Réttur - 01.01.1980, Qupperneq 41

ÁRNI BJÖRNSSON:
SÖGUBROT AF
HERNÁMSANDSTÖÐU
í vor eru liðin 40 ár síðan ísland var fyrst hernumið. í þessari grein verður drepið á
það andóf íslendinga gegn erlendri hersetu og íhlutun, sem síðan hefur farið fram.
Áhersla verður þó fremur lögð á baráttuna utan sala Alþingis en innan, því að þær
heimildir eru geymdar í Aiþingistíðindum og að nokkru í flokksmálgögnum frá sama
tíma. Þær eru því tiltölulega aðgengilegar, þótt baktjaldamakk sé að vísu óvíða skráð.
Það skal einungis áréttað, að á þeim vettvangi voru sósíalistar sífellt drifkrafturinn,
ekki síst í baráttunni gegn sofandahættinum, þótt einstakir þingmenn annarra flokka
legðu oft hönd á plóginn, einkum fyrsta hálfan annan áratuginn. Á það í fyrstu við um
nokkra Sjálfstæðisþingmenn af gamla skólanum, en síðan einkum hluta Framsóknar-
flokksins og svo Þjóðvarnarflokkinn meðan hann átti tvo menn á þingi 1953—56. Fæst-
ir og linastir í andófinu voru eðli sínu samkvæmt þingmenn Alþýðuflokksins.
41