Morgunblaðið - 16.11.2006, Qupperneq 10

10 FIMMTUDAGUR 16. NÓVEMBER 2006 MORGUNBLAÐIÐ
ALÞINGI
Eftir Örnu Schram
arna@mbl.is
ÞINGMENN úr öllum flokkum
hvöttu til þess á Alþingi í gær að gert
yrði ráð fyrir lengingu flugbrautar-
innar á Akureyrarflugvelli í nýrri
samgönguáætlun. Sturla Böðvars-
son samgönguráðherra tók hins veg-
ar fram að lenging flugbrautarinnar
kostaði 500 milljónir kr. og að hún
yrði ekki hrist fram úr erminni núna.
„Vilji minn er vissulega til staðar um
það að við endurskoðun á samgöngu-
áætluninni verði þetta verkefni tekið
til þeirrar skoðunar sem nauðsyn-
legt er að gera, og helst af öllu að
gera ráð fyrir framkvæmdum í sam-
gönguáætlun. Til þess stendur vilji
minn,“ sagði ráðherra.
Kristján L. Möller, þingmaður
Samfylkingar, gerði aðstæður á flug-
vellinum á Akureyri að umtalsefni í
upphafi þingfundar á Alþingi í gær.
Tilefnið var sú ákvörðun forráða-
manna Iceland Express að hætta
millilandaflugi félagsins frá Akur-
eyrarflugvelli. Birgir Jónsson, fram-
kvæmdastjóri flugfélagsins, hefur
sagt að til þess að hægt sé að halda
uppi millilandaflugi frá Akureyri að
vetrarlagi þurfi að lengja flugbraut-
ina, bæta aðflugsskilyrði og fleira.
Kristján kallaði eftir því að úr
þessu yrði bætt og það sama gerðu
aðrir þingmenn sem til máls tóku.
Brýnt væri að jafna aðstæður fólks
úti á landi við það sem gerðist á höf-
uðborgarsvæðinu. Ráðherra ítrekaði
hins vegar að þetta yrði ekki hrist úr
erminni núna. Þingmenn yrðu að líta
á þetta mál af raunsæi.
Hvetja til þess að
flugbrautin verði lengd
Í HNOTSKURN
»Þingmenn úr öllum flokk-um hvöttu til þess á Al-
þingi í gær að flugbrautin á
Akureyrarflugvelli yrði lengd,
svo hægt yrði að halda þar
uppi millilandaflugi á veturna.
»Samgönguráðherra sagðiað lenging brautarinnar
yrði ekki hrist fram úr erm-
inni núna. Verkefnið kostaði
um 500 milljónir.
GUÐJÓN Sigurðsson, formaður MND-félagsins, fylgdist
með umræðum á Alþingi í gær um málefni MND-
sjúklinga. Fram kom í máli Guðjóns Ó. Jónssonar, Fram-
sóknarflokki, að um fimm til sex sjúklingar greindust
hér á landi með MND á ári hverju. Heilbrigðisráðherra
kvað eðlilegt að þeim yrði boðin öndunarvélaþjónusta.
Morgunblaðið/Kristinn
Fylgist með umræðunum
SIV Friðleifsdóttir, heilbrigðis- og
tryggingamálaráðherra, sagði á Al-
þingi í gær að eðlilegt væri að bjóða
upp á öndunarvélaþjónustu fyrir
MND-sjúklinga og aðra sem lent
hefðu í slysum eða glímdu við fram-
sækna taugasjúkdóma.
Þetta kom fram í svari ráðherra
við fyrirspurn Guðjóns Ó. Jónssonar,
þingmanns Framsóknarflokks. Siv
sagði að samtök MND-sjúklinga
hefðu unnið að málinu í góðri sam-
vinnu við yfirvöld og kvaðst telja að
undirbúningur væri nokkuð langt á
veg kominn.
Guðjón sagði að MND-sjúkdómur
væri alvarlegur sjúkdómur, sem
hefði það í för með sér að vöðvar
sjúklingsins rýrnuðu og öndunar-
færi lömuðust. Sem betur fer væri
sjúkdómurinn þó ekki algengur en
hér á landi greindust um fimm til sex
sjúklingar á ári hverju. Kvaðst þing-
maðurinn telja að öndunarvélaþjón-
usta myndi létta þessum sjúklingum
lífið. Undir það tók ráðherra. Slík
þjónusta væri í boði í nágrannalönd-
um okkar og vilji væri til þess að
bjóða það sama hér á landi.
Öndunar-
vélaþjón-
usta eðlileg
BJÖRN Bjarnason dómsmálaráð-
herra útilokaði það ekki í um-
ræðum á Alþingi í gær að starfsemi
flugdeildar Gæslunnar yrði flutt á
Keflavíkurflugvöll.
