Réttur - 01.01.1988, Blaðsíða 4

undirbúningshópsins, þingmanninum
norska, Gretu Knudsen: „Á Norræna
kvennaþinginu sýnum við raunveruleik-
ann að baki goðsögnum um jafnrétti
kynjanna. Við sýnum daglegt líf kvenna,
og það sem er meira um vert, orðum
drauma okkar og framtíðarsýn um sam-
félag með manneskjulegu svipmóti þar
sem konur fá einnig notið sín. Á kvenna-
þinginu gefum við okkur tíma til að rækta
vináttu og vera með öðrum konum og
það veitir sjálfsvitund og styrk til að tak-
ast á við hversdagslífið."
Fyrirkomulag þingsins:
Eins og áður hefur komið fram þá
verður þingið með svipuðu sniði og hlið-
arráðstefnurnar þrjár. Fæstar íslenskar
konur áttu þess kost að sækja þær svo við
erum litlu nær með þá vitneskju. Hins
vegar vitum við að þingið verður haldið á
háskólasvæðinu í Blindern í Osló og að
innihaldið ræðst af framlagi þátttakenda.
Það er sem sagt hugmyndaflug kvenn-
anna sjálfra sem ræður því hvort vel tekst
til, en þær hafa fullkomið frelsi til að
standa fyrir: vinnubásum, kynningum,
vinnu í starfshópum, yfirheyrslum, mál-
stofum, fyrirlestrum, sýningum, leikhúsi,
söng, hljóðfæraslætti, bíósýningum, videó-
sýningum, dansi o.s.frv. Það er pláss fyrir
fjölmargar uppákomur samtímis. Uppá-
komur geta verið afar formlegar ef slíkt
hentar, t.d. kynning á starfsemi virðu-
legra fjölmennra kvennasamtaka eða afar
óformlegar t.d. úttekt nokkurra kvenna á
t.d. konum og kímni. Þrjár ömmur geta
sem best tekið sig saman og kynnt hvað
ömrnur geta lagt af mörkum gegn kjarn-
orkuógnuninni. Slík hugmynd hefur
reyndar þegar komið fram. Þingið verður
jafn skemmtilegt og þær konur sem þar
mæta og mikilvægt er að uppákomur og
kynningar verði sem allra fjölbreyttastar.
Hvaða konur eiga erindi á þingið?
Það eiga allar konur erindi á Norræna
kvennaþingið. Hér á íslandi settum við
okkur í upphafi það markmið að 200 ís-
lenskar konur gerðu innrás í Osló, bæði
konur sem eru almennir þátttakendur og
konur sem verða með framlag. Nú í byrj-
un mars þegar rúmur mánuður er enn eft-
ir af þeim fresti sem gefinn er til að til-
kynna þátttöku hafa á þriðja hundrað
konur skráð sig.
Lögð hefur verið áhersla á að hvetja
þær konur sérstaklega til þátttöku sem
venjulega eiga þess ekki kost að sækja
þing í útlöndum. Við vitum hins vegar að
það er langt frá því að konur tilheyri há-
launafólki landsins og þess vegna hefur
verið lögð áhersla á að styrkja sem flestar
konur til fararinnar og ná góðum samn-
ingum um ódýra ferðamöguleika og gist-
ingu.
4