Réttur - 01.01.1947, Blaðsíða 35

RÉTTUR
35
þetta fyrir hönd hinnar fyrirhuguðu prentsmiðju á ísa-
firði. Töldu menn s;alfsagt, að leyfið fengizt þegar, en á
því varð nokkur fyrirstaða. Því var borið við af hálfu
stjórnarvalda, að lögreglustjórinn, Skúli Thoroddsen, ætti
samkvæmt embætti sínu að hafa eftirlit með því, sem
prentsmiðjan léti frá sér fara, og kæmi því ekki til mála
að hann fengi að vera við prentsmiðjustjórn og blaðaút-
gáfu riðinn. Þótt þetta væri haft á oddinum, fer varla hjá
því, að maður gruni landshöfðingja um græsku. Hann
mun hafa komizt að raun um það, þann stutta tíma, sem
Skúli Thoroddsen hafði starfað hér heima að námi loknu,
að þar færi maður, sem gæti orðið stjórninni þungur ljár
í þúfu, ekki sízt ef hann fengi prentsmiðju og blað til um-
ráða. Það var þegar vitað, að Skúli var í hópi þeirra
manna, sem róttækastir voru í stjórnarbótamálinu. Af
þessu mun hafa komið tregða sú og mótspyrna, sem
landshöfðingi sýndi hinu ófædda blaði þar vestur á ísa-
firði. Mun hann hafa grunað það, sem seinna kom fram,
að blaðið yrði sér til lítillar ánægju og helzt til baldið við
hina konunglegu dönsku stjórn á íslandi.
Sigurður Stefánsson í Vigur, sem nú var orðinn alþing-
ismaður ísfirðinga, bar fram á alþingi 1886 tillögu þess
efnis, að skora á landsstjórnina að veita prentsmiðjuleyf-
ið. Þeirri tillögu var vísað frá með eins atkvæðis mun, en
allt um það taldi landshöfðingi sér ekki stætt á því að
neita. stöðugt um leyfið, eftir að ýmsir mætir borgarar
ísafjarðarkaupstaðar höfðu krafizt þess, jafnt fylgis-
menn hans sem andstæðingar.
Hinn 12. marz 1886 hafði verið haldinn stofnfundur
„Prentfélags Isafirðinga“, er svo var kallað. Skyldi félag-
ið annast rekstur hinnar fyrirhuguðu prentsmiðju og
hef ja útgáfu nýs blaðs, þegar er prentsmiðjuleyfi fengist.
Kosnir voru í prentsmiðjustjórn Skúli Thoroddsen, séra
Sigurður Stefánsson í Vigur og Þorvaldur Jónsson, pró-
fastur á ísafirði.