Morgunblaðið - 28.02.2007, Blaðsíða 40

40 MIÐVIKUDAGUR 28. FEBRÚAR 2007 MORGUNBLAÐIÐ
Skipulagsauglýsingar
Borgarbyggð
Tillaga á breytingu á aðalskipulagi Borg-
arbyggðar 1997-2017, Brákarey og deili-
skipulag Brákarey, hafnarsvæði og lóð
undir hreinsistöð fráveituvatns
A: Tillaga að breytingu á aðalskipulagi
Borgarbyggðar 1997-2017, Brákarey -
Breytt landnotkun
Sveitarstjórn Borgarbyggðar auglýsir hér með
tillögu að breytingum á aðalskipulagi Borgar-
byggðar 1997-2017 samkvæmt 1. mgr. 21. gr.
skipulags- og byggingarlaga nr. 73/1997.
Um er að ræða tillögu að breyttri landnotkun.
Núverandi landnotkun eyjarinnar samkvæmt
gildandi aðalskipulagi er blönduð landnotkun
íbúðarbyggðar, stofnanasvæðis og verslunar
og þjónustusvæðis. Breytingin, sem nær til af-
markaðs svæðis fremst á eyjunni og aðliggj-
andi hafsvæðis, er í því fólgin að skilgreina
umrætt svæði sem hafnarsvæði þar sem
byggð yrði smábátahöfn í áföngum. Auk þess
er áformað að reisa skólphreinsistöð á fyrir-
huguðu hafnarsvæði samkvæmt nánari út-
færslu í deiliskipulagi. Er því sá hluti hafnar-
svæðisins, sem nær yfir lóð hreinsistöðvarinn-
ar, skilgreindur sem iðnaðarsvæði.
Tillaga að breytingu á aðalskipulagi verður til
sýnis á skrifstofu Borgarbyggðar frá 28. febrúar
2007 til 28. mars 2007. Frestur til að skila inn at-
hugasemdum rennur út 12. apríl 2007.
Athugasemdum skal skila inn á Ráðhús Borgar-
byggðar, Borgarbraut 14, 310 Borgarnesi. Hver
sá sem eigi gerir athugasemd við breytingar-
tillöguna fyrir tilskilinn frest telst samþykkur
henni.
B: Deiliskipulag af hafnarsvæði og lóð
undir hreinsistöð fráveituvatns í
Brákarey, Borgarbyggð
Í samræmi við 25. gr. skipulags- og byggingar-
laga nr. 73/1997 m.s.br. er hér með lýst eftir at-
hugasemdum við ofangreinda skipulagstillögu.
Um er að ræða tillögu af hafnarsvæði í Brákar-
ey í Borgarnesi sem nær yfir núverandi við-
legukant á uppfyllingu, land upp af honum og
aðliggjandi strandlengju. Ennfremur er á skipu-
lagstillögunni sýnd lóð undir hreinsistöð frá-
veituvatns.
Tillaga að deiliskipulagi verður til sýnis á skrif-
stofu Borgarbyggðar frá 28. febrúar 2007 til
28. mars 2007. Frestur til að skila inn athuga-
semdum rennur út 12. apríl 2007.
Athugasemdir við skipulagið skulu vera skrif-
legar og berast til skrifstofu Borgarbyggðar,
Borgarbraut 14, 310 Borgarnesi.
Hver sá, sem ekki gerir athugasemdir við breyt-
ingartillöguna fyrir tiltekinn frest til athuga-
semda, telst samþykkur þeim.
Borgarnesi, 20. febrúar 2007.
Forstöðumaður framkvæmdasviðs
Borgarbyggðar.
Félagslíf

Njörður 6007022819 II
I.O.O.F. 9
187022881/2 I.O.O.F. 7.
1872287½
FL
I.O.O.F. 18
1872288
III*
Hörgshlíð 12
Boðun fagnaðarerindisins.
Bænastund í kvöld kl. 20.00.
HELGAFELL 6007022819 VI
GLITNIR 6007022819 I
EDDA 6007022820 II Frlf. kl. 20
Úthlutun aflaheimilda fyrir árið
2007 úr stofni Austur-Atlantshafs
bláuggatúnfisks
Ísland hefur verið aðili að Atlantshafs
túnfiskveiðiráðinu (ICCAT) frá árinu 2002.
