Réttur - 01.08.1953, Qupperneq 80

Iimlend víðsjá
eftir IiR'S'NJÓLF BJARNASON
Andstaðan gegn hernáminu.
Árið 1953 hefur mjög mótast af vaxandi andstöðu Is-
lendinga gegn hernáminu. í öllum flokkum hafa verið uppi
háværar kröfur um brottför hersins og ekki sízt meðal
bænda. Þetta hefur sett svip sinn á alla stjórnmálabaráttu
landsins. Nokkrir menn höfðu um skeið gefið út blaðið
„Frjáls þjóð“, sem fyrst í stað var helgað andstöðunni
gegn hernáminu. En brátt færðust umráðin yfir blaði
þessu í hendur manna, sem hugðust að gera tilraun til að
hagnýta sér hina vaxandi sjálfstæðishreyfingu meðal þjóð-
arinnar í annarlegum tilgangi. Þessir menn boðuðu til
flokksstofnunar seint í apríl, til þess að geta tekið þátt í
alþingiskosningunum, er fyrir dyrum stóðu. Stefna hins
nýja flokks var andstaða gegn hernáminu og að öðru
leyti næsta furðulegur samtíningur úr ýmsum áttum. Jafn-
framt hóf blaðið „Frjáls þjáð“ hatursfullar árásir gegn
löndum sósíalismans og Sósíalistaflokknum, mjög í anda
hernámsflokkanna. Þannig hugðust þeir að gera hvort-
tveggja í senn: hagnýta sér í flokkslegum tilgangi and-
stöðu fólksins gegn ameríska hernum og kaupa sér frið
við hernámsflokkanna með því að taka undir þann áróður
þeirra og álygar, sem þeir nota til að réttlæta hernámið.
Einlægir andstæðingar hernámsins úr öllum flokkum
höfðu þá haft í undirbúningi að boða til ráðstefnu allra
hernámsandstæðinga til þess að sameina þá í baráttunni
án tillits til skoðanaágreinings um önnur mál. Til þessarar
ráðstefnu var boðað í Reykjavík dagana 5—7 maí. Voru