Morgunblaðið - 17.12.2006, Blaðsíða 1

STOFNAÐ 1913 343. TBL. 94. ÁRG. SUNNUDAGUR 17. DESEMBER 2006 PRENTSMIÐJA MORGUNBLAÐSINS mbl.is
Metsölulisti Mbl. 14. des.
Barnabækur
1.
sæti
Hressilegar sögur og
bráðfyndnar myndir gera
Fíusól að eftirlæti
íslenskra bókaorma ár
eftir ár.
DRAUMLYNDI
HANNES PÉTURSSON SEGIR M.A. FRÁ HEIM-
SÓKN TIL DAVÍÐS STEFÁNSSONAR >> 28
7
dagar
til jóla
Eftir Ólaf Þ. Stephensen
olafur@mbl.is
DÖNSK stjórnvöld eru ekki líkleg
til að bjóða fram viðlíka framlag til
varna Íslands og Norðmenn hafa
gert, í viðræðum við Íslendinga um
varnar- og öryggismál sem hefjast
í Kaupmannahöfn á morgun. Danir
benda hins vegar á að samstarf
Danmerkur og Íslands, ekki sízt á
sviði landhelgisgæzlu, sé mikið og
gott og á því megi byggja. Dönsk
varðskip og flugvélar séu nú þegar
mikið á ferðinni við Ísland.
Norðmenn hafa boðið upp á að
Orion-eftirlitsflugvélar þeirra taki
af og til á sig sveig til vesturs á
eftirlitsferðum sínum og fylgist
þannig einnig með hafsvæðinu við
Ísland.
Danskir embættismenn benda
hins vegar á að danskar Challeng-
er-eftirlitsvélar fljúgi nú þegar
framhjá Íslandsströndum og milli-
lendi stundum á Íslandi. Þessar
vélar fljúga t.d. 350 flugtíma á ári
vegna eftirlits í grænlenzku lög-
sögunni einni.
„Bæði á sjó og í lofti eigum við
marg oft leið framhjá Íslandi
vegna verkefna okkar á Grænlandi
eingöngu,“ segir Jens H. Garly,
skrifstofustjóri þeirrar skrifstofu
danska varnarmálaráðuneytisins
sem skipuleggur aðgerðir herafl-
ans. „Með þessari nærveru getum
við hjálpað til við umhverfiseftirlit
og einnig bara með því að vera á
svæðinu, geta séð hvað er að ger-
ast og haft eftirlit með því. Þetta
er hluti af samstarfi, sem gengur
vel.“
„Eigum oft leið framhjá“
Eftirlitsflugvélar og skip Dana eru oft við Ísland nú þegar

Hvað gera Danir nú? | 24–25
Bagdad. AFP, AP. | Sáttaráðstefna á vegum
ríkisstjórnar Íraks hófst í Bagdad í gær og
sóttu hana hundruð fulltrúa. Talsmenn
stjórnarinnar sögðu að þ.á m. væru fyrrver-
andi liðsmenn Baath-flokks Saddams Huss-
eins og nokkurra vígasveita sem berjast
gegn Bandaríkjamönnum.
„Íraski herinn er opinn liðsforingjum og
hermönnum gamla hersins sem vilja þjóna
landi sínu,“ sagði forsætisráðherra Íraks,
Nuri al-Maliki. Hann sagði að gerður væri
greinarmunur á þeim sem ekki væru með
„blóðflekkaðar hendur“ og hinna sem hefðu
framið „andstyggilegustu glæpina“ gegn
þjóðinni í tíð Saddams. Þeir sem ekki yrðu
teknir í herinn myndu fá eftirlaun.
Dagblaðið The New York Times segir að
líkur séu á því að George W. Bush forseti
ákveði að senda fleiri hermenn til Íraks og
er rætt um a.m.k. 20.000 manns. Hefði for-
setinn þegar beðið herráðið að kanna málið.
Reuters
Írak Nuri al-Maliki forsætisráðherra.
Reynt að
ná sáttum
Eftir Andra Karl
andri@mbl.is
KARLMAÐUR á þrítugsaldri lést eftir að bifreið
hans valt út af Álftanesvegi við Selskarð á fyrsta
tímanum aðfaranótt laugardags. Talið er að til-
drög slyssins megi rekja til hálku á veginum. Það
sem af er desember hafa fjórir látið lífið í umferð-
inni og er þetta þriðja helgin í röð sem banaslys
verður.
Maðurinn sem var einn á ferð var á vesturleið
þegar hann missti stjórn á bifreið sinni í beygju
með þeim afleiðingum að hún fór út af veginum,
valt nokkrar veltur og hafnaði á hvolfi utan veg-
ar.
Samkvæmt upplýsingum frá lögreglunni í
Hafnarfirði kom í kjölfarið upp eldur í bílflakinu
og brann maðurinn inni í flakinu. Ekki er unnt að
birta nafn hans að svo stöddu.
Að sögn lögreglu var aðkoman á vettvangi
skelfileg og byrja þurfti á að slökkva eldinn í bíln-
um. Loka varð Álftanesvegi í rúmar tvær klukku-
stundir á meðan lögregla og Rannsóknarnefnd
umferðarslysa (RNU) rannsökuðu vettvang.
Ekki liggur enn fyrir um nákvæm tildrög slyss-
ins en sem fyrr segir var hálka á veginum þegar
slysið varð. Lögreglan í Hafnarfirði og RNU sjá
um rannsóknina.
Ágúst Mogensen, forstöðumaður RNU, segir
árið í ár afar slæmt hvað alvarleg slys í umferð-
inni varðar en erfitt sé að draga fram einhlíta or-
sök þess. „Það má vissulega taka út þessa helstu
þætti eins og að ökumenn verði að draga úr hrað-
anum og miða akstur við aðstæður,“ segir Ágúst.
Þrjátíu manns hafa látist í umferðinni það sem
af er ári í 27 banaslysum.
Banaslys í umferðinni
þriðju helgina í röð
Morgunblaðið/Júlíus
Skelfileg aðkoma Eldur kom upp í bifreiðinni eftir að hún hafnaði utan vegar og þurftu slökkviliðsmenn að byrja á að ráða niðurlögum hans.
DANSKA blaðið Jyllandsposten og hluta-
bréfasérfræðingar hjá Dansk Aktie Ana-
lyse hafa að venju kjörið besta fjárfestinga-
sjóð ársins og að þessu sinni varð BG Invest
númer eitt, að sögn Jyllandsposten. Engir
verðbréfasérfræðingar starfa hjá sjóðnum.
Viðskiptin fara fram með þeim hætti að
félagar fjárfesta sjálfir með aðstoð netsins
en fá aðeins upplýsingar um gengi bréfanna
hjá sjóðnum. Ekki er um að ræða neina
stýringu á kaupunum af hálfu sjóðsins. „Það
er fyndið og umhugsunarefni að gengissjóð-
ur skuli sigra. En það merkir alls ekki að við
vísum á bug stýringu á verðbréfakaupum,“
segir forstjóri BG Invest, Carsten Koch.
Fjárfest án
sérfræðinga
♦♦♦