Morgunblaðið - 04.11.2006, Blaðsíða 21
MORGUNBLAÐIÐ LAUGARDAGUR 4. NÓVEMBER 2006 21
Eftir Davíð Loga Sigurðsson
david@mbl.is
TVÆR palestínskar konur týndu lífi
þegar ísraelskir hermenn hófu að
skjóta á hóp kvenna sem safnast
hafði saman við mosku í Beit Hanoun
á Gaza-svæðinu í því skyni að aðstoða
vopnaða vígamenn við að komast
undan, en Ísraelsher hafði setið um
moskuna í tæpan sólarhring. Tals-
menn Ísraelshers sögðu hermenn
hafa orðið að skjóta af byssum sínum
þegar vígamenn, sem földu sig meðal
kvennanna, skutu á þá.
Ísraelsher hefur síðustu þrjá dag-
ana staðið fyrir aðgerðum í Beit
Hanoun með það að markmiði að
stöðva eldflaugaárásir palestínskra
vígamanna á gyðingaþorp í nágrenn-
inu, Sderot og Ashkelon.
Meira en 20 Palestínumenn höfðu
fallið í bardögum síðan á miðvikudag,
auk eins ísraelsks hermanns.
Veittu vígamönnum vernd
Vopnaðir Palestínumenn leituðu
skjóls í moskunni í Beit Hanoun á
fimmtudag, en flestir munu hafa til-
heyrt vopnuðum armi Hamas-sam-
takanna, sem fer fyrir palestínsku
heimastjórninni. Umkringdu ísr-
aelskir brynvagnar moskuna undir-
eins og skiptust menn svo á skotum í
alla fyrrinótt. Í gærmorgun beittu
Ísraelar svo jarðýtum gegn mosk-
unni, í því augnamiði að þvinga víga-
mennina til að gefast upp. Um það
leyti flykktust hins vegar um 100 pal-
estínskar konur á staðinn eftir að út-
varpsstöð hafði hvatt þær til að koma
mönnunum til aðstoðar. Hugðust
þær mótmæla aðgerðum Ísraela og
aðstoða Palestínumennina í mosk-
unni við að komast undan á flótta.
„Við hættum lífi okkar til að frelsa
syni okkar,“ hafði AFP-fréttastofan
eftir Um Mohammed, palestínskri
konu á fimmtugsaldri. „Við fórum inn
í moskuna og umkringdum and-
spyrnumennina í því skyni að vernda
þá, “ sagði önnur kona, Nidaa al-
Radih.
Hlupu konurnar með mennina sín í
millum út úr bænum og voru ísr-
aelsku hermennirnir ekki nógu
margir á vettvangi til að fá rönd við
reist. Tvær konur týndu þó lífi þegar
Ísraelarnir skutu á hópinn, eins og
áður sagði. Ismail Haniya, forsætis-
ráðherra heimastjórnarinnar, vottaði
konunum virðingu sína. Hvatti hann
Kofi Annan, framkvæmdastjóra
Sameinuðu þjóðanna, til að koma á
vettvang og verða sjálfur vitni að
„drápum á palestínskum borgurum“.
Umsátri lýkur með skothríð
AP
Vildu mótmæla Palestínskar konur á leið til moskunnar í Beit Hanoun í
gærmorgun. Ísraelskir hermenn hófu seinna skothríð á kvennahópinn.
Í HNOTSKURN
»Ísraelsher réðist inn áGaza-svæðið á miðvikudag
í því augnamiði að stöðva eld-
flaugaárásir á ísraelska bæi.
Bæði Mahmoud Abbas, forseti
Palestínumanna, og Ismail
Haniya forsætisráðherra hafa
lýst aðgerðunum í Beit Han-
oun sem fjöldamorði.
» Ísraelskir hermenn hand-tóku húsnæðismálaráð-
herra palestínsku stjórnar-
innar í Ramallah.
Washington. AFP. | Bandarísk stjórn-
völd eru sögð hafa sett á netið írösk
gögn sem útskýra hvernig eigi að
búa til kjarnorkusprengju. The New
York Times sagði frá þessu í gær.
Embættismenn Alþjóðakjarn-
orkumálastofnunarinnar munu hafa
kvartað við Bandaríkjamenn yfir því
að nokkurt magn skjala er tengjast
tilraunum Íraka á níunda áratugnum
til að koma sér upp kjarnorku-
sprengju hefði verið sett á netið. Þar
væri að finna kort, stærðfræðijöfnur
og ýmislegt annað sem þarf til að
búa til sprengju.
