Réttur - 01.08.1953, Blaðsíða 47

RÉTTUR
183
efnahagslífinu, skapast stöðugt ný og ný verkefni sem verkalýð-
urinn verður að glíma við, jafnhliða því að uppfylling hagsmuna-
krafanna verður sífellt torsóttari nema þær verði hluti af mikið
víðtækari hreyfingu. Vitanlega verður baráttan fyrir bættum lífs-
kjörum undirstaðan í baráttu verkalýðsfélaganna, en hún verður
að færast á breiðari grundvöll, sem skapar möguleika fyrir
bandalagi við smábændur og millistéttirnar og dregur þær með
í baráttuna gegn hringavaldinu.
Þetta þýðir að verkalýðhreyfingin verður að taka stórt skreí
áfram. Það þýðir baráttu gegn stefnu hringavaldsins, stefnu stöðn-
unar, fátæktar og hruns, en fyrir efnahagsstefnu sem er í samræmi
við hagsmuni verkalýðsins., raunhæfri uppbyggingarstefnu, vax-
andi framleiðslu, nægri atvinnu og aukinni kaupgetu, með öðrum
orðum, stefnu efnahagslegra og félagslegra framfara í hverju landi.
Þetta er hin framsækna efnahagsstefna er verkalýðssamband
Ítalíu hefur fylgt síðan á þingi sínu í Genua 1949, er það lagði
fram áætlun sína um efnahagslega viðreisn, áætlun sem tekið
var með fögnuði af meginhluta þjóðarinnar. Á grundvelli þessarar
áætlunar um efnahags- og félagslegar framfarir hefur CGIL
leitt baráttu verkalýðsins síðastliðin 4 ár, með góðum árangri.
Þessir árangrar hafa aukið styrk sambandsins og áhrif og gert
því mögulegt að sameina verkalýðínn og aðra alþýðu til stærri
átaka en við höfum áður þekkt.
Þessi barátta fyrir efnahagslegri og félagslegri endurreisn Italíu
hefur átt sínar hetjur og krafizt sinna fórna. Fjöldi verkamanna og
bænda hafa látið líf sitt og frelsi vegna þátttöku í þeirri baráttu.
Hinir látnu í Modena og hinir hugprúðu bændur í Melissa
cg Fucino héruðunum, sem hnigu í valinn í baráttu sinni fyrir
jarðnæði, gleymast ekki. Baráttan hefur verið hörð en árangurs-
rík. Vitanlega hafa orðið mistök og misheppnaðar aðgerðir, en
útkoman er ítalska verkalýðnum til sóma. Við viljum miðla
verkalýð annarra landa af hinni dýrmætu reynslu okkar, svo
að þeir geti hagnýtt hana eftir því sem við á á hverjum stað.
Þess vegna mun ég, með ykkar leyfi, nefna nokkur dæmi um það
hvernig við í Ítalíu höfum tekið á málunum og hverjum árangri
við höfum náð. En áður en ég sný mér að því, vil ég fara frekar
út í áhrif alþjóðlega hringavaldsins á efnahagslíf hinna einstöku
landa og hin geigvænlegu áhrif þess á afkomu verkalýðsins.
Áhrifin af stefnu hringavaldsins
Við höfum dregið fram hin neikvæðu áhrif hringavaldsins á
efnahagslíf auðvaldsríkjanna, nýlendnanna og hálfnýlendnanna,