Morgunblaðið - 28.02.2007, Blaðsíða 10

10 MIÐVIKUDAGUR 28. FEBRÚAR 2007 MORGUNBLAÐIÐ
ALÞINGI
Galsi og kynjahlutföll
 Það var ekki laust við að dálítill
galsi einkenndi þingheim í umræðum
um störf þingsins í gær en annan dag-
inn í röð fóru þær
út um víðan völl.
Guðjón Ólafur
Jónsson byrjaði á
að vitna í ræðu
formanns VG á
landsfundi flokks-
ins þar sem fram
kom að Framsókn
væri við hlið VG í
því að tryggja jafn-
an hlut kynjanna
á þingi, ef marka mætti framboðslista
flokkanna. Guðjón Ólafur sagði Fram-
sókn hins vegar skera sig úr, með þrjá
karla og þrjár konur sem oddvita fram-
boðslista.
Sjálfstæðis-
flokksleikur
 Framsóknarþingmenn tóku undir
þessi orð og Siv Friðleifsdóttir benti á
að hjá Samfylkingunni væri aðeins
ein kona sem leiddi lista í sex kjör-
dæmum og í VG væru þær tvær.
Sagði hún þessa tvo flokka vera í því
að „sleikja upp Sjálfstæðisflokkinn“
en komst ekki áfram með mál sitt þar
sem hlátur þingmanna yfirgnæfði mál
hennar. Þegar þingmenn voru búnir
að jafna sig hélt Siv áfram og spurði
hvernig flokkarnir hygðust tryggja jafnt
kynjahlutfall í ríkisstjórn. „Ætla þá
karlarnir sem eru oddvitar að sitja
hjá?“ spurði Siv.
Tvísköttunar-
samningar
 Milli ræðuhalda um hvar jafnréttið
væri mest vakti Ágúst Ólafur Ágústs-
son athygli á nýföllnum dómi í héraði
sem að hans mati undirstrikar rétt-
aróvissu um tvísköttunarsamninga
ríkisstjórnarinnar. Óskaði Ágúst eftir
því að þeir yrðu lagðir fyrir þingið enda
væru uppi alvarlegar vangaveltur um
hvort núverandi fyrirkomulag stæðist
stjórnarskrá. Fjármálaráðherra sagði
aftur á móti að ekki væri hægt að tala
um réttaróvissu á grundvelli dómsins.
Í honum væri skýrt kveðið á um að
fara eigi að samningum og því engin
ástæða til að breyta hefðinni.
Dagskrá þingsins
 Þingfundur hefst kl. 12 í dag og á
dagskrá eru óundirbúnar fyrirspurnir.
Guðjón Ólafur
Jónsson
RÉTTMÆTI
neyslustýringar
var rætt á Al-
þingi í gær í ann-
arri umræðu um
frumvarp til
breytinga á
virðisaukaskatts-
lögum. Segja má
að þetta séu síð-
ustu forvöð enda
eiga lögin að taka gildi á morgun
en þá lækkar virðisaukaskattur á
lægra skattþrepi úr 14% í 7%.
Ögmundur Jónasson, þingmaður
VG, lagði fram breytingartillögu í
þeim tilgangi að fara að ráðum
Lýðheilsustöðvar og undanskilja
gosdrykki svo þeir lækkuðu ekki í
verði. Hann spurði hver væri til-
gangurinn með því að halda úti
stofnun á borð við Lýðheilsustöð ef
álit hennar væri síðan hunsað. Lítill
hljómgrunnur var hins vegar fyrir
breytingartillögunni og sögðu sum-
ir þingmenn að um forsjárhyggju
væri að ræða. Pétur H. Blöndal,
þingmaður Sjálfstæðisflokks, sagði
að Lýðheilsustöð ætti gjarnan að
standa að fræðslu um skaðsemi gos-
drykkja en að það væri ekki lög-
gjafans að hafa vit fyrir fullorðnu
fólki, eða börnum fullorðins fólks.
Ágúst Ólafur Ágústsson, þingmað-
ur Samfylkingarinnar, var einnig
andsnúinn breytingartillögunni og
sagði röksemdirnar ekki halda, þar
sem neysla á gosdrykkjum væri
mjög mikil hér á landi þrátt fyrir að
þeir væru hátt skattlagðir.
Neyslustýring
góð eða slæm?
Ögmundur
Jónasson
ENGINN atvinnurekstur fær þrifist við það
vaxtastig sem er hér á landi, sagði Einar Oddur
Kristjánsson, þingmaður Sjálfstæðisflokks, í ut-
andagskrárumræðum um byggðir utan lands-
hlutakjarna á Alþingi í gær. „Þar sem stýrivextir
eru milli 14 og 15% fær engin framleiðslugrein
staðist, alls ekki. Það er bara ávísun á að hún
leggist af. Það er grundvallaratriði að komast út
úr þessum vaxtamálum. Öðruvísi verða allar til-
raunir okkar til einskis,“ sagði Einar Oddur og
sagði jafnframt að staða byggða á landinu væri
mjög hættuleg.
Margir þingmenn lýstu yfir áhyggjum af
ástandi í byggðum utan landshlutakjarna (s.s.
Ísafjarðar og Akureyrar) en einnig af sjálfum
landshlutakjörnunum og var þá sérstaklega
minnst á ákvörðun Marels að flytja starfsemi sína
frá Ísafirði.
Anna Kristín Gunnarsdóttir, þingmaður Sam-
fylkingarinnar, var málshefjandi og sagði eina
mestu byggðaröskun í sögu landsins hafa átt sér
stað á sl. 12 árum. „Mér hefur blöskrað sinnuleysi
ríkisstjórnarinnar í þessum málaflokki um langa
tíð,“ sagði Anna Kristín og sagði síðar að svo virt-
ist sem stjórnvöld hefðu gefist upp og hugsanlega
aldrei haft neinn vilja til að taka á málunum.
Jón Sigurðsson, iðnaðar- og viðskiptaráðherra,
sagði nú vera unnið samkvæmt byggðaáætlun
fram til 2009, sem var afgreidd á Alþingi, og vís-
aði m.a. til vaxtasamninga sem væru nýjung á síð-
ustu árum. Jón sagði jafnframt að í samstarfs-
samningi ríkisstjórnarinnar væru rækileg ákvæði
um þessi mál. Ástæður byggðaröskunar væru
margar en einkum sú að á svæðunum sem verst
hafa orðið úti væru frumframleiðslugreinar mjög
ráðandi. Jón sagði Byggðastofnun m.a. vinna að
þessum málum og að mestu máli skipti að nýjar
atvinnugreinar næðu að skjóta rótum sem víðast.
Sigurjón Örn Þórðarson, þingmaður Frjáls-
lyndra, var ekki sáttur við svör iðnaðarráðherra.
„Það er frumvarp hér fyrir í þinginu um að leggja
Byggðastofnun niður og hann ætlar að fela
Byggðastofnun að gera eitthvað. Þetta er alveg
fáheyrt,“ sagði Sigurjón og bætti við að byggð-
irnar væru í vanda vegna sjávarútvegs.
Enginn atvinnurekstur þrífst
Einar Oddur harðorður í umræðum um byggðarlög utan landshlutakjarna
ÞETTA HELST …
Eftir Höllu Gunnarsdóttur
halla@mbl.is
„SAMFÉLAG heyrnarlausra þolir
ekki fleiri bráðabirgðalausnir,“ sagði
Sigurlín Margrét Sigurðardóttir
þingmaður þegar hún mælti fyrir
frumvarpi þess efnis að íslenska
táknmálið yrði viðurkennt sem
fyrsta mál heyrnarlausra, heyrn-
arskertra og daufblindra. „Ég ætla
ekki að telja upp allar þær bráða-
birgðalausnir sem hafa verið gefnar
heyrnarlausum í gegnum árin, en
engin þeirra hefur verið svo trygg
og örugg að hún hafi fest sig í sessi,“
sagði Sigurlín en benti á að á 13 ár-
um hefðu fjórar nefndir á vegum
stjórnvalda átt að finna lausn á
túlkaþjónustu fyrir heyrnarlausa.
Þetta er í þriðja sinn sem Sigurlín
flytur þetta sama frumvarp en að
þessu sinni koma meðflutningsmenn
hennar úr öllum flokkum. Margir
þingmenn tóku undir með henni og
haft var á orði í umræðum að líklega
væri kominn meirihluti á þingi fyrir
samþykkt frumvarpsins. Þá fylgdist
hópur fólks með umræðunum af
þingpöllum.
„Þú getur ekki“
Sigurlín flutti ræðu sem verður að
teljast óvenjuleg enda fléttaði hún
inn í hana eigin reynslu og annarra
en hún er sjálf heyrnarlaus. Hún vís-
aði m.a. til umræðu um kynferðis-
legt ofbeldi sem heyrnarlausir urðu
fyrir fyrr árum og sagði þetta hafa
verið vitað í samfélagi heyrnarlausra
í mörg ár. „Á þessum tíma var tákn-
mál ekki talið æskilegt í kennslu
heyrnarlausra hér á landi, þannig að
mikilvæg skilaboð um velferð barna
fóru forgörðum og komust aldrei til
réttra aðila.“
Sigurlín sagði fjölmarga heyrn-
arlausa hafa verið svikna um grunn-
skólamenntun og þ.a.l. lítið farið fyr-
ir öðrum menntunar- eða
starfstækifærum í þeirra lífi. „Orðin
„þú getur ekki“ ómuðu í huga heyrn-
arlausra sem höfðu metnað fyrir
framtíð sinni og að lokum fóru þau
að trúa því að svo væri, hugsunin
varð „ég get ekki“ og metnaðurinn
hvarf.“
Lífið mun taka stakkaskiptum
Sigurlín sagði táknmálstúlkssjóð,
sem komið var á laggirnar 2004 og
átti að vera til þriggja ára, hafa sinnt
skyldu sinni í fyrstu en að eft-
irspurnin hefði fljótt orðið of mikil
enda opnuðust nýir möguleikar fyrir
heyrnarlausa. „Þeir urðu meðvitaðri
um það sem þeir gætu gert og áttu
rétt á að gera.“
Sigurlín sagði að líf heyrnar-
lausra, heyrnarskertra og dauf-
blindra myndi taka stakkaskiptum
við viðurkenningu á íslenska tákn-
málinu. „Sjálfsmynd og sjálfstraust
þeirra mun eflast til muna. Þeir
munu finna hvers virði það er að
geta sinnt daglegum félagslegum
þörfum hindrunarlaust og geta rofið
þá einangrun sem hefur heft þá í
langan tíma. Þeir munu geta tekið
fullan þátt í atvinnulífinu. Þeir þurfa
ekki lengur að betla af t.d. vinnuveit-
endum að þeir greiði fyrir þjónustu
túlks á starfsmannafundum,“ sagði
Sigurlín.
Ekki fleiri bráðabirgðalausnir
Morgunblaðið/G.Rúnar
Fyrsta mál Sigurlín M. Sigurðardóttir talaði í gær fyrir frumvarpi um að
táknmál yrði viðurkennt sem fyrsta mál heyrnarlausra o.fl.