Réttur - 01.08.1953, Qupperneq 43

RÉTTUR
179
Þessi ræða skýrir svo vel stefnu Alþjóðasambandsins og
lýsir hinni dýrmætu reynslu ítalska verkalýðssambands-
ins að hver einasti verkalýðssinni ætti að kynna sér hana.
Skýrsla félaga Saillants, aðalritara Alþjóðasambandsins, og hin-
ar rækilegu umræður um hana hafa fyllilega staðfest að lífs-
kjörum verkalýðsins í auðvaldslöndunum og nýlendunum hrakar
stöðugt.
í þessari ræðu mun ég leitast við að draga upp mynd af heims-
ástandinu, þeim mismunandi áhrifum er það hefur á þessi lönd,
í samræmi við efnahagslega þróun þeirra og að hvað miklu leyti
þau eru, beint eða óbeint, háð hinum sterkustu auðvaldssam-
steypum. Við skulum athuga nánar höfuðorsakir hinnar almennu
efnahagskreppu, versnandi lífskjara verkalýðsins og millistétt-
anna, svo að verkalýðshreyfingin verði fær um að bregðast á
réttan hátt við aðsteðjandi vanda, taki forystuna í baráttu alþýð-
unnar gegn orsökum vaxandi fátæktar og berjist jákvæðri baráttu
fyrir hagsmunum hennar.
Vegna vísinda og tæknilegra framfara ræður heimurinn nú
yfir geysimikilli framleiðslugetu og möguleikum til enn meiri
aukningar. Ef þessir möguleikar væru nýttir væri unnt að full-
nægja þörfum alls mannkynsins og auka um leið framfarirnar.
Hvers vegna lifir þá meirihluti allra íbúa heimsins við hina sárustu
fátækt á meðan möguleikarnir eru látnir ónotaðir eins og gert
er í heimalöndum auðvaldsins og þó ennfrekar í nýlendunum?
Nýjustu skýrslur Sameinuðu þjóðanna sýna að tveir þriðju
hlutar mannkynsins lifa við hina sárustu fátækt. Árstekjur þessa
fólks eru undir 41 dollara á mann, en aðeins einn fimmti hluti
af íbúum heimsins nær 461 dollara í árstekjur.
Tveir þriðju hlutar íbúanna verða að draga fram lífið á minna
en 2150 hitaeiningum á dag, en aðeins einn fimmti hluti neytir
meira en 3040 hitaeininga á dag.
Hundruð milljóna njóta engrar heilbrigðisþjónustu, en búa
við sárustu örbirgð þjáðar af sjúkdómum og farsóttum. Tveir
þriðju hlutar mannkyns hafa einn lækni á hverja 6000 íbúa og
meðalaldur þeirra er undir 30 ár.
Og þetta hörmungarástand fer versnandi. Eftir skýrslum Sam-
einuðu þjóðanna höfðu fyrir stríð, 38,6% af íbúum heimsins
minna en 2200 hitaeiningar sér til framfæris, en 1952 voru þeir
orðnir 59,6%, meira en helmingur. (Læknavísindin áætla hita-
einingarþörfina 3000 á dag).
Þetta ástand, sem hlýtur að ganga hverjum heiðvirðum manni