Morgunblaðið - 28.02.2007, Síða 20

20 MIÐVIKUDAGUR 28. FEBRÚAR 2007 MORGUNBLAÐIÐ
HÖFUÐBORGARSVÆÐIÐ


Upplýsingar í síma
461 6011/ 840 6011
í Naustahverfi,
Akurgerði og neðri
hlutan í Brekkunni.
Einnig víðs vegar um
bæinn vegna aukinna
verkefna.
Á AKUREYRI
MIKIÐ stendur til hjá Tónlistar-
skólanum á Akureyri og Sinfóníu-
hljómsveit Norðurlands um næstu
helgi. Skólinn heldur hátíðlegan dag
tónlistarskólanna í Ketilhúsinu laug-
ardaginn 3. mars þar sem nemendur
skólans sýna hvað í þeim býr alveg
frá kl. 11.00. Lokatónleikar dagsins
hefjast kl. 17 en þeir eru til styrktar
minningarsjóði Þorgerðar S. Eiríks-
dóttur. Þar koma fram nemendur í
framhaldsdeild skólans. Ókeypis er
á tónleikana í Ketilhúsinu en tekið á
móti frjálsum framlögum í Þorgerð-
arsjóð.
Sunnudaginn 4. mars stilla saman
strengi sína Sinfóníuhljómsveit
Norðurlands og Tónlistarskólinn á
Akureyri með tónleikum í Akureyr-
arkirkju kl. 16.00. Þar kemur fram
strengjasveit SN ásamt strengja-
sveit TA sem skipuð er nemendum á
aldrinum 15–17 ára. Einleikari á
fiðlu er Lára Sóley Jóhannsdóttir en
hún leikur einleik í Vetrinum eftir
Vivaldi.
Hátíðardagskrá Sinfó
og Tónlistarskólans
AKUREYRI
VINNUHÓPUR undir nafninu
Beint frá býli hefur undanfarin tvö
ár unnið í samstarfi við bændur og
aðra hagsmunaaðila að því að gera
vinnslu og sölu á heimaunnum af-
urðum að raunhæfum kosti bæði
fyrir bændur og neytendur. Verk-
efnið var kynnt í gær á veitinga-
staðnum Friðriki V á Akureyri þar
sem boðið var upp á sýnishorn af
ýmsum mat beint frá býli.
Í febrúar 2004 skipaði Guðni
Ágústsson landbúnaðarráðherra
nefnd til að athuga hvernig bændur
gætu staðið að heimasölu. Nefndin
skilaði af sér skýrslu í janúar 2005
og í meginniðurstöðum kom fram
að bændur hér búa við sambæri-
legar reglugerðir og bændur í ná-
grannalöndunum en að túlkun
þeirra og framsetning mætti vera
einfaldari.
Samstarf
Ein af tillögum nefndarinnar var
að hvetja til myndunar samstarfs-
hóps sem ynni að þessum málefnum
í samvinnu við hlutaðeigandi stofn-
anir og embætti hins opinbera, til
dæmis með útgáfu leiðbeinandi
handbókar um starfsleyfi matvæla-
fyrirtækja. Slík handbók er nú
komin út og var landbúnaðarráð-
herra afhent fyrsta eintakið í gær.
Við sama tækifæri var opnuð
formlega heimasíða verkefnisins.
Guðni Ágústsson, landbúnaðar-
ráðherra, sagði í gær að fyrir
nokkrum árum hefðu neytendur
farið að kvarta undan því að þeir
vissu ekki mikið um landbúnaðinn.
„Þeir elska sína jörð, þeir elska
sinn bónda, börnin voru staðin að
því að vita ekki hvaðan mjólkin
kemur, og þá gengu fram íslenskir
bændur, frumkvöðlar, fólk sem
langaði að þekkja sína neytendur
miklu betur; sögðu: ég vil ganga
feti framar, ég vil kynnast neyt-
endum, ná í höndina á þeim. Ég vil
opna mitt bú, selja hluta minna af-
urða beint til neytenda. Og þetta
erum við nú að uppskera á mörgum
sviðum,“ sagði Guðni.
Gríðarleg tækifæri
Ráðherra sagði að á þessu sviði
lægju gríðarleg atvinnutækifæri og
fleiri tóku undir það.
Beint frá býli er samstarfsverk-
efni Bændasamtaka Íslands, Félags
ferðaþjónustubænda, Hólaskóla –
Háskólans á Hólum, Impru, Land-
búnaðarháskóla Íslands og Lifandi
landbúnaðar.
Verkefnið „Beint frá
býli“ skapar tækifæri
Morgunblaðið/Skapti Hallgrímsson
Skál! Boðið var upp á ljúffengan mysudrykk í gær. Guðni Ágústsson og
Einar Már Sigurðarson dreypa á en Kristján L. Möller metur stöðuna.
Vinnsla og sala
á heimaunnum
afurðum mjög
raunhæfur kostur
Í HNOTSKURN
»Gríðarleg atvinnutækifærií því að bændur framleiði
matvöru heima á búunum og
selji sjálfir, að mati ráðherra.
»Heimasíða verkefnisinsBeint frá býli opnuð.
Eftir Örlyg Stein Sigurjónsson
orsi@mbl.is
FLENSBORGARSKÓLI er nú að
hluta skreyttur að innan sem spila-
víti í tengslum við árlega Vakning-
ardaga skólans sem standa yfir
þessa vikuna. Skreytingarnar byrja
fyrir utan skólann þar sem búið er
að reisa nýtt anddyri sem orðið
„Casino“ hefur verið skorið í. Þeg-
ar inn er komið taka á móti gestum
tvö stór ljón og innar er gengið inn
í „pókerherbergi“. Herbergið er
klætt vínrauðu flaueli og inni í því
eru spilaborð og í horninu er sér-
útbúin kapella fyrir alvöru Las
Vegas-brúðkaup þar sem enginn
annar en Elvis Presley er prest-
urinn, segir í tilkynningu frá Flens-
borgarskóla.
Á móti kapellunni er bar og við
af honum tekur langur gangur með
fjórum spilakössum sem nemandi í
Flensborg og nemandi í Iðnskól-
anum í Hafnarfirði smíðuðu. Þessi
gangur endar í V.I.P.-herbergi. Á
efri hæðinni er hótel þar sem kenn-
arastofan er afgreiðslan og setu-
stofa nemenda er móttakan. Á ör-
yggishólfum kennara eru nöfn eins
og Björk Guðmundsdóttir, Steven
Spielberg og Michael Jackson. Í
gluggum matsalarins er mynd sem
sýnir útsýni yfir Las Vegas, þannig
að öllum ætti að líða eins og þeir
séu komnir inn í alvöruspilavíti í
Las Vegas.
Árshátíðarnefndin ræddi ýmsar
hugmyndir að þema þessa árs og
komst að þeirri niðurstöðu að spila-
vítisþemað hentaði vel. Nefndin
ræddi hvort þetta gæti ef til vill
verið óviðeigandi í ljósi þess að
spilavíti eru bönnuð á Íslandi en lét
það ekki stöðva sig. Ekki hefði
blundað sú hugsun að baki að hefja
á stall ólögmæta starfsemi og ýta
undir spilavanda og spilafíkn.
Flensborgarskóli er stór bygging
og komst nefndin að þeirri nið-
urstöðu að spilavítisþemað lægi
best við varðandi skreytingar. Með-
al annarra hugmynda sem voru
viðraðar má nefna Frostþema,
Sirkusþema en Spilavítið varð ofan
á að endingu.
Hugmyndin samþykkt
hjá skólastjórnendum
Hugmyndin var síðan rædd við
skólameistara og fékk í framhald-
inu samþykki hjá yfirstjórn skólans
og segir Einar Birgir Steinþórsson
skólameistari að í tengslum við
Vakningardagana sé lögð mjög ít-
arleg forvarnarfræðsla um spila-
vanda, áfengisvanda ásamt kynlífs-
fræðslu og fleira. Þannig komi
fulltrúar frá Lýðheilsustöð til að
flytja fyrirlestra um þessi málefni.
Með öðrum orðum liggi sú hugs-
un að baki að spilavítisþemað eigi
að vera umræðuvekjandi. „Stund-
um þarf að setja hlutina upp með
áhugavekjandi hætti svo að fólk
verði móttækilega fyrir forvarna-
fræðslunni,“ bendir hann á.
Veita nemendum svigrúm
Einar Birgir segir að skólinn
veiti nemendum eins mikið svigrúm
og unnt er í þessum efnum og reynt
