Fréttablaðið - 28.08.2008, Qupperneq 65

FIMMTUDAGUR 28. ágúst 2008 45
Kvikmyndaverið Warner Bros.
hefur stefnt indversku kvikmynda-
veri vegna væntanlegrar kvik-
myndar sem ber titilinn Hari Putt-
ar – A Comedy of Terrors. Þykir
forsvarsmönnum Warner Bros.
titillinn óþægilega líkur myndun-
um vinsælu um galdrastrákinn
Harry Potter, sem kvikmyndaver-
ið framleiðir og vilja að hætt verði
við sýningu myndarinnar.
Indverjarnir eru ekki sáttir
við framvindu mála, þar sem
myndin hefur verið lengi í
undirbúningi en frumsýn-
ing í Asíu er áætluð 12.
september næstkomandi.
Hari Puttar kemur göldr-
um líka lítið við, en mynd-
in ku fjalla um tíu ára
dreng sem flyst til Bret-
lands og þarf að endur-
heimta leynilegan
tölvukubb föður síns frá innbrots-
þjófum.
„Við skrásettum Hari Puttar tit-
ilinn árið 2005 og það er óheppilegt
að Warner hafi ákveðið að
fara í mál svo skömmu
fyrir frumsýningu
myndarinnar okkar. Að
mínu mati tengist eða
líkist titillinn okkar
Harry Potter ekki neitt,“
segir fulltrúi indverska
kvikmyndaversins.
Niðurstöðu í málinu
er að vænta innan
skamms.
Of líkt Harry Potter
HARRY POTTER Warner
Bros.-kvikmyndaverinu
þykir titill myndarinnar
um Hari Puttar of líkur
Harry Potter.
Jónína Ósk Lárusdóttir
vinnur að listsýningu þar
sem brjóst verða í aðalhlut-
verki, en yfirskrift sýning-
arinnar er Ein-stök-brjóst.
„Ég verð með eitt hundrað svart-
hvítar ljósmyndir af kvenmanns-
brjóstum á sýningunni. Þetta
verða bara fallegar myndir, tekn-
ar rétt yfir barminn og alveg nafn-
lausar,“ segir Jónína Ósk Lárus-
dóttir, grafískur miðlari, um
listsýningu hennar þar sem brjóst
verða í aðalhlutverki.
„Konurnar verða á öllum aldri,
þó að ég vilji ekki fara of neðar-
lega í aldri. Sú elsta sem hefur til-
kynnt þátttöku sína er áttræð og
alveg fjallhress með að koma til
mín,“ segir hún og brosir. Mynda-
taka verður í höndum ljósmyndar-
ans Írisar Jóhannsdóttur og mun
Matthildur Lárusdóttir aðstoða
við tökurnar.
Mikill áhugi hjá konum
Hugmynd Jónínu kviknaði út frá
hugsunum um brjóstakrabba-
mein. „Amma mín fékk brjósta-
krabba fyrir nokkrum árum og
núna nýlega var ein vinkona mín
að greinast líka. Það er eiginlega
kveikjan að þessu og sýningin er
tileinkuð öllum konum sem hafa
lent í þessu,“ útskýrir Jónína.
„Hugsunin á bak við sýninguna er
sú að við erum allar með einstök
brjóst, hvernig sem þau eru í lag-
inu og sama hvort við séum með
eitt, tvö eða ekkert,“ bætir Jónína
við. Þegar hafa um fimmtíu konur
lýst yfir áhuga á að sitja fyrir á
myndum. „Það er breið flóra í
þeim hópi, sumar hafa misst
brjóst og látið fylla upp í, aðrar
eru ekki með neitt,“ útskýrir
Jónína.
Safnað fyrir tækjum
Myndirnar verða til sölu og vonast
Jónína til að geta notað fjármagn-
ið sem þannig safnast í tækjakaup
fyrir Landspítalann og í fræðslu-
efni. Hún mun einnig fá hóp lista-
manna til liðs við sig til að túlka
hugmyndina enn frekar og verða
verk þeirra boðin upp á uppboði.
„Ég er líka að leita að styrktaraðil-
um, allir styrkir eru mjög vel
þegnir,“ segir hún. Sýningarstað-
ur er sem stendur óráðinn, en Jón-
ína stefnir á að geta opnað sýning-
una í október, sem er mánuður
brjóstakrabbameins. „Ef þú veist
um brjóst sem gætu verið hluti af
verkefninu er bara um að gera að
hafa samband á einstokbrjost@
gmail.com,“ segir Jónína.
sunna@frettabladid.is
Einstök brjóst á listsýningu
BRJÓST Á LISTSÝNINGU Jónína Ósk Lárusdóttir, til hægri, hyggst sýna 100 myndir af
kvenmannsbrjóstum á listsýningu í október. Með henni á myndinni er Dagný Erla
Gunnarsdóttir. FRÉTTABLAÐIÐ/VALLI
Við leitum að duglegu starfsfólki í verslanir okkar.
Við leggjum mikið upp úr því að starfsfólki okkar
líði vel í vinnunni og rekum öflugt félagslíf. Einnig
nýtur starfsfólk fjölda fríðinda.
Umsækjendur þurfa að vera orðnir 18 ára.
Umsækjendur fylli út umsókn á www.10-11.is eða
hafi samband við verslunarstjóra í næstu verslun.
Skemmtileg vinna með
skemmtilegu fólki