Samkvæmt stjórnunarráðstöfunum ráðsins,
sem Ísland hefur samþykkt, koma í hlut Íslands
aflaheimildir fyrir árið 2007 sem nema 53,34
tonnum af bláuggatúnfiski. Um er að ræða
veiðiheimildir samkvæmt samþykkt ICCAT úr
stofni Austur-Atlantshafs bláuggatúnfisks
(e. bluefin tuna in the East Atlantic and the
Mediterranean).
Útgerðir sem áhuga hafa á að taka þátt í
þessum veiðum skulu sækja um veiðiheimildir
til sjávarútvegsráðuneytisins fyrir 15. mars
næstkomandi.
Í umsókninni skal koma fram áætlun um
veiðarnar þar sem fram komi m.a. veiðitímabil,
veiðisvæði, veiðiaðferð og nýtingu afurða.
Ráðuneytið áskilur sér rétt til þess að hafna
umsóknum sé ljóst að viðkomandi skip hafi
ekki búnað til veiðanna eða að það sé fyrirséð
að það muni af öðrum ástæðum ekki stunda
þær.
Sjávarútvegsráðuneytið,
26. febrúar 2007.
Raðauglýsingar 569 1100
Raðauglýsingar
sími 569 1100
FRÉTTIR
UNDIR formerkjum hverfisverkefnisins ,,Gróska“ taka nem-
endur í 6. bekkjum grunnskólanna í Grafarvogi og á Kjal-
arnesi þátt í barnaþingi í dag, miðvikudaginn 28. febrúar.
Tilgangur barnaþingsins er að skapa umræðu og stuðla að
auknum áhuga barna á jákvæðum gildum lífsins, s.s. hollum
lífsháttum, jákvæðum tómstundum, námi og uppbyggilegu
fjölskyldulífi. Að gefa börnum tækifæri til að leggja um-
ræðunni um forvarnir og betri lífsskilyrði lið. Að beina um-
ræðu um forvarnir í jákvæðan farveg.
Undanfarnar vikur hafa nemendur í 6. bekk hvers grunn-
skóla í hverfunum unnið ákveðin verkefni til að undirbúa sig
fyrir.
Barnaþingið verður haldið í fundarsal Egilshallar og hefst
fyrri hluti þingsins kl. 09 þar sem nemendur frá Rimaskóla,
Hamraskóla og Víkurskóla kynna niðurstöður sínar. Seinni
hluti þingsins hefst kl. 11 þar sem nemendur frá Borgaskóla,
Foldaskóla og Klébergsskóla kynna niðurstöður sínar.
Barnaþing í Grafar-
vogi og á Kjalarnesi
BLÁTT áfram, félagasamtök
um forvarnir gegn kynferð-
islegu ofbeldi á börnum, gefur
út barnabókina ,,Þetta eru
mínir einkastaðir“ í samvinnu
við Hagkaup.
Hagkaup ætla að gefa öllum
leikskólum á landinu eintak af
bókinni og var bókin afhent
formlega aðilum leikskólanna
í Hagkaupum Smáralind
föstudaginn 23. febrúar sl.
Bókin er ætluð foreldrum,
forráðamönnum og öðrum
þeim sem koma að uppeldi
barna.„Við vonumst til að bók-
in ,,Þetta eru mínir einka-
staðir“ efli umræðuna í þjóð-
félaginu og hvetji foreldra og
aðra uppalendur til að ræða
við börn sín, feimnislaust, um
það alvarlega samfélagsmein
sem kynferðisleg misnotkun
er. Rjúfum þögnina og mun-
um ábyrgð okkar í uppfræðslu
barna okkar. Óupplýst barn
er varnarlaust barn,“ segir í
frétt frá útgefendum.
Morgunblaðið/Ásdís
Afhending Frá vinstri: Ólafur Grétar Gunnarsson, Náttúru-
leikskólinn Hvarf, Svandís Ingimundardóttir, þróunar- og skóla-
fulltrúi, Sambands íslenskra sveitarfélaga, Gunnar Ingi Sigurðs-
son frá Hagkaupum og Sigríður Björnsdóttir frá Blátt áfram.
Hvað verndar
börnin okkar?
