Morgunblaðið - 04.11.2006, Page 20
20 LAUGARDAGUR 4. NÓVEMBER 2006 MORGUNBLAÐIÐ
ERLENT
Eftir Baldur Arnarson
baldura@mbl.is
GEORGE W. Bush Bandaríkjafor-
seti ferðaðist um miðvesturríkin í
gær og studdi þannig við bakið á
frambjóðendum repúblikana á loka-
spretti kosningabaráttunnar fyrir
þingkosningarnar sem fram fara á
þriðjudag. Kom forsetinn við í Iowa
og Missouri þar sem þingsæti
flokksbræðra hans eru í hættu meðal
annars vegna óánægju kjósenda með
gang mála í Írak.
„Við munum vinna sætin til öld-
ungadeildarinnar og fulltrúardeild-
arinnar. Og við munum sigra í kosn-
ingunum vegna þess að við skiljum
gildismat [...] bandarísku þjóðarinn-
ar,“ sagði Bush við stuðningsmenn
sína í Montana á fimmtudag.
Frambjóðendur keppast nú hver
við annan um að koma skilaboðum
sínum á framfæri í yfir 600 nýjum
sjónvarpsauglýsingum um helgina.
Mikil umræða um forskot demó-
krata í könnunum á síðustu vikum
vék fyrir helgi fyrir umfjöllun um
mismæli demókratans og öldunga-
deildarþingmannsins John Kerry á
mánudag, þegar hann gaf í skyn að
þeir sem ekki eru iðnir við námið
gætu átt á hættu að „festast í Írak“.
Repúblikanar tóku þessum mis-
mælum sem himnasendingu eftir
svartsýnistón í þeirra herbúðum en
margt bendir til að þau hafi nú þegar
fallið í skuggann af nýju hneykslis-
máli í röðum kristinna íhaldsmanna,
einhvers mikilvægasta kjósenda-
hóps flokksbræðra Bush forseta.
Sakaður um kaup á vændi
Þannig sagði Ted Haggard, leið-
togi bandarísku evangelistasamtak-
anna (NAE), sem hafa yfir 30 milljón
safnaðarmeðlimi vestanhafs, af sér
formennsku á fimmtudag vegna
ásakana um að hafa keypt sér blíðu
karlmanns. Málið hefur valdið gríð-
arlegu fjaðrafoki en Haggard hefur
meðal annars unnið að stefnumótun
með starfsfólki Hvíta hússins.
Haggard, sem er giftur fimm
barna faðir, er þannig sakaður um að
hafa átt mök við karlmann gegn
gjaldi mánaðarlega síðustu þrjú ár-
in. Haggard hafnar ásökunum alfar-
ið en hefur engu að síður hætt að
prédika á meðan málið er í rannsókn.
Spilaði upptöku af samtölum
Haggard-hneykslið má rekja til
þess að Mike Jones, 49 ára gamall
samkynhneigður maður, ákvað að
koma á framfæri upplýsingum um
meint kaup trúarleiðtogans á kyn-
lífsþjónustu sinni vegna afstöðu
samtaka hans til samkynhneigðra.
Sjónvarpsstöðin KUSA-TV, sem er
tengd NBC-stöðinni, hefur spilað
upptökur af meintum samtölum
þeirra, þar sem Haggard er sagður
spyrja Jones hvort þeir geti komið á
ástarfundum gegn greiðslu.
Bush reynir að hífa
upp fylgi repúblikana
Í HNOTSKURN
»Haggard er einn valdamestileiðtogi evangelista.
»Á þriðjudaginn verður kosið íátta ríkjum um hvort banna
eigi hjónabönd samkynhneigðra.
»Þetta er annað áfallið fyrirkristna íhaldsmenn eftir að
þingmaðurinn Mark Foley sagði
af sér þingmennsku vegna óeðli-
legra samskipta við vikapilta.
George W. Bush Ted Haggard
Napólí. AFP. | Ríkisstjórn Romanos
Prodis, forsætisráðherra Ítalíu, er
nú undir vaxandi þrýstingi vegna
glæpaöldu í Napólíborg sem hefur
þegar kostað 12 manns lífið og alls 75
mannslíf á árinu. Stjórnarandstaðan,
með Silvio Berlusconi í broddi fylk-
ingar, hefur verið harðorð og sakað
stjórnina um að bera ábyrgð á of-
beldinu með því að veita þúsundum
fanga lausn eftir að hún komst til
valda.
Prodi brást við ásökunum á
fimmtudag með því heita þjóðarátaki
til að binda endi á ofbeldið. Við sama
tækifæri lýsti hann því hins vegar yf-
ir að ekki yrði gripið til þess ráðs að
senda herinn inn í borgina að sinni.
