Réttur - 01.11.1965, Page 64

272
RÉTTUR
væri æskilegt að gera. Bein fyrirheit eða loforð um framkvæmdir
eru ekki umfram það, að gerð verði tilraun til að flytja síld af
fjarlægum miðum til 9Öltunar á Norðurlandi. Var togarinn Þor-
steinn Þorskabítur útbúinn til að annast slíka flutninga og mun sú
tilraun hafa sýnt, að fullkomlega er framkvæmanlegt, — bvað
geymsluþol síldarinnar snertir, ef vandlega er um búið, að flytja
hana langa leið ísaða til söltunar og frystingar.
Ekki verður annað sagt, en að það sé undarleg stjórn mála hjá
ríkisstjórn, að horfa á það án minnstu tilburða til úrbóta, að at-
vinnumál heils landsfjórðungs fari í þvílíkt kaldakol af orsökum,
sem engum verður um kennt, að til landauðnar horfi, og verkalýðs-
samtökin telji sér óhjákvæmilegt að taka málið upp við gerð al-
mennra samninga um kaup og kjör verkafólks.
Yfirlýsing ríkisstjórnarinnar varðandi atvinnumálin á Norður-
landi verður tæpast valdandi mikilla þáttaskila í þeim efnum, en þó
skiptir mestu hversu á málum verður haldið og vissulega gæti
árangur orðið mik.il! ef meiri hluti þess, sem er á minnst yrði að
veruleika.
Yfirlýsing um húsnæðismól.
Yfirlýsing ríkisstjórnarinnar um húsnæðismál var samin af
nefnd, sem í áttu sæti af hálfu Alþýðusambandsins Hannibal Valde-
marsson forseti þess, Guðmundur J. Guðmundsson og Óskar Hall-
grímsson og af hálfu ríkisstjórnarinnar Jóhannes Nordal, Eggert
G. Þorsteinsson og Þorvaldur Garðar Kristjánsson.
Því er lýst yfir að haf.izt verði handa um byggingu hagkvæmra
íbúða fyrir láglaunafólk og verði í því skyni byggðar 250 íbúðir
árlega á árunum 1966—1970.
Bygging þessara íbúða verði boðin út og á þann hátt m. a. tryggt,
að sem hagkvæmust vinnubrögð verði viðhöfð, ennfremur að við
gerð þessara íbúða verði fjöldaframleiðsla nýtt svo sem frekast er
kostur og á þennan veg og með ýmsum öðrum hætti reynt að stór-
lækka byggingarkostnað.
Veitt verði lán til a. m. k. 33 ára fyrir 80% af kostnaðarverði
íbúðanna, en 20% kostnaðarverðsins verði greidd þannig, að árið
áður en eigandi flytur inn greiðir hann 5% og síðan 5% á ári í
næstu 3 ár. Fyrst þegar þessari greiðslu er lokið, hefst greiðsla
vaxta og afborgana af h.inum lánunum.
Gert er ráð fyrir að Reykjavíkurborg fái til ráðstöfunar 50 af