Vefsíðunni lokað á fimmtudag
Bandarísk stjórnvöld settu mikið
magn íraskra skjala á netið í mars í
þeirri von að áhugasamir gætu farið í
gegnum þau og þannig aðstoðað við
að greina þau, en ljóst var að túlkar
bandarískra stjórnvalda myndu
aldrei komast yfir verkefnið einir og
sér. Vefsíðunni var lokað á fimmtu-
dag, eftir að New York Times spurð-
ist fyrir um umrædd gögn.
Settu gögn
um kjarna-
vopn á netið
Taipei. AFP, AP. | Saksóknarar á Taív-
an hafa lagt fram ákæru á hendur
eiginkonu Chen Shui-bian, forseta
Taívans, en hún er sökuð um spill-
ingu ásamt þremur aðstoðarmönn-
um forsetans. Saksóknarar segjast
jafnframt hafa næg sönnunargögn í
höndunum til að ákæra einnig Chen
sjálfan, en hann nýtur hins vegar
friðhelgi sem forseti Taívans og
verður því ekki ákærður fyrr en
hugsanlega eftir að hann víkur úr
forsetastóli.
Wu Shu-chen, eiginkona Chens, er
sökuð um að hafa lagt fram falsaðar
nótur í því skyni að fá greidda reikn-
inga úr ríkissjóði vegna útgjalda
sinna. Er það niðurstaða saksóknar-
anna að Wu og þrír aðstoðarmenn
forsetans hafi með gjörðum sínum
svikið ríflega 30 milljónir íslenskra
króna út úr ríkissjóði á tímabilinu
júlí 2002 til mars 2006.
Mun Wu hafa svikið út peninga
vegna kostnaðar við kaup á dem-
antshringum og ýmsum öðrum varn-
ingi sem ætlaðir voru syni hennar,
dóttur, tengdasyni og barnabörnum.
Saksóknarar
yfirheyrðu Chen
forseta tvívegis
og eiginkonu
hans einu sinni á
meðan á fjögurra
mánaða langri
rannsókninni
stóð. Hjónin neita
því að hafa gerst
brotleg við lög en
þrýstingur hefur hins vegar aukist
jafnt og þétt á Chen að hann segi af
sér embætti. Chen hefur hins vegar
sagt, að hann hyggist sitja út seinna
kjörtímabil sitt á forsetastóli, en því
lýkur í maí 2008.
Leiðtogi taívönsku stjórnarand-
stöðunnar, Ma Ying jeou, fór fram á
tafarlausa afsögn Chens í gær eftir
að greint var frá því að Wu hefði ver-
ið ákærð. „Chen hefur glatað trausti
fólksins og virðingu,“ sagði Ma, sem
einnig er borgarstjóri í Taipei.
„Chen getur ekki veitt þessu landi
forystu eða komið fram fyrir hönd
Taívans á erlendri grundu [við þess-
ar aðstæður],“ sagði hann einnig.
Afsagnar forseta
Taívans krafist
Ákæra um spillingu hefur verið gefin
út á hendur eiginkonu Chens Shui-bian
Chen Shui-bian
Indlandi. AP. | Lögreglumaður í Bihar
í norðausturhluta Indlands var
vægast sagt undrandi þegar hann
fann út að þriggja mánaða drengur
var ákærður vegna ráns í stræt-
isvagni.
Að sögn lögreglu var strætis-
vagnabílstjóri rændur í þorpinu
Muzaffarpur fyrir skömmu og kærði
hann atvikið. Rannsókn málsins
dróst en þegar hún hófst á dögunum
kom í ljós að feðgar voru ákærðir um
verknaðinn. Þriggja mánaða son-
urinn var ákærður fyrir rán, fjár-
kúgun og stigamennsku.
Lögreglan brást skjótt við og sak-
aði strætisvagnabílstjórann um að
hafa blandað barninu í málið vegna
persónulegrar óvildar milli hans og
föðurins. Í kjölfarið var ákæran
gegn stráknum látin niður falla.
Þriggja mánaða barn
ákært fyrir rán í strætó
Reuters
Gleði Smábörn eru almennt þekkt
fyrir annað en gripdeildir.