„Enginn skilur hvað er að gerast,
af hverju hlutirnir versna svona
hratt,“ sagði Tonia Valvano, íbúi í
borginni, í samtali við AFP-frétta-
stofuna. „Ég hef búið í Napólí í 40 ár
og aldrei upplifað slíka spennu.“
Eins og fyrr segir liggur Prodi
undir ámæli hægrimanna eftir að
stjórn hans sleppti 24.000 dæmdum
sakamönnum úr fangelsi í sumar til
að draga úr miklum þrengslum í
ítölskum fangelsum. Er talið að
rekja megi hrinu ofbeldisverka í
Napólí til þessarar ákvörðunar, en
um 2.700 þessara fanga eru ýmist
búsettir í borginni eða nágrenni.
Á hinn bóginn hefur stjórn Prodis
ákveðið að senda á annað þúsund
lögreglumenn til suðurhluta borgar-
innar í næstu viku til viðbótar við þá
þrettán þúsund sem fyrir eru til að
koma í veg fyrir frekari ofbeldisverk.
Þrátt fyrir að í það minnsta níu
þeirra sem hafa týnt lífi í Napólí að
undanförnu hafi verið á meðal þeirra
fanga sem fengu lausn hefur Prodi
lýst því yfir að „engin sönnun liggi
fyrir um tengsl“ þar á milli.
Gríðarlegt atvinnuleysi
Atvinnuleysi í Napólí var 17 pró-
sent í fyrra samanborið við 7,7 pró-
senta atvinnuleysi á landsvísu. Þar
af voru 40 prósent ungmenna á aldr-
inum 15 til 24 ára án vinnu í borginni
miðað við 24 prósent í öllu landinu.
Mafían er sögð hafa mikil ítök í Nap-
ólí og innheimta allt að 86.000 kr.
„verndarþóknun“ frá verslunum,
gjald sem er þrefalt hærra þegar um
stórmarkaði og smáfyrirtæki er að
ræða. Nemur veltan milljörðum.
Blóðugt mafíustríð
úti á götum Napólí
Prodi neitar að
senda herinn í
borgina að sinni
AP
Sorg Ættingjar manns sem var myrtur í Napólí í vikunni bera kistu hans.
Bagdad. AFP. | Lögregluyfirvöld í
Bagdad tilkynntu í gær að þau
hefðu fundið lík 56 manna á víð og
dreif um borgina en hinir látnu
voru allir karlar á aldrinum 20 til
45 ára. Á sama tíma tilkynnti
Bandaríkjaher að hann hefði fellt
13 hryðjuverkamenn í átökum í
bænum Mahmudiyad suður af höf-
uðborginni við byggingar þar sem
fannst nokkuð magn sprengiefna.
Fimm bandarískir hermenn til
viðbótar féllu á fimmtudag og hafa
nú alls 2.822 úr þeirra röðum týnt
lífi frá upphafi innrásarinnar í Írak
í marsmánuði 2003.
Herinn í viðbragðsstöðu
John Negroponte, yfirmaður
leyniþjónustustofnana Bandaríkj-
anna, kom í óvænta heimsókn til
Íraks í gær, þar sem hann hitti að
máli Nuri al-Maliki, forsætisráð-
herra landsins. Ræddu þeir m.a. um
leiðir til að efla íraska herinn en al-
Maliki hefur lofað Bandaríkjastjórn
að Írakar verði í stakk búnir til að
taka við stjórn öryggismála í land-
inu innan sex mánaða. Íraski her-
inn er nú í viðbragðsstöðu vegna
þess að á morgun mun falla dómur í
réttarhöldunum yfir Saddam Huss-
ein, fyrrverandi forseta landsins.
„Allir starfsmenn hersins eru í við-
bragðsstöðu. Leyfi þeirra hafa ver-
ið afturkölluð og við erum viðbúnir
hugsanlegu neyðarástandi,“ sagði
Ibrahim Shaker, talsmaður íraska
varnarmálaráðuneytisins, í gær.
Er búist við að kveðinn verði upp
dauðadómur yfir Saddam fyrir
fjöldamorð á sjítum.
Tugir líka fundust í Bagdad
MÓTMÆLANDI býr sig undir að
kasta Molotov-kokkteil þar sem bif-
reið öryggisfyrirtækis stendur í
ljósum logum fyrir utan tæknihá-
skóla í Aþenu í gær. Óeirðalögregla
beitti táragasi á óeirðaseggi, á
sama tíma og fram fór friðsöm mót-
mælaganga 9.000 háskólanema,
barna á skólaaldri og kennara.
Námsmenn styðja kröfur kenn-
ara um launahækkun en mótmælin
hafa staðið yfir í tvo mánuði.
AP
Stúdentaóeirðir í Aþenu