Réttur - 01.01.1988, Blaðsíða 5

Fjölmörg sveitarfélög hafa ákveðið að
styrkja konur frá sér, á sama hátt munu
ýmis verkalýðsfélög veita styrki og fé-
lagsmálaráðherra lagði fram 200 þús. kr.
sem stofngjald í ferðasjóð, sem nú er
safnað fé í. Markmiðið með ferðasjóðn-
um er að styrkja þær konur sérstaklega
sem hvergi fá styrk annars staðar frá.
Lögð er rík áhersla á það hér heima að
málakunnátta er engin forsenda þess að
hægt sé að taka þátt í Norræna kvenna-
þinginu.
Við höfum fengið fjármagn til að
greiða túlkum og íslenskur blaðamaður
mun skrifa á íslensku í þingtíðindin, sem
gefin verða út daglega. Við ætlumst líka
til þess að þær íslenskar konur sem tala
eitthvert Norðurlandamálanna aðstoði
þær sem ekki tala þau.
Framlag íslenskra kvenna á
þinginu
Við fengum 100 tíma til ráðstöfunar
fyrir okkar framlög. Nú er Ijóst að við
munum nýta þann tíma algjörlega. 5
myndlistarkonur hafa tilkynnt um að þær
muni sýna verk sín. Verk tónskáldanna
okkar kvenkyns þeirra Jórunnar Viðar,
Karólínu Eiríksdóttur og Mistar Þorkels-
dóttur verða flutt af fimm tónlistarkon-
um. Sýnd verður ný kvikmynd Steinunn-
ar Jóhannesdóttur, sem María Kristjáns-
dóttir leikstýrir. Guðrún S. Friðbjörns-
dóttir söngkona verður með Grieg tón-
leika. Kvenréttindafélagið, Kvenfélaga-
sambandið, Kvennaathvarfið, Kvenna-
ráðgjöfin, Kvennalistinn, Vera blað
kvennabaráttu, Alþýðubandalagskonur,
Alþýðufiokkskonur, Framsóknarkonur,
Sjálfstæðiskonur, konur í ASÍ, BSRB
sem vilja frið á jörð, verða með uppá-
komur svo eitthvað sé nefnt. Það er því
ljóst að framlag íslenskra kvenna verður
afar fjölbreytt og athyglisvert.
Sérstaða íslenskra kvenna
Konur á íslandi hafa vakið heimsat-
hygli fyrir samtakamátt sinn. Kvennafrí-
dagarnir 24. október 1975 og 1985 heppn-
uðust betur en nokkur þorði að vona.
Konur lögðu niður vinnu og sýndu svo
ekki varð um villst að þjóðfélagið verður
óstarfhæft ef starfskrafta okkar nýtur
ekki við. Ætla mætti af þessu að við stæð-
um mun betur að vígi hvað jafnrétti varð-
ar en konur annars staðar. Svo er því
miður ekki. Sem dæmi um launamisrétti
má nefna að hæstum meðaltekjum
kvenna ná ógiftar konur á aldrinum 25-39
ára og samsvara þær meðaltekjum 60-64
ára ókvæntra karla en ná hvorki meðal-
tekjum 65-69 ára kvæntra karla né 20-24
ára karla.
Við getum því aldeilis ekki haldið að
okkur höndum þegar blásið er til sameig-
inlegs norræns kvennaþings. Við höfum
margt af kynsystrum okkar á hinum
Norðurlöndunum að læra og teljum okk-
ur líka hafa heilmikið til málanna að
leggja.
5