„Ég hef ekki sett það í sjálfu sér
sem neitt forgangsmál varðandi
Landhelgisgæsluna að flytja starf-
semi hennar frá Reykjavíkur-
flugvelli eða brjóta hana þannig
upp að hún verði á fleiri stöðum á
landinu.“ Það væri seinni tíma mál,
þegar búið væri að koma starfsem-
inni í öruggt horf.
Útilokar ekki
flutning
„HEIMILD til hlerunar jafngildir
því ekki að sími sé hleraður,“ sagði
Björn Bjarnason dómsmálaráðherra
á Alþingi í gær. Tilefnið var fyrir-
spurn Kristins H. Gunnarssonar,
þingmanns Framsóknarflokks, um
það hvort og þá hvaða símar alþing-
ismanna hefðu verið hleraðir fyrir
atbeina íslenskra stjórnvalda.
Kristinn vitnaði til erindis Guðna
Th. Jóhannessonar sagnfræðings á
söguþingi í vor. Í því kom fram að
dómsmálaráðuneytið fékk alls átta
sinnum heimild hjá sakadómara, á
árunum 1949 til 1968, til að hlera
síma, vegna sex aðskilinna tilvika.
Fram kom í erindinu að heimildirnar
hefðu m.a. náð til síma alþingis-
manna. Kristinn vildi m.a. vita hvaða
alþingismenn það hefðu verið.
Björn Bjarnason vísaði í svari sínu
til þess að nefnd hefði, skv. ályktun
þingsins, verið skipuð af forsætis-
ráðherra í vor, sem annast á skoðun
gagna sem snerta öryggismál Ís-
lands á árunum 1945–1991 í vörslu
opinberra aðila og ákveða frjálsan
aðgang fræðimanna að þeim.
„Ég er þeirrar skoðunar að þessi
mál séu í réttum farvegi og að slíkum
sagnfræðilegum rannsóknum sé
best komið fyrir hjá fræðimönnum,“
sagði ráðherra og bætti því við að
hann væri sömu-
leiðis þeirrar
skoðunar að öll
opinber gögn
ættu að vera að-
gengileg. Hann
benti hins vegar á
að einkalífshags-
munir og al-
mannahagsmunir
tækjust á, þegar
tekin væri
ákvörðun um það hvort birta ætti
gögn um símhleranir. Hann sagði að
flestir sæju það í hendi sér að ótækt
væri að yfirvöld hefðu frumkvæði að
því að greina opinberlega frá nöfnum
þeirra sem þar kæmu við sögu.
Þingmenn Samfylkingarinnar
átöldu, í umræðum sem á eftir komu,
ráðherra fyrir að svara ekki fyrir-
spurninni. Mörður Árnason, Sam-
fylkingu, sagði m.a. að allir þeir
hagsmunir sem hér kæmu við sögu,
væru almannahagsmunir.
Björn Ingi Hrafnsson, varaþing-
maður Framsóknarflokks, tók hins
vegar upp hanskann fyrir ráðherra
og sagði spurningu fyrirspyrjanda
stjórnast af löngun til þess að kom-
ast í fjölmiðla. Því vísaði Kristinn á
bug. Það væri skylda ráðherra að
upplýsa um þessi mál.
Heimild jafngild-
ir ekki hlerun
Björn
Bjarnason
Vilja vita meira um hleranir
FULLTRÚAR
þriggja flokka í
utanríkismála-
nefnd áttu í gær-
morgun fund með
Myriam Shomrat,
sendiherra Ísr-
aels gagnvat Ís-
landi og Noregi.
Steingrímur J.
Sifgússon, fulltrúi
Vinstri grænna í
nefndinni, sat fundinn og segir að á
honum hafi mönnum gefist tækifæri
til þess að koma sínum sjónarmiðum
á framfæri og hafi sendiherrann
svarað fyrir.
Steingrímur segir Jón Kristjáns-
son, Framsóknarflokki, sem er vara-
formaður nefndarinnar, hafi sett
fundinn. Hann hafi rifjað upp yfirlýs-
ingu stjórnvalda sem utanríkisráð-
herra hafi fært henni og lýst yfir
stuðningi við hana fyrir sína hönd og
síns flokks. Þvínæst hafi Shomrat
flutt ræðu um stöðu mála og hafi ís-
lensku fundarmennirnir ekki komist
að fyrr en um það leyti sem fund-
inum átti að vera lokið og hafi fund-
urinn af þeim sökum dregist. „Ég
gerði henni skilmerkilega grein fyrir
því að við teldum að Ísrael væri kom-
ið út á háskaleg braut og væri sekt
um alvarleg brot á alþjóðalögum.“
Hefði hann vísað til fjöldamorða í
Beit Hanun og notkun Ísraela á
klasasprengjum og öðrum vopnum.
Ísrael komið
á háskalega
braut
Steingrímur J.
Sigfússon
♦♦♦