MORGUNBLAÐINU hefur borist eftirfarandi ályktun stjórn-
ar Æskulýðssambands þjóðkirkjunnar:
„Stjórn Æskulýðssambands þjóðkirkjunnar (ÆSKÞ) sem
eru frjáls félagasamtök innan þjóðkirkjunnar sem vinna að
forvarnar- og æskulýðsmálum fagna niðurstöðu stjórnar
Bændasamtakanna þess efnis að synja aðstandendum fyr-
irhugaðrar klámráðstefnu sem vera átti í mars, um gistingu á
hóteli samtakanna.
Sú ákvörðun stjórnar Bændasamtakanna er hvatning til
annarra fyrirtækja og stofnana, einstaklinga og félagasam-
taka að stuðla með störfum sínum að aukinni mannhelgi og
siðviti í íslensku þjóðlífi.“
Fagna ákvörðun
Bændasamtakanna
HILDIGUNNUR Ólafsdóttir heldur fyrirlestur á
vegum Rannsóknastofu í kvenna- og kynjafræðum
við Háskóla Íslands (RIKK), fimmtudaginn 1. mars
kl. 12.15 í stofu 132 í Öskju.
„Í fyrirlestrinum verður greint frá fjölþjóðakönn-
un í 14 löndum Evrópu sem gerð var til þess að
auka skilning á því, hvernig kyn og menning hafa
áhrif á áfengisneyslu og misnotkun. Niðurstöðurnar
sýna greinilegt kynjabil áfengisneyslu í öllum lönd-
unum, og að því jafnari sem staða karla og kvenna
er í samfélaginu, þeim mun minni munur er á
áfengisneysluvenjum kynjanna,“ segir í fréttatil-
kynningu.
Hildigunnur Ólafsdóttir er sjálfstætt starfandi
fræðimaður í ReykjavíkurAkademíunni. Hún er dr.
philos. í afbrotafræði frá Háskólanum í Ósló.
Kynferði, menning
og áfengisneysla
EFTIRFARANDI ályktun Landssambands
framsóknarkvenna var samþykkt á fundi
framkvæmdastjórnar 23. febrúar sl.
„Framsóknarflokkurinn hefur verið í far-
arbroddi í jafnréttismálum hér á landi og læt-
ur verkin tala. Framkvæmdastjórn Lands-
samband framsóknarkvenna fagnar stöðu
kvenna á framboðslistum Framsóknarflokks-
ins til alþingiskosninga hinn 12. maí nk. Hlut-
fallsskipting kynjanna í fyrsta sæti er jöfn,
þrjár konur og þrír karlar munu leiða lista
flokksins. Í 4 efstu sætum eru 14 konur og 10
karlar, eða 56% hlutur kvenna og 44% hlutur
karla.
Þennan góða árangur má að stórum hluta
þakka nýju ákvæði í lögum Framsóknar-
flokksins er kveður á um bindandi hlutföll
kynjanna og samþykkt var á síðasta flokks-
þingi 2005. Kveðið er á um þá skipan að í
trúnaðar- og ábyrgðarstöður innan flokksins
sem og við val á framboðslista hans skuli hlut-
ur hvors kyns ekki vera minni en 40% nema
þegar gagnsæjar og augljósar ástæður séu
því til fyrirstöðu. Framkvæmdastjórn Lands-
sambands framsóknarkvenna telur að setn-
ing ákvæðisins hafi verið mikið heillaspor þar
sem slíkt ákvæði í lögum skipti sköpum til að
ná fram jafnrétti kynjanna í stjórnmálum.“
Framsóknarkonur
fagna jöfnum rétti
Gáfu BUGL 50
milljónir auk vaxta
RANGLEGA var sagt í frétt Morg-
unblaðsins um skóflustungu að göngu-
deildarbyggingu BUGL við Dalbraut
fyrr í þessum mánuði að kvenfélagið
Hringurinn hefði gefið „tæplega“ 50
milljónir króna til verksins. Hið rétta
er að Hringurinn gaf BUGL gjafabréf
upp á 50 milljónir króna í tilefni 100
ára afmælis síns árið 2004, sem verja á
til kaupa á húsgögnum og búnaði fyrir
göngudeildina þegar húsnæðið verður
tilbúið. Þar sem dráttur varð á að
framkvæmdir hæfust hefur féð ávaxt-
ast og upphæðin því orðin hærri sem
því nemur. Eru hlutaðeigendur beðnir
velvirðingar á þessum mistökum.
LEIÐRÉTT