Morgunblaðið - 24.02.2007, Qupperneq 20

20 LAUGARDAGUR 24. FEBRÚAR 2007 MORGUNBLAÐIÐ
ERLENT
Eftir Kristján Jónsson
kjon@mbl.is
BRETAR hafa nú alls um 5.000 her-
menn í Afganistan en hyggjast fjölga
um allt að 1.000 manns í liðinu á
næstunni, að sögn fréttavefjar
breska ríkisútvarpsins, BBC. Des
Browne varnarmálaráðherra stað-
festi þessi tíðindi í gær en gaf þó ekki
upp hve margir hermenn yrðu send-
ir á vettvang. Tony Blair forsætis-
ráðherra skýrði frá því í vikunni að
fækkað yrði í liðinu í Írak um 1.600
manns á næstu mánuðum og enn
meira síðar á árinu. Írakar hafa nú
þegar sjálfir tekið yfir öryggisgæslu
á hluta svæðisins sem Bretar önn-
uðust.
Talsmenn stjórnarandstæðinga í
Bretlandi fullyrða að breytingarnar
sýni að breski herinn sé nú svo fá-
mennur og aðþrengdur að Browne
hafi ekki átt annars úrkosti en fækka
í liðinu í og við Basra í Írak til að geta
staðið við fyrri loforð í janúar um að
auka framlagið til herliðs Atlants-
hafsbandalagsins, NATO, í Afganist-
an. Bretar hafi ekki burði til að
gegna hlutverki sínu á báðum stöð-
unum samtímis.
„Upprunalega var okkur sagt að
það væru engar ráðagerðir um að
fækka hermönnum í Írak til þess
eins að fjölga í Afganistan,“ sagði
talsmaður Íhaldsflokksins í varnar-
málum, Liam Fox. „Við vitum núna
að ríkisstjórnin er ekki eingöngu
vanhæf heldur er hún líka í grund-
vallaratriðum óheiðarleg.“ Fox sagði
ennfremur að fjölgunin í Afganistan
sýndi að Blair hefði mistekist að fá
bandamenn Breta í NATO til að axla
sinn hlut af byrðunum í Afganistan.
Þjóðverjar og
Frakkar gagnrýndir
„Of margir af evrópskum banda-
mönnum okkar nýta sér öryggis-
skuldbindingar NATO en láta
breska skattgreiðendur um að borga
kostnaðinn,“ sagði Fox.
Þjóðverjar, Frakkar, Ítalir og
Spánverjar hafa oft verið gagnrýnd-
ir fyrir að leggja ekki fram eðlilegan
skerf til baráttunnar gegn talibönum
sem hafa sums staðar gert harða
hríð að hermönnum NATO og sveit-
um stjórnvalda í Kabúl. Einkum hef-
ur verið fundið að því að þessar að-
ildarþjóðir hafi verið tregar til að
senda hermenn sína á helstu átaka-
svæðin í suðri þar sem talibanar eru
sterkastir.
Bandaríkjamenn, Bretar, Hol-
lendingar, Kanadamenn og Danir
hafa borið hitann og þungann af að-
gerðunum á þeim slóðum og Bretar
hafa að undanförnu endurskipulagt
liðsaflann í Afganistan til að hann
geti í enn meira mæli barist í hér-
aðinu Helmand þar sem mjög hörð
átök hafa geisað.
Yfirmenn breska hersins eru
sagðir hafa mælt með fjölgun í Afg-
anistan á kostnað liðsins í Írak. Hafi
röksemdirnar m.a. verið að auðveld-
ara væri að öðlast stuðning almenn-
ings í fyrrnefnda landinu en þá þyrfti
að vera nægilegur herafli til staðar
til að tryggja öryggi borgaranna.
Fjölgað verður í breska
herliðinu í Afganistan
Reuters
Reiðubúnir Hermenn úr liði Atl-
antshafsbandalagsins í Afganistan.
Bretar sagðir axla of þungar byrðar vegna sérhlífni evrópskra bandamanna
Í HNOTSKURN
»Tölur breska varn-armálaráðuneytisins í jan-
úar sýndu að herafla landsins
skorti um 5.000 liðsmenn upp
á þá 183.950 þjálfuðu hermenn
sem markmiðið var að væru í
öllu liðinu.
»NATO er nú með alls um35.000 manna herlið í Afg-
anistan, þar af um 5.000 Breta
sem hafa bækistöðvar í Helm-
and-héraði, í sunnanverðu
landinu. Þar eru um 60% af
ópíumframleiðslu Afgana.
BÖRN í Harare, höfuðborg Simbabve, safna saman því,
sem eftir er í brotnum eggjum á öskuhaug. Robert
Mugabe, frelsishetjan fyrrverandi og forseti landsins,
ætlar að fara að halda upp á 83 ára afmælið með pomp
og prakt en ríkið sjálft er í dauðateygjunum. Þriðj-
ungur landsmanna er flúinn og hundruð þúsunda hafa
veslast upp úr hungri í þessu landi, sem einu sinni var
eitt helsta kornforðabúrið í sunnanverðri Afríku.
AP
Simbabve á síðasta snúningi
LÆKNAR í Bretlandi segja að ekki
ætti að leyfa börnum að leika sér við
hunda án þess að einhver fullorðinn
sé nærstaddur, að sögn fréttavefjar
BBC í gær. Barnalæknirinn Rachel
Besser vill að hundaeigendur verði
skyldaðir til að sækja námskeið þar
sem þeir læri að stjórna dýrunum.
Læknar segja að fjöldi bitmála
hafi tvöfaldast síðustu 10 árin. Lið-
lega fimmti hver sem bitinn er af
hundi er barn innan við níu ára aldur
en alls var um 4.133 manns að ræða í
fyrra sem þurftu aðstoð vegna bits.
„Flest bit af hálfu hunda í heima-
húsum eiga sér stað þegar barn leik-
ur sér við hundinn án þess að einhver
fullorðinn fylgist með,“ sagði Besser.
„Við verðum að hætta að kenna
hundinum um og beina þess í stað at-
hyglinni að því hver heldur í ólina –
eða hver heldur ekki í ólina, sem
gæti verið tilfellið.“
Leiki sér
ekki ein
við hund
Fjöldi barna bitinn
ár hvert í Bretlandi
Sydney. AFP, AP. | Dick Cheney, vara-
forseti Bandaríkjanna, lýsti í gær yf-
ir áhyggjum af hernaðaruppbygg-
ingu Kínverja
sem hann sagði
vera í mótsögn
við yfirlýsingar
þeirra um að þeir
vilji eiga friðsam-
leg samskipti við
önnur ríki heims.
Cheney, sem
staddur er í opin-
berri heimsókn í
Ástralíu, lofaði
þátt Kínverja í samningum við N-
Kóreu.
„Kínverjar gera sér grein fyrir því
að kjarnorkuvædd Norður-Kórea er
ógn við þeirra eigið öryggi,“ sagði
Cheney en bætti því við að fram-
koma Kínverja í öðrum málum sendi
misvísandi skilaboð, m.a. tilraunir
með vopn í geimnum. Þá tók hann
undir það að rétt væri að hafa
ákveðnar efasemdir um að N-Kór-
eumenn myndu standa við hinn ný-
gerða samning. En Bandaríkja-
stjórn væri meðvituð um hættuna á
því og vissi hvað hún væri að gera.
Cheney
gagnrýnir
Kínverja
Segir þá tala um frið
en samt hervæðast
Dick Cheney
RÚSSLAND er ekki bein ógnun við
öryggi Noregs og nýtt, kalt stríð er
ekki að skella á en Norðmenn ætla
að efla varnir sínar í norðri, segir
varnarmálaráðherra Noregs, Anne-
Grete Strøm-Erichsen. Haft var eft-
ir henni á vefsíðu Aftenposten í gær
að vissulega væru Rússar orðnir
hvassyrtari en áður og Vladímír
Pútín Rússlandforseti væri ekkert
að skafa utan af hlutunum. En fólk
ætti ekki að flýta sér að draga álykt-
anir af þeim breytingum.
„Við sjáum ekki nýtt kalt stríð í
spilunum,“ sagði ráðherrann og vís-
aði til þess að aðstoðarforsætisráð-
herra Rússlands, Sergei Ívanov,
væri sömu skoðunar. „Hann hefur
sagt að í kalda stríðinu hafi fólk ekki
getað talað opinskátt hvert við ann-
að en það geti það núna.“
Strøm-Erichsen lagði áherslu á
mikilvægi Atlantshafsbandalagsins í
varðveislu stöðugleika í norðri. En
hún minnti einnig á að í sumum til-
fellum myndu Norðmenn þurfa að
standa einir í baráttu fyrir hags-
munum sínum, t.d. í deilum um
Svalbarða og miðlínuna á Barents-
hafi.
Rússar ógna
ekki en …
♦♦♦
Ú
T
S
A
L
A
Innrömmun með 25% afslætti
Tilboð
Rammar
100 kr.
200 kr.
24x30 tré 350 kr.
Innrömmuð plaggöt
50% afsláttur
Íslensk myndlist
Komdu og prúttaðu
Íslensk grafik
Allt að 50% afsl.
Tilboð á
smellu-
römmum
13x18 = 100,-
18x24 = 150,-
24x30 = 200,-
50x60 = 500,-
40x60 = 500,-
20x25 = 200,-
Tilboð
Álrammar
Síðumúla 34 • Sími 533 3331
Opið kl. 10-18 • laugard. kl. 11-15
GILDIR TIL 5. MARS
Hvítt 18x24 = 500,-
Svart 20x25 = 400,-
Svart 24x30 = 600,-
Svart 41x61 = 1.200,-
Silfur 59x66 = 1.600,-
Silfur 40x50 = 900,-