir íbúa verða
notaðar sem grunnur að endan-
legri hönnun garðsins.
„Hugmyndirnar sem við höfum
fengið eru mjög fjölbreyttar. Fólk
vill ævintýrabrautir, skíðabrautir
og göngubrautir, leiktæki, kaffi-
hús, tjaldsvæði, tónleikaaðstöðu
og margt fleira,“ segir Jóhanna.
Hugmyndir eru líka uppi um að
skipulögð starfsemi verði í garð-
inum og að sögn Jóhönnu kemur
til greina að skátarnir verði með
starfsemi sína þar. Hún segir að
margir hafi horft á Kjarnaskóg og
útivistarsvæðið sem þar er, sem
góða staðsetningu fyrir garðinn.
Næsti liður í þróun hugmynda
fyrir ævintýragarðinn er að koma
af stað opinni hugmyndasam-
keppni og er mikil eftirvænting
á meðal landslagsarkitekta og
annarra hugmyndasmiða fyrir
henni. „Við erum að fara af stað
með opna hugmyndasamkeppni
og stendur undirbúningur henn-
ar yfir eins og er. Það er alveg
víst að við eigum líka eftir að
fá mikið af skemmtilegum hug-
myndum í þessari samkeppni,“
segir Jóhanna.
Dómnefndin mun hefja störf
sín í september og segir Jóhanna
að línurnar um tímasetningu
framkvæmda ævintýragarðsins
muni skýrast þá. - kka
Jóhanna B. Hansen er ánægð með allar þær tillögur sem íbúar Mosfellsbæjar hafa
komið með að ævintýragarðinum. FRÉTTABLAÐIÐ/GVA
Ævintýri á næsta leiti