Morgunblaðið - 28.02.2007, Blaðsíða 32

32 MIÐVIKUDAGUR 28. FEBRÚAR 2007 MORGUNBLAÐIÐ
UMRÆÐAN
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
Lastaranum líkar ei neitt.
Lætur hann ganga róginn.
Finni hann fölnað laufblað eitt
þá fordæmir hann skóginn.
FJÖLMARGIR Íslendingar láta
sig almenningsmálefni varða og
taka þátt í þeim með ýmsum hætti,
s.s. með setu í stjórnum og nefnd-
um hjá félögum og félagasam-
tökum. Á þetta ekki síst við meðal
þeirra sem sinna störfum innan
íþróttahreyfingarinnar. Oft eru
þessi störf vanþakklát þar sem
margir eru tilbúnir að gagnrýna
það sem þar er gert en láta hins
vegar vera að þakka og lofa það
framlag sem þessir einstaklingar
hafa innt af hendi.
Í lok síðasta árs tilkynnti þáver-
andi formaður Knattspyrnu-
sambands Íslands, Eggert Magn-
ússon, að hann hygðist draga sig í
hlé frá formannsstörfum innan
sambandsins en hann hafði sinnt
því starfi undanfarin 17 ár. Það
varð strax ljóst að mikill sjón-
arsviptir yrði að Eggerti enda er
maðurinn ákaflega fylginn sér og
ákveðinn í verkum sínum, sumir
myndu jafnvel kalla hann frekan.
Hann, og starf hans sem formaður
KSÍ, hefur oft legið undir ámæli
þeirra sem láta ekki sitt eftir liggja
við að fordæma og gagnrýna,
stundum á réttmætan hátt og
stundum ekki. Eggert hefur eftir
sem áður staðið keikur og látið
gagnrýnisraddir sem vind um eyru
þjóta enda var allt hans starf innan
KSÍ unnið af ástríðu og sannfær-
ingu fyrir því að hann ynni í þágu
heildarinnar og að starf hans yrði
knattspyrnuhreyfingunni sem heild
til góða. Á vegferð sinni þurfti
hann vafalaust einnig að taka óvin-
sælar ákvarðanir og líta framhjá
því sem öðrum fannst vera besti
kostur í stöðunni.
Ég var svo heppin að eiga þess
kost að starfa með Eggerti í stjórn
KSÍ um nokkurra ára skeið. Á
þeim tíma sannfærðist ég end-
anlega um að hann hafði gríð-
arlegan metnað fyrir hönd íslensku
þjóðarinnar og fyrir hönd íslenskr-
ar knattspyrnu. Metnaður hans var
miklu meiri en annarra í stjórninni
og hann lét einskis ófreistað til að
vegur hennar yrði sem mestur og
bestur. Á þetta ekki síst við um
knattspyrnu kvenna þar sem í hans
tíð hafa verið stigin ótal mörg og
farsæl framfaraspor á vettvangi
landsliða sem og í keppni innan-
lands.
Í upphafi þessarar greinar hef
ég ritað vísu Steingríms Thor-
steinssonar sem er um þá sem sjá
aðeins fölnuð laufblöð í skóginum
og sjá sérstaka ástæðu til að benda
á þau fremur en að horfa á skóg-
inn sem heild. Þannig var það hjá
mörgum í upphafi ársins þar sem
ítrekað var bent á nokkur fölnuð
laufblöð og þau höfð til marks um
það að íslenskri kvennaknatt-
spyrnu hefði ekki verið sinnt nægi-
lega vel. Vissulega er enn margt
ógert í íslenskri knattspyrnu, bæði
hjá konum og körlum, við eigum
mörg verðug verkefni framundan
sem við hefðum sjálfsagt getað
verið búin að bæta og breyta. En
mér finnst ósanngjarnt að eft-
irmæli Eggerts Magnússonar, er
hann stígur úr stóli formanns KSÍ,
séu þau að hann hafi haft ekki
unnið nægilega vel í þágu íslenskr-
ar kvennaknattspyrnu þegar stað-
reyndir tala allt öðru máli og sýna
fram á að hann skilji eftir gróð-
ursælan akur sem hefur verið sáð í
og sannarlega hugsað vel um á síð-
ustu 17 árum. Þessi 17 ár eru rétt-
ur helmingur þess tíma sem
kvennaknattspyrna hefur verið
stunduð á Íslandi og hver sem vill
getur séð að seinni 17 árin eru
miklum mun betri og farsælli en
þau fyrri. Fyrir það vil ég færa
Eggerti Magnússyni þakkir.
Þegar verið er að ræða og meta
verk forystumanna eins og Egg-
erts Magnússonar, nú þegar hann
hefur horfið til annarra starfa, er
oft skynsamlegt að stíga eitt eða
tvö skref til baka og virða fyrir sér
heildarmyndina, því aðeins þannig
verður hægt að sjá allan skóginn.
INGIBJÖRG
HINRIKSDÓTTIR,
stjórnarmaður í KSÍ.
Þakkir til Eggerts
Magnússonar
Frá Ingibjörgu Hinriksdóttur:
Í ÞÆTTINUM Silfri Egils á
Stöð 2 sl. sunnudag barst talið um
víðan völl og þ. á m. um stund að
baráttu gegn klámvæðingunni í
samfélaginu. Þar lét ég orð falla í
hálfri setningu um að
ég vildi að lögreglan
gæti beitt sér gegn
klámi á Netinu og not-
aði orðið „netlög-
regla“ í því samhengi.
Ekki átti að vera
nokkur ástæða til að
misskilja hvað ég var
að fara og skýrt í
hvaða samhengi orðin
féllu.
Engu að síður
bregður svo við að til-
teknir aðilar taka sér
fyrir hendur að túlka
þessa einu setningu
þannig að af minni hálfu standi til
að setja upp einhverja allsherjar
ritskoðunarlöggu á Netinu à la
Kína. Þar virðist Guðmundur
nokkur Steingrímsson hafa farið
fremstur í flokki og pennavinur
hans, Björn Ingi Hrafnsson, var
ekki seinn á sér að grípa gæsina
og leggja út af ályktun eða túlkun
Guðmundar sem heilögum sann-
leik. Fátt virðist vera mýkra í
munni Björns Inga þessa dagana
en það að einhver segi eitthvað
misjafnt um undirritaðan og
hreint aukaatriði hvort fyrir því sé
nokkur minnsti fótur.
Það er út af fyrir sig umhugs-
unarefni ef þessir ungu og upp-
rennandi stjórnmálamenn – annar
nú titlaður „tilvonandi (vara)
þingmaður Samfylkingarinnar“,
hinn nýorðinn borgarfulltrúi með
ærinni fyrirhöfn og tilkostnaði sl.
vor og tryggir nú völd Sjálfstæð-
isflokksins í Reykjavík – ætla að
byggja upp sinn stjórnmálaferil á
aðferðum sem þessum og umgang-
ast aðra stjórnmálamenn og
þeirra orð og viðhorf á þennan
hátt. En auðvitað
ráða þeir sínu vinnu-
lagi og mega vera
sjálfum sér verstir
mín vegna.
Því miður er stað-
reynd að lögbrot eða
tilraunir til lögbrota
eiga sér stað á Net-
inu. Langmesta at-
hygli vekja brot sem
tengjast barnaklámi
og tilraunum til að
lokka börn og ung-
linga gegnum Netið
til óviðurkvæmilegra
eða jafnvel glæp-
samlegra samskipta. Auðvitað get-
ur Netið komið við sögu beint eða
óbeint við upplýsinga- og hug-
verkastuld, í skipulagðri glæpa-
starfsemi, fíkniefnaviðskiptum og
öðru slíku a.m.k. sem sam-
skiptamáti. Af sjálfu leiðir að lög-
regluyfirvöld reyna að fylgjast
með því sem fram fer á Netinu
eins og annars staðar og hindra
lögbrot.
Hafi nafnið eða hugtakið „net-
lögregla“ valdið því að einhverjir
fengu fyrir hjartað er rétt að taka
fram að þar er að sjálfsögðu að-
eins um eina mögulega nafngift af
mörgum að ræða. Í erlendum mál-
um, t.d. norrænum, koma iðulega
fyrir hugtökin „netpoliti“ eða
„politi på Internettet“, „datakrim-
inalitet“ o.fl. sem þýða má á ýmsa
vegu. Mínar hugmyndir í þessum
efnum ganga einfaldlega út á það
að lögreglan hér sé, hvað sér-
fræðiþekkingu, búnað og mannafla
snertir, í stakk búin til þess að
sinna sínu hlutverki á þessu sviði
og heimildir hennar í því sam-
bandi séu skýrar. Í Noregi hefur
tekist farsælt samstarf milli net-
fyrirtækja og lögreglu t.d. um að
loka aðgangi að klámsíðum með
ólöglegu efni. Ef notandi reynir að
fara inn á slíka síðu fær hann til-
kynningu um að aðgangi að síð-
unni hafi verið lokað og hafi hann
athugasemdir er honum bent á að
snúa sér til lögreglu. Reyndar hef-
ur einnig verið til umræðu í Nor-
egi að hve miklu leyti netfyr-
irtækin sjálf gætu gegnt einhvers
konar eftirlits- eða lögreglu-
hlutverki í þessum efnum og þar
er nýlega fallinn héraðsdómur
sem einmitt gengur út á að netfyr-
irtækin geti innan vissra marka
verið í slíku hlutverki. Glæparann-
sóknarmiðstöð norsku lögregl-
unnar, Kriminalpolitisentralen
(KRIPOS), beitir sér með virkum
hætti á þessu sviði. Í ársskýrslu
miðstöðvarinnar 2005 segir m.a. í
lauslegri þýðingu: „Kynferðisbrot
gegn börnum. Netið er höfuðvett-
vangur glæpa sem tengjast dreif-
ingu og sölu efnis sem sýnir kyn-
ferðisbrot gegn börnum. Kripos
hefur þetta svið til virkrar skoð-
unar (i fokus). Með því að vakta
netþjóna og fylgjast með spjall-
rásum (infiltrering) vinnum við
markvisst að því, bæði að finna
lögbrjóta og uppræta starfsem-
ina.“
Hér á Íslandi reka samtökin
Barnaheill ábendingalínu og hafa
gert síðan 2001 sem hluta af evr-
ópska verkefninu „Öruggt.net“ í
góðu samstarfi við lögregluna.
Reyndar starfar lögreglan nú þeg-
ar að þessum málum með ýmsum
hætti og alþjóðlegt lögreglu-
samstarf skilar árangri í sambandi
við að fletta ofan af barnaklám-
hringjum með samtímaaðgerðum í
mörgum löndum eins og við Ís-
lendingar þekkjum vel dæmin um.
Hjá lögreglustjóranum á höf-
uðborgarsvæðinu eru bæði tölvu-
rannsóknardeild sem rannsakar
tölvur og skoðar innihald í tölvum
sem lagt er hald á og eins er að
sjálfsögðu kynferðisbrotadeild
lögreglunnar á höfuðborgarsvæð-
inu gríðarlega mikilvæg eining í
öllu sem snýr að baráttunni gegn
kynferðisafbrotum.
Það er fjarri mér að mæla með
nokkurs konar ritskoðun eða
ástæðulausu inngripi í frjáls sam-
skipti á Netinu. En fyrir því má
færa mjög gild rök að engir eigi
meira undir því en notendur Nets-
ins og aðdáendur netheimanna að
það takist að verja Netið, eftir því
sem kostur er, fyrir ólöglegri
starfsemi og misnotkun þess í
annarlegum tilgangi. Þar er frelsi
Netsins einmitt í húfi þegar betur
er að gáð.
Frjálsir netheimar
lausir við lögbrot
Steingrímur J. Sigfússon
skrifar um eftirlit með Netinu » Því miður er stað-reynd að lögbrot eða
tilraunir til lögbrota
eiga sér stað á Netinu.
Steingrímur J.
Sigfússon
Höfundur er formaður Vinstrihreyf-
ingarinnar - græns framboðs.
Stefán E. Matthíasson: „Það
er ljótt að skrökva, Siv“
Ebenezer Þ. Böðvarsson:
„Brosi ekki framan í eftirlits-
myndavélar“
Aðsendar greinar á mbl.is
www.mbl.is/greinar
Fullkomnaðu
verkið með
Þ
A
K
R
E
N
N
U
K
E
R
FI
á
öllhús
–
allsstaðar
Þ
A
K
R
E
N
N
U
K
E
R
FI
á
öllhús
–
allsstaðar
BLIKKÁS –
Smiðjuvegi 74
Sími 515 8700
Brúðkaupsblað Morgunblaðsins
Sérblað helgað brúðkaupssýningunni Já!
fylgir Morgunblaðinu föstudaginn 9. mars
Meðal efnis er:
• Föt á brúðir, brúðguma og
brúðarmeyjar.
• Óvenjulegt brúðkaup ásamt
hefðbundnu brúðkaupi.
• Matur í brúðkaupsveislum.
• Giftingahringir og morgungjafir.
• Tónlist í brúðkaupum.
• Viðtal við hjón sem hafa
endurnýjað heitið.
• Brúðargjafir.
• Brúðarvendir og blómaskreytingar.
• Brúðarsængin og brúðarnærföt.
• Brúðkaupsmyndin.
Allar nánari uppl. veitir Katrín Theódórsdóttir
í síma 569 1105 eða kata@mbl.is
Auglýsendur!
Pantið fyrir kl. 16 mánudaginn 5. mars