Morgunblaðið - 10.02.2007, Qupperneq 21

MORGUNBLAÐIÐ LAUGARDAGUR 10. FEBRÚAR 2007 21
ERLENT
Ramallah. AFP, AP. | Talið er að sam-
komulag helstu stjórnmálafylkinga
Palestínumanna, Fatah og Hamas,
beri ekki tilætlaðan árangur nema
Vesturlönd hætti að sniðganga
Hamas-hreyfinguna og fallist á að
veita heimastjórn Palestínumanna
fullan fjárhagsstuðning.
Mahmoud Abbas, forseti Palest-
ínumanna og leiðtogi Fatah, og Kha-
led Meshaal, leiðtogi Hamas, undir-
rituðu samkomulag um þjóðstjórn í
Mekka í fyrradag og vonast er til að
það verði til þess að átökum fylking-
anna ljúki. Átökin hafa kostað um
hundrað manns lífið síðustu tvo mán-
uði.
Einangrast Bandaríkjastjórn?
Palestínskir fréttaskýrendur
spáðu því að samkomulagið yrði til
þess að arabalönd og Evrópuríki
milduðu afstöðu sína til Hamas og
féllust á að veita palestínsku stjórn-
inni fullan fjárhagsstuðning. Þeir
sögðust hins vegar efast um að sam-
komulagið fullnægði skilyrðum
Bandaríkjamanna og Ísraela sem
hafa krafist þess að Hamas viður-
kenni tilvistarrétt Ísraelsríkis.
Í samkomulaginu er ekki skírskot-
að beint til Ísraelsríkis og Hamas
skuldbindur sig þar ekki til að virða
friðarsamninga Frelsissamtaka Pal-
estínumanna (PLO) við Ísraela. Þess
í stað hvetur Abbas Hamas-hreyf-
inguna til að virða friðarsamningana
í bréfi þar sem hann felur Meshaal
formlega að mynda þjóðstjórn.
Palestínskir fjölmiðlar fögnuðu
samkomulaginu og létu í ljós þá von
að það yrði til þess að Vesturlönd
hættu að sniðganga stjórn Palestínu-
manna.
Nokkrir palestínskir fréttaskýr-
endur sögðu að samkomulagið gæti
orðið til þess að samstaða Vestur-
landa rofnaði; afstaða Evrópuríkja
til Hamas yrði sveigjanlegri en Ísr-
aelar og Bandaríkjamenn einangr-
uðust í deilunni með því að halda til
streitu þeirri kröfu að Hamas við-
urkenndi tilvistarrétt Ísraels.
Bandaríkjastjórn kvaðst í gær
ekki ætla að taka afstöðu til sam-
komulagsins fyrr en hún hefur kynnt
sér það í smáatriðum. Bandarískir
embættismenn létu þó í ljósi áhyggj-
ur af því að mynduð yrði palestínsk
þjóðstjórn sem viðurkenndi ekki til-
vistarrétt Ísraels og hafnaði ekki of-
beldi.
Samstaða Vestur-
landa gæti rofnað
Í HNOTSKURN
» Ráðamenn í Evr-ópuríkjum fögnuðu sam-
komulagi leiðtoga Hamas og
Fatah í gær og sögðust vona
að það yrði til þess að átökum
hreyfinganna linnti.
» Utanríkisráðherra Bretasagði samkomulagið „mik-
ilvægt“ og franska stjórnin
hvatti til þess að Vesturlönd
styddu nýja þjóðstjórn Palest-
ínumanna. Utanríkisráðherr-
ar landa ESB ræða málið á
fundi á mánudag.
Hollywood. AP. | Móðir fyrirsætunnar
fyrrverandi og sjónvarpsstjörn-
unnar Önnu Nicole Smith kvaðst í
gær telja að hún hefði dáið af völd-
um taumlausrar lyfjaneyslu.
„Ég held að hún hafi tekið of
mörg lyf, alveg eins og Danny [son-
ur hennar sem dó tvítugur],“ sagði
móðirin, Vergie Arthur, í sjónvarps-
viðtali. „Ég reyndi að vara hana við
lyfjunum og fólkinu sem hún um-
gekkst. Hún hlustaði ekki.“
Lík Smith fannst á hótelherbergi í
Flórída í fyrradag. Krufning sem
gerð var í gærkvöldi leiddi að sögn
lækna ekki dánarorsökina í ljós,
ekki fundust nein lyf í maga hennar
og engin ólögleg lyf í herberginu.
Því var slegið föstu að ekki væru
neinir áverkar á líkinu sem gætu
skýrt lát Smith en talið er að það
geti tekið nokkrar vikur að finna
dánarorsökina.
Sonur Smith dó nokkrum dögum
eftir að hún ól dóttur, Dannielynn.
Deilt hefur verið um faðerni stúlk-
unnar. Lögmaðurinn Howard K.
Stern, síðasti unnusti Smith, er
skráður faðir stúlkunnar og hermt
er að hann hafi verið með henni á
hótelinu í Flórída þegar hún dó.
Fyrrverandi unnusti Smith, Larry
Birkhead, segist vera faðir stúlk-
unnar og hefur höfðað mál vegna
faðernisdeilunnar.
Rétta átti í málinu í Los Angeles í
gær og taka átti fyrir kröfu lögfræð-
ings Birkheads um að tekið yrði
DNA-sýni úr Smith.
Lögfræðingur Sterns sagði að sú
krafa væri óskiljanleg. „Það leikur
enginn vafi á því að hún er móðirin,“
sagði hann. „Hvers vegna þurfa þeir
þá að fá DNA-sýni úr henni?“
Fundu ekki dánarorsök
AP
Deilt um faðernið Anna Nicole Smith með dóttur sinni, Dannielynn Hope,
og unnustanum Howard K. Stern sem skráður er faðir stúlkunnar.
PALESTÍNUMENN fylgja særðum félaga sínum í sjúkra-
bíl í gamla borgarhlutanum í Ísrael í gær þegar hörð átök
blossuðu þar upp milli Palestínumanna og ísraelskra lög-
reglumanna.
Tugir Palestínumanna særðust í átökunum, en þau
hófust vegna uppgraftar sem Palestínumenn segja geta
veikt grunn al-Aqsa moskunnar, eins af helstu helgi-
stöðum múslíma.
Reuters
Tugir særast í Jerúsalem