Morgunblaðið - 04.11.2006, Blaðsíða 4

4 LAUGARDAGUR 4. NÓVEMBER 2006 MORGUNBLAÐIÐ
FRÉTTIR
HRAFN Jökulsson hóf þriðja skákmaraþon sitt í
Kringlunni kl. 9 í gærmorgun. Ætlun hans er að tefla
250 skákir á 40 klukkustundum og lýkur skákmaraþon-
inu væntanlega síðdegis í dag. Tilgangurinn er að
safna fyrir starfi Hróksins á Grænlandi.
Í gær atti Hrafn kappi við ýmsa þekkta einstaklinga.
Meðal annarra Unni Birnu Vilhjálmsdóttur fegurðar-
drottningu, Björn Inga Hrafnsson borgarráðsformann,
Steingrím J. Sigfússon, formann VG, Árna Gunnars-
son, forstjóra Flugfélags Íslands, og Einar S. Ein-
arsson, fyrrverandi forseta Skáksambandsins.
Hægt er að fylgjast með maraþoninu á heimasíðu
Hróksins (www.hrokurinn.is) og einnig bloggar Hrafn
á milli skáka (www.tulugaq.blog.is/blog/hj2006).
Morgunblaðið/RAX
Skákmaraþon í Kringlunni
STJÓRN Snæfells, félags smábáta-
eigenda á Snæfellsnesi, mótmælir
harðlega ákvörðun sjávarútvegs-
ráðuneytisins um að heimila flott-
rollsveiðar á grunnslóð við Snæfells-
nes. Stjórnin segir að ákvörðun
ráðuneytisins sé „innrás á viðkvæmt
lífríki Breiðafjarðar. Með henni sýn-
ir ráðuneytið lítilsvirðingu við þau
sjónarmið sem sjómenn við Breiða-
fjörð hafa haft þ.e. að Breiðafjörður
sé griðland fyrir skaðræðisveiðafær-
um sem engu eira líkt og flottroll.“
Þá er ráðuneytið átalið fyrir að
hunsa tilmæli Hafrannsóknastofn-
unar og heimila veiðarnar án alls eft-
irlits um borð.
„Nú ætla þeir að leyfa þeim að
fara með flottroll að veiða síld ekki
nema 1,3 sjómílur hér frá nesinu,“
sagði Alexander Kristinsson, for-
maður Snæfells. Hann sagði að til
þessa hefði mátt nota flottrollið fyrir
utan 12 mílurnar og síldin hefði hörf-
að undan stórvirkum veiðiskipum
nær landi. Alexander sagði smábáta-
sjómenn óttast mest þau áhrif sem
flottrollin hefðu á viðkvæmt lífríki
Breiðafjarðar.
Mótmæla
flottrolls-
veiðum
Svæði opnað við
Snæfellsnes
LÖGREGLAN í Reykjavík handtók
bílaþjóf í gærkvöldi en hann reyndi
að stinga lögregluna af þegar hún
ætlaði að hafa hendur í hári hans.
Þjófurinn lét sig hverfa inn í ný-
byggingu í Borgartúni og með að-
stoð leitarhunds fann lögreglan
manninn sem hafði reynt að fela sig
með því að hnipra sig saman í loft-
ræstistokki í kjallara bygging-
arinnar.
Að sögn lögreglu hófst málið með
þeim hætti að eigandi stolnu bif-
reiðarinnar, sem er staddur erlend-
is, lét vita að debetkort sem var í
bílnum hefði verið notað. Í fram-
haldinu kom í ljós að umræddri bif-
reið hefði verið stolið fyrir nokkr-
um dögum. Þjófurinn hafði því
bæði tekið bifreiðina ófrjálsri hendi
og notað debetkortið sem hann
fann í henni, auk þess sem hann
hafði skipt um númeraplötu á bif-
reiðinni. Komst lögreglan svo á
hæla þjófsins í gærkvöldi þegar
hann lenti í árekstri við leigubifreið
við Háteigsveg skömmu fyrir kl. 20.
Bílaþjófur
faldi sig í
loftræstistokki
TVÆR rjúpnaskyttur, sem leitað
hafði verið frá því klukkan 16 í
gær, fundust heilar á húfi í gær-
kvöldi, að sögn lögreglunnar á
Blönduósi. Fundust mennirnir í
Sauðadal, sem er milli Svínadals og
Vatnsdals, klukkan 21.20. Sjö
björgunarsveitarbílar voru kallaðir
út til leitar á svæðinu.
Mennirnir voru í slagtogi með
tveimur öðrum rjúpnaskyttum en
þeir ákváðu að skipta liði. Þeir ætl-
uðu svo að hitta félaga sína aftur
við bæinn Hrafnbjörg í Svínadal
klukkan 16. Þeir skiluðu sér hins
vegar ekki sökum þess að þeir
týndu áttum í þokuslæðingi. Menn-
irnir voru kaldir og hraktir en heil-
ir á húfi að sögn lögreglu.
Rjúpnaskyttur
heilar á húfi
LÖGREGLAN á Selfossi rannsakar
nú innbrot í félagsheimilið á Flúð-
um en þar var farið inn í fyrrakvöld
eða fyrrinótt og stolið verðmætum.
Þegar að var komið klukkan átta í
gærmorgun voru þrjár fartölvur
horfnar auk skjávarpa, mynd-
bandsupptökuvélar og peninga.
Ljóst er að farið hafði verið inn í
húsið baka til og hlutirnir teknir. Í
húsinu átti grunnskólinn á Flúðum
nokkra þá muni sem voru teknir.
Brotist inn
á Flúðum
FRYSTITOGARINN Kleifaberg
frá Ólafsfirði fékk heillegt tund-
urdufl í trollið þar sem skipið var
að veiðum á Þverálshorni, um 40
sjómílur norður af Straumnesi.
Skipverjar höfðu samband við
Vaktstöð siglinga upp úr klukkan
fjögur á föstudagsmorgun og til-
kynntu að þeir hefðu fengið tund-
urdufl. Togarinn hélt þegar til Ísa-
fjarðar og tveir sprengjusér-
fræðingar Landhelgisgæslunnar
komu vestur um hádegisbil. Þá beið
Kleifabergið átekta í mynni Skut-
ulsfjarðar.
Björgunarskip Slysavarnafélags-
ins Landsbjargar á Ísafirði, Gunnar
F. Friðriksson flutti sprengjusér-
fræðingana um borð í togarann.
Samkvæmt upplýsingum Landhelg-
isgæslunnar gekk vel að gera tund-
urduflið óvirkt. Að því loknu fékk
Kleifabergið að koma til hafnar.
Tundurduflið var síðan flutt upp á
Breiðadalsheiði þar sem sprengi-
efninu var eytt.
Trausti Kristinsson, skipstjóri á
Kleifabergi ÓF, sagði að skipverj-
um hefði ekki verið mjög brugðið
við þennan óvænta meðafla. „Þeir
hafa séð svona áður. Þetta kemur
með nokkurra ára millibili.“
Fékk tundurdufl í trollið
Tundurduflinu
eytt á Ísafirði
Morgunblaðið/Halldór Sveinbjörnsson
Duflið gert óvirkt Sprengjusérfræðingar gæslunnar komu á vettvang.
TVÖ nýleg dæmi eru um atvik þar sem saklaust
fólk hefur verið fengið til þess að taka þátt í pen-
ingaþvætti þegar það taldi sig vera að sinna ný-
fengnu starfi fyrir erlent fyrirtæki í gegnum net-
ið. Ríkislögreglustjóri telur ástæðu til að vara
fólk sérstaklega við atvinnutilboðum við mark-
aðsverkefni og sölumennsku í gegnum netið.
Um er að ræða þekkta aðferð þar sem reynt er
að nota saklaust fólk til að koma illa fengnu fé
undan, og geta viðkomandi einstaklingar lent í
verulegum óþægindum vegna málsins, auk þess
sem þeir geta orðið fyrir fjárhagslegu tjóni. Í til-
kynningu frá ríkislögreglustjóra segir að ef fólk
taki þátt í viðskiptum af þessu tagi þegar því
megi vera ljóst að þarna liggi sviksemi að baki
kunni það að baka sér refsiábyrgð fyrir liðveislu í
auðgunarbroti, eða fyrir að hafa tekið þátt í að
þvætta peninga.
Í tilkynningu frá ríkislögreglustjóra kemur
fram að atvinnutilboðin bjóðist víða í Evrópu um
þessar mundir, en í raun sé um tilraun til fjár-
svika að ræða með aðstoð þeirra sem sækja um
starf. Boðin eru störf við markaðsverkefni eða
sölumennsku á netinu, og notuð nöfn fyrirtækja
sem þekkt eru víða um heim.
Þeir sem setja sig í samband við hina fölsku
vinnuveitendur fá gjarnan þær upplýsingar að í
boði sé föst þóknun, frá 15 evrum á tímann og allt
að 2.000 evrur á viku, auk 5–8% þóknunar af sölu.
Beðnir að áframsenda fé
Þegar atvinnutilboðinu hefur verið tekið er nýi
starfsmaðurinn beðinn um að tilgreina banka-
reikning svo hægt sé að opna fyrir viðskiptin. Í
kjölfarið er, án frekari skýringa, lagt inn nokkurt
fé á reikninginn, og getur upphæðin numið
nokkrum tugum þúsunda króna. Starfsmaðurinn
er beðinn að senda upphæðina áfram, oftast
tveimur eða fleiri, að frádreginni 5% þóknun.
Gefnar eru lágmarksupplýsingar um viðtakanda,
og peningarnir eru sendir með órekjanlegum
bankafærslum.
Skömmu eftir að viðskiptin hafa átt sér stað
hefur svo bankinn sem sendi peningana nýja
starfsmanninum samband, og krefst endur-
greiðslu þeirrar fjárhæðar sem lögð var inn á
reikninginn. Þá hefur komið í ljós að peningarnir
voru afrakstur auðgunarbrots.
Varað við peningaþvætti
Fólk sem telur sig vera að sækja um starf sem fara á fram í gegnum netið gæti
í raun verið að taka þátt í peningaþvætti með því að koma illa fengnu fé undan
Í HNOTSKURN
»Svindlið hefst með því að fólk sækir umstarf við markaðsverkefni og sölustörf í
gegnum netið, gjarnan hjá því sem virðist
vera þekkt fyrirtæki í Evrópu.
»Fólkið fær svo upphæð inn á reikningsinn sem það er beðið um að millifæra
áfram.
»Þegar það er gert kemur í ljós að pen-ingarnir voru afrakstur auðgunarbrots.