Morgunblaðið - 28.02.2007, Síða 11

„Gott til þess að vita að fyrirtækið hugsar um einstaklingana sína“
FRIÐRIK Vigfússon, Fanney Jóna Gísladóttir, Vigfús Vigfússon, Hildur Einarsdóttir, Særún Kristinsdóttir og Sigríður Ásdís Þórhallsdóttir
hafa unnið í ýmsum deildum Alcoa Fjarðaáls allt frá þremur vikum til fimm mánaða og eru hrifin af velferðarþjónustunni. „Það er gott til þess
að vita að fyrirtækið hugsar um einstaklingana sína og er ekki sama um starfsmanninn og hans fjölskyldu.“ Þau geta öll hugsað sér að nýta
þjónustuna ef á þarf að halda og segja nafnleyndina ótrúlega dýrmæta og hvatningu til að leita aðstoðar ef með þarf. „Þetta eru dýrmæt hlunn-
indi og hljóta að laða fólk að fyrirtækinu.“
Eftir Steinunni Ásmundsdóttur
steinunn@mbl.is
ALCOA Fjarðaál hefur sett á laggirnar sér-
staka velferðarþjónustu fyrir starfsmenn
sína. Starfsmenn geta leitað aðstoðar hjá fag-
aðilum vegna persónulegra erfiðleika eða
óvæntra áfalla sér að kostnaðarlausu og án
milligöngu og vitneskju stjórnenda fyrirtæk-
isins.
„Við erum stolt af þessu kerfi og vitum ekki
til þess að þetta eigi sér fordæmi á Íslandi,“
segir Steinþór Einarsson framkvæmdastjóri
starfsmannamála hjá fyrirtækinu. Hann segir
velferðarþjónustuna lið í þeirri viðleitni fyr-
irtækisins að gera það að einstökum vinnu-
stað þar sem fólki líði vel og vilji vinna á öðr-
um stöðum fremur. Kerfið miði að því að
hjálpa fólki að finna farvegi fyrir ýmis vanda-
mál sem komið geta upp í lífi þess.
„Þó fyrirtækið þurfi bara starfsfólk mæta
einstaklingar í vinnuna, fólk sem þarf að
kljást við allt á milli himins og jarðar í sínu
daglega lífi. Það er sameiginlegt hagsmuna-
mál starfsfólksins og fyrirtækisins að fólk
finni sínum málum jákvæða farvegi.“
Þjónustan er veitt af InPro, sem sérhæfir
sig í heilsu- og vinnuvernd og heilbrigðisþjón-
ustu. Um er að ræða t.d. sálfræðiráðgjöf, lög-
fræðiráðgjöf, streitu- og tilfinningastjórnun,
fjármálaráðgjöf, hjónabands- og fjöl-
skylduráðgjöf, áfallahjálp, starfsendurhæf-
ingu og aðstoð við að greina og meta úrræði
vegna langvarandi heilsubrests í nánustu fjöl-
skyldu. Hver starfsmaður getur fengið allt að
sex klukkustunda þjónustu á ári í hverjum lið
velferðarþjónustunnar, að sögn Steinþórs, og
er hvort tveggja að kynnt eru fáanleg úrræði
í opinbera kerfinu og bein þjónusta fagaðila
veitt viðkomandi einstaklingum.
Morgunblaðið/Steinunn Ásmundsdóttir
Velferðarþjónusta fyrir starfsmenn
Alcoa Fjarðaál kynnti í gær velferðarþjónustu fyrir starfsmenn álversins en eftir því sem næst
verður komist hefur slík þjónusta ekki verið í boði með skipulögðum hætti hjá fyrirtækjum
MORGUNBLAÐIÐ MIÐVIKUDAGUR 28. FEBRÚAR 2007 11
FRÉTTIR
Eftir Steinþór Guðbjartsson
steinthor@mbl.is
NKOSAZANA Dlamini Zuma, utan-
ríkisráðherra Suður-Afríku, til-
kynnti á fundi með Valgerði Sverr-
isdóttur, utanríkisráðherra, í
Pretoria í gær, að Suður-Afríka
styddi ósk Íslands um sæti í örygg-
isráði Sameinuðu þjóðanna starfs-
árin 2009–2010.
„Þetta er mjög mikilvægur stuðn-
ingur því litið er á Suður-Afríku sem
leiðandi þjóð í Afríku,“ segir Val-
gerður Sverrisdóttir.
Á fundinum var meðal annars
rætt um nýgerðan fríversl-
unarsamning milli Íslands og Suður-
Afríku. Valgerður Sverrisdóttir seg-
ir að hún hafi nefnt, að áhugavert
væri að gera fleiri samninga eins og
til dæmis loftferðasamning, fjárfest-
ingarsamning og tvísköttunarsamn-
ing og hefði Dlamini-Zuma lýst því
yfir að hún hefði áhuga á að hefja
slíkar samningaviðræður. „Það
fannst mér mjög mikilvægt að
heyra,“ segir utanríkisráðherra.
Ýmis málefni Afríku voru of-
arlega á baugi, eins og til dæmis lýð-
ræðisþróunin, staða kvenna og
svæðisbundin átök. Valgerður
Sverrisdóttir segir að Dlamini-
Zuma hafi haft orð á því að umræð-
an um Afríku utan álfunnar væri oft
einhæf og einblínt væri um of á
vandamálin á kostnað þeirrar já-
kvæðu þróunar sem hefði átt sér
stað. Miklar vonir væru til dæmis
bundnar við Heimsmeistarakeppn-
ina í knattspyrnu, sem verður í Suð-
ur-Afríku 2010, og áhrif keppninnar
á viðskiptalífið þar og almennt í Afr-
íku.
Starfssystur Nkosazana Dlamini Zuma, utanríkisráðherra Suður-Afríku,
og Valgerður Sverrisdóttir utanríkisráðherra á fundi í Pretoria.
Suður-Afríka
styður Ísland
Höfn | Bæjaryfirvöld á Hornafirði
vilja að björgunarþyrla verði stað-
sett á Hornafjarðarflugvelli. Helstu
rökin fyrir því eru að lendingarskil-
yrði séu góð, Hornafjörður sé í mik-
illi nálægð við gjöful fiskimið og fjöl-
farnar siglingaleiðir á milli Íslands
og Evrópu og að stutt sé á marga
fjölfarna ferðamannastaði, t.d.
Vatnajökul og svæðið norðan hans.
Bæjaryfirvöld telja að Horna-
fjörður sé mikilvægur hlekkur í
björgunarstarfi á landinu sem sjáist
á því hversu oft flugvöllurinn er not-
aður notaður í björgunaraðgerðum
og ef skip lenda í vandræðum á leið
sinni til og frá Evrópu. Völlurinn sé
einnig notaður í björgunaraðgerðum
á Austurlandi. Þá telja bæjaryfirvöld
einnig kost að vera með eina þyrlu-
björgunarsveit staðsetta utan höfuð-
borgarsvæðisins.
Björgunar-
þyrla verði
á Hornafirði
Á FUNDI Samfylkingarinnar í
Reykjavík í síðustu viku voru fram-
boðslistar flokksins í Reykjavík við
kosningar til Alþingis hinn 12. maí
nk. samþykktir. Listarnir eru
þannig:
Reykjavík – suður
1. Ingibjörg Sólrún Gísladóttir,
formaður Samfylkingarinnar.
2. Ágúst Ólafur Ágústsson, vara-
formaður Samf.
3. Ásta R. Jóhannesdóttir alþing-
ismaður.
4. Mörður Árnason alþingismaður.
5. Kristrún Heimisdóttir lögfræð-
ingur.
6. Reynir Harðarson fram-
kvæmdastjóri.
7. Bryndís Ísfold Hlöðversdóttir
háskólanemi.
8. Magnús Már Guðmundsson,
formaður UJ.
9. Sólveig Arnarsdóttir leikkona.
10. Björgvin Guðmundsson við-
skiptafræðingur.
11. Margrét Kristmannsdóttir
framkvæmdastjóri.
12. Bryndís Nielsen kynning-
arstjóri.
13. Bjartur Logi Ye Shen sérfræð-
ingur.
14. Ólöf Halldóra Þórarinsdóttir
grunnskólakennari.
15. Bergur Felixson, fv. frkv.stj.
Leikskóla Rvk.
16. Rúnar Geirmundsson fram-
kvæmdastjóri.
17. Helga Rakel Guðrúnardóttir
háskólanemi.
18. Halldór Guðmundsson bók-
menntafræðingur.
19. Auður Styrkársdóttir, for-
stöðum. Kvennasögusafns.
20. Lárus Ýmir Óskarsson kvik-
myndaleikstjóri.
21. Guðrún Halldórsdóttir, fv.
skólastjóri.
22. Bryndís Hlöðversdóttir, fv. al-
þingismaður.
Reykjavík – norður
1. Össur Skarphéðinsson alþing-
ismaður.
2. Jóhanna Sigurðardóttir al-
þingismaður.
3. Helgi Hjörvar alþingismaður.
4. Steinunn Valdís Óskarsdóttir
borgarfulltrúi.
5. Ellert B. Schram, formaður
60+.
6. Valgerður Bjarnadóttir sviðs-
stjóri.
7. Margrét S. Björnsdóttir for-
stöðumaður.
8. Dofri Hermannsson varaborg-
arfulltrúi.
9. Kjartan Due Nielsen, nemi í
umhverfisverkfræði.
10. G. Ágúst Pétursson við-
skiptaráðgjafi.
11. Ragnhildur Vigfúsdóttir deild-
arstjóri.
12. Ásgeir Beinteinsson skóla-
stjóri.
13. Eydís Sveinbjarnardóttir geð-
hjúkrunarfræðingur.
14. Jóhanna Eyjólfsdóttir skrif-
stofustjóri.
15. Eva Kamilla Einarsdóttir leið-
beinandi.
16. Ragnhildur Eggertsdóttir elli-
lífeyrisþegi.
17. Ragnheiður Gröndal söng-
kona.
18. Halldór Reynir Halldórsson
laganemi.
19. Máni Cang Van Jósefsson
framhaldsskólanemi.
20. Gunnar Þórðarson húsasmíða-
meistari.
21. Grétar Þorsteinsson, forseti
ASÍ.
22. Guðrún Ögmundsdóttir al-
þingismaður.
Framboðslistar
Samfylkingar í
Reykjavík samþykktir
♦♦♦
BJÖRGUNARSVEITIN Þorbjörn í
Grindavík var kölluð út síðdegis í
gær vegna báts sem strandaður var í
höfninni á staðnum um klukkan
16:37, samkvæmt upplýsingum frá
Landsbjörgu. Um var að ræða 150
tonna stálbát, Dala-Rafn, sem fór af
leið í innsiglingunni og rataði upp í
grynningar.
Björgunarsveitin fór þegar á stað-
inn á björgunarskipinu Oddi V. auk
lögreglu og lóðsins í Grindavík. Þrátt
fyrir að farið væri að fjara undan
strandaða bátnum og kominn halli á
hann tókst að draga hann á flot og til
bryggju. Fóru kafarar undir bátinn
að kanna skemmdir sem reyndust
óverulegar.
Strand við
Grindavík