Réttur - 01.11.1965, Qupperneq 60

268
RETTUR
stefnu, að verkamenn skuli settir skör lægra hvað laun og hlunnindi
snertir en aðrar þjóðfélagsstéttir.
Þá er og lenging á greiðsluskyldu atvinnurekenda í veikinda- og
slysatilfellum stórt skref í þá átt að skapa daglaunafólki einnig í
þeim efnum nokkurt jafnrétti á við annað vinnandi fólk. Mikilvægt
er í þessu sambandi að svo er kveðið á, að um greiðslur í þessum
efnum skuli að öllu leyti fylgt sömu reglum og lögin, sem til er vísað,
kveða á um.
Framangreind þrjú meginatriði samninganna eru öll með þeim
hætti, að ekki er eins auðvelt að gera þau að engu heldur en t. d.
tilsvarandi beinar kauphækkan.ir, þau eru með öðrum orðum varan-
Iegri. Og það eru einmitt þessi meginatriði samninganna, sem liggja
til grundvallar því áliti höfundar þessara lína, að þessir samningar
séu í röð merkari samninga verkalýðshreyfingarinnar. Þá er og
þess að geta, eins og raunar kemur fram áður, að hér er um að ræða
kjaraatriði, sem margar stéttir höfðu fyrir og verður því stórum
mun erfiðara að velta af fullum þunga út í verðlagið en ella. Meiri
Iíkur eru sem sé til þess, að kjarabætur samnings þessa verði varan-
legri en oft endranær.
Hér verða ekki raktar einstakar taxtabreytingar, en ýmsar þeirra
eru mikilvægar. Heldur ekki ýmsir sérsamningar, en í þeim mörgum
hverjum, hefur náðst umtalsverður árangur.
Freistandi væri að rekja að nokkru ýmis ákvæði samninganna,
sem óhreyfð voru og það fáránlega og furðulega misræmi, sem
þannig skapaðist, en það yrði til muna of langt mál. Dæmi um þetta
er að samið var um allt að 15 ára starfsaldurshækkanir fyrir bíl-
stjóra hjá olíufélögum og að auki verulega kauphækkun, en ger-
samlega þvertekið fyrir samsvarand,i breytingar hjá nokkrum öðr-
um bifreiðastjórum!!! Hverju þjónar svona vitleysa? Hvers vegna
Ieggja forsvarsmenn atvinnurekenda svo mikið upp úr að hafa
slikar endileysur í samningum? Tæplega í þeim tilgangi að gera
samninga varanlega. Sú þröngsýni sem hér liggur að baki kemur
engum frekar i koll en atvinnurekendum sjálfum.
Af slíkum endileysum er nokkuð í samningnum, endileysum sem
Vinnuveitendasambandið hélt í dauðahaldi og hótaði að stöðva
alla samningsgerð frekar en að slétta hnökrana.
Ríkisstjórn og atvinnurekendur ósammóla?
Forsvarsmenn atvinnurekenda fóru ekki dult með, að þeir töldu
sig hafa orðið að ganga að dýrum samningum þann 9. júlí, og