Réttur - 01.01.1988, Blaðsíða 11

ERLA SIGURÐARDÓTTIR:
Lífskjör
grænlenskra kvenna
í Danmörku
Grænlcnskar konur missa forræði yfir börnum sínum þegar þær skilja við
danska menn sína. Orð þessi eru ekki gripin úr sögu gamalla og liðinna tíma
heldur eru þau skrifuð á því herrans ári 1988. Þegar forræðismál koma fyrir
danska dómstóla fellur dómur svo til undantekningalaust karlinum í hag.
Saga samskipta Grænlendinga og vest-
rænnar menningar, aðallega í líki danskra
nýlenduherra hefur verið langt frá því
átakalaus. Hvernig þúsund ára gömul
menning hefur orðið að lúta í lægra haldi
fyrir hinum eina og sanna boðskap kristni
og vestrænnar menningar, — hann er einnig
oft kallaður „framfarir“. Grænlendingar
hafa nú haft heimastjórn í tæpan áratug en
enn er langt í land hvað sjálfstæði snertir.
Örin eru mörg og illlæknanleg. Stórt ljón
á veginum er fáfræði sú, afskiptaleysi og
fordómar sem ríkja meðal margra Dana
enn í dag.
Hér á eftir verður greint frá smákafla
úr þeirri sögu. Meðal annars frá vandræð-
um grænlenskra kvenna sem skilja við
danska eiginmenn sína. I öllum þeim til-
vikum þar sem forræðismál dansks karl-
manns og grænlenskrar konu hafa farið
fyrir dómstóla hefur karlinn fengið for-
ræði yfir börnum þeirra hjóna. Fyrsta
undantekningin hér á varð ekki fyrr en
árið 1987. í grein þessari verður aðallega
stuðst við ritgerð sem félagsráðgjafa-
nemar við „Den sociale Höjskole“ í
Kaupmannahöfn hafa unnið.
Mynd tekin á Christianshavns
Torv í Kaupmannahöfn.
Ljósm.: Laurí Dammert.