Réttur - 01.08.1953, Side 87

RÉTTUR
223
sem stúdentar hafa lengst af haldið í heiðri. Viðbrögð
Morgunblaðsins voru táknræn, en það birti fréttina af
þessum atburðum undir fyrirsögninni: Kommúnistar ein-
ráðir í Háskólanum. Þetta framtak stúdentanna er eitt
gleggsta merkið um hina vaxandi andstöðu gegn hernám-
inu og spáir góðu um það, að brátt muni takast að skapa
víðtæka einingu í þjóðfrelsisbaráttunni, þrátt fyrir
skemmdarverk sundrungaraflanna.
Sjálf hátíðahöldin tókust þó ekki eins vel og vonir stóðu
til. Prófessorarnir Jóhann Sæmundsson og Guðmundur
Thoroddsen héldu ræður. Ræða Guðmundar var ágæt, en
ræða Jóhanns var í engu samræmi við það inntak, sem
stúdentar höfðu ákveðið, að dagurinn skyldi hafa.
Sjómannaverkfall.
21. nóv. var haldin sjómannaráðstefna í Reykjavik til
þess að ræða sameiginlegar aðgerðir í kjaramálum báta-
sjómanna. Mættir voru fulltrúar nær 20 sjómannafélaga.
Samþykkt var einróma ályktun þess efnis, að gera þá
kröfu að fiskverð til sjómanna á næstu vertíð skyldi ákveð-
ið kr. 1.30 og hafið verkfall um áramót til þess að fá þeiri’i
kröfu framgengt, ef ekki tækjust samningar fyrir þann
tíma. Skyldu sjómannafélögin öll hafa samstöðu í þeirri
baráttu og kaus ráðstefnan 8 manna nefnd til að hafa með
höndum stjórn baráttunnar og fara með samninga fyrir
hönd félaganna allra. Að öðru leyti skyldu hin einstöku
félög fara með kjaramál sín, enda er allmikill munur á
kjarasamningum og aðstæðum á hinum ýmsu stöðum.
Sjómenn rökstuddu kröfur sínar með þeirri alkunnu
staðreynd, að kjör þeirra eru svo bágborin og ótrygg að
erfitt er að fá menn á bátana, ef nokkura viðunandi vinnu
er að fá í landi. Hinsvegar er fiskverð það, sem sjómönn-
um hefur verið greitt langt undir raunverulegu verðmæti,
óhemju fjárhæðir fara í milliliðagróða, en við það bætist
að sjómenn hafa aldrei fengið eyrisvirði af bátagjaldeyr-