Morgunblaðið - 17.06.2006, Blaðsíða 37

MORGUNBLAÐIÐ LAUGARDAGUR 17. JÚNÍ 2006 37
DAGLEGT LÍF Í JÚNÍ
Þegar þetta tækifæri komupp í hendurnar á okkur,að kaupa húsið, ákváðumvið að láta slag standa því
heilsárshótel hefur aldrei áður verið
rekið á Dalvík og það vantaði til-
finnanlega,“ segir Reynald Jónsson
sem opnaði nýtt hótel á Dalvík í
byrjun júní ásamt Sigurði bróður
sínum. Hótelið er rekið í húsi sem
var byggt á níunda áratugnum og
var áður heimavist Dalvíkurskóla.
Bræðurnir keyptu húsið af ríkinu
í febrúar síðastliðnum og hófu strax
á því gagngerar breytingar. „Húsið
var alveg tekið í gegn og allt end-
urnýjað. Við bræðurnir erum mjög
stoltir því þetta er nú orðið glæsi-
legt lítið hótel sem fékk nafnið Hót-
el Sóley.“
Sóley er fyrsta fullbúna hótelið í
Dalvíkurbyggð. Þar eru 25 tveggja
manna herbergi með snyrtingu,
sjónvarpi og öðru tilheyrandi og
veitingasalur, þar sem fjallahringur
Svarfaðardals blasir við út um
glugga. „Við ætlum ekki að vera
sjálfir með kokk og það er aðeins
opið fyrir hópa sem panta með fyr-
irvara. Maturinn verður keyptur af
verktaka sem fær aðstöðu í eldhús-
inu. Við förum eins gætilega í þetta
og hægt er á meðan við erum að
átta okkur á þessu,“ segir Reynald
og bætir við að á veggjum hótelsins
hangi myndir frá Dalvík fyrr á ár-
um úr safni Jóns Þ. Baldvinssonar
áhugaljósmyndara og gefi þær
staðnum sérstakt og skemmtilegt
yfirbragð.
Þýskur hótelstjóri bankaði uppá
Aðspurður afhverju Sól-
eyjarnafnið varð fyrir valinu á hót-
elið segir Reynald að það sé bara
nefnt eftir blóminu sóley. „Þetta er
hlýtt og fallegt nafn sem lætur mjög
vel í munni á erlendum tungum. Svo
er húsið gult að utan eins og sóley.“
Bræðurnir höfðu aldrei komið ná-
lægt hótelrekstri áður og voru því
mjög ánægðir þegar þýski hótelrek-
starfræðingurinn Claudio Wabner
bankaði uppá hjá þeim og bauð
fram krafta sína. „Wabner bjó í
Svarfaðardalnum í þrjú sumur og
tók miklu ástfóstri við hann. Hann
lærði hótelrekstarfræði í Þýska-
landi og starfaði um árabil á ferða-
skrifstofu sem á og rekur 15 hótel
þar í landi. Hann kom aftur til Ís-
lands og ætlaði að taka við ein-
hverju hóteli en það datt uppfyrir. Í
leiðinni heimsótti hann kunningja
sinn í Svarfaðardalnum og frétti þar
að við værum að byggja hótel svo
hann leit inn til okkar og við réðum
hann á staðnum og nú hefur hann
keypt sér hús á Dalvík.“ Reynald
segir Wabner ekki hafa sett neinn
þýskan blæ á hótelið en hann hafi
samt fengið að vera með í ráðum og
lítist vel á, hann er eini fastráðni
starfskrafturinn þeirra.
Sumarið að komast á skrið
Reynald og Sigurður hafa á
prjónunum frekari framkvæmdir
við uppbyggingu hótelsins. Áformað
er að fjölga gistiherbergjunum og
hugmyndir eru einnig uppi um að
byggja 150-200 manna veislu- og
ráðstefnusal við húsið. „Við erum
með stóra lóð og ætlum að reyna að
byggja ráðstefnusal við því hann er
nauðsynlegur ef reka á hótel allt ár-
ið.“
Talsvert er um bókanir á Sóley í
sumar, meðal annars hafa nokkrir
hópar boðað komu sína í júní og júlí.
Fyrsti hópurinn, fjörtíu manns frá
Þýskalandi, kom strax um þjóðhá-
tíðarhelgina. Þá eru væntanlegir
gestir Dalvíkinga á Fiskideginum
mikla í ágúst farnir að bóka gist-
ingu. „Það er nokkuð vel bókað hjá
okkur í sumar m.v að við vorum að
opna. Við erum samt mikið að stíla
allt inn á næsta sumar en þá verð-
um við komin á skrið, það tekur
svolítinn tíma að kynna sig,“ segir
Reynald og bætir við að þeir bræð-
urnir séu miklir bjartsýnismenn og
trúi ekki öðru en að þetta muni
ganga vel.
Reynald og Sigurður eru báðir
fæddir og uppaldir á Dalvík. „Sig-
urður býr þar ennþá en ég hef búið
á höfuðborgarsvæðinu seinustu fjör-
tíu ár. Ég ber samt mjög sterkar
taugar til staðarins og er þar mik-
ið.“
Íbúar Dalvíkur hafa tekið þessari
framkvæmdargleði bræðrana vel og
eru almennt sammála um að slíkt
hótel hafi vantað í bæinn.
Að sögn Reynalds stendur Hótel
Sóley á fallegum stað í Dalvík þar
sem Svarfaðardalurinn blasir við út
um alla glugga og sundlaugin og
skíðabrekkan eru í göngufæri.

FERÐALÖG | Bræðurnir Reynald og Sigurður Jónssynir opna Hótel Sóley á Dalvík
Vantaði heilsárshótel
Sigurður Jónsson, Claudio Wabner hótelstjóri og Reynald Jónsson.
Hótel Sóley á Dalvík er gult og glæsilegt.
Eftir Ingveldi Geirsdóttur
ingveldur@mbl.i s
TENGLAR
.....................................................
www.hotel-soley.com
Góð gisting í Kaupmannahöfn
Hótel í miðbænum. Snyrtileg herbergi. 295 danskar kr.
fyrir manninn í 2ja manna herb. með wc og sturtu.
Tökum einnig á móti hópum.
Løven Hotel, Vesterbrogade 30, DK-1620 Cph. V.
Sími +45 33 79 67 20.
www.loeven.dk • loeven_bb@hotmail.com
Flogið verður til höfuðborgar Þýskalands, Berlínar og ekið áfram til
Dresden þar sem gist er í 3 nætur. Í Dresden er mikið af sögu-
frægum byggingum og þar verður einnig hægt að kynnast þjóðar-
broti, Sorbum, sem búa á þessu svæði, en sérstætt tungumál þeirra
og menning á í vök að verjast. Eftir áhugaverðar skoðunarferðir í
Dresden er haldið aftur til Berlínar, þar sem gist er í 4 nætur, en
leiðin þangað liggur í gegnum Speewald, þar sem upplagt er að fara
í skemmtilega bátsferð frá Lubbenau. Skoðunarferð um Berlín, til
Potsdam og Stettin í Póllandi.
Fararstjóri: Auður Gunnarsdóttir
Verð: 97.460 kr. Örfá sæti laus!
Sumar 11
Dresden-Berlín -Pólland
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
24. - 31. ágúst
Sp
ör
-
Ra
gn
he
ið
ur
In
gu
nn
Ág
ús
ts
dó
tti
r
SMS FRÉTTIR
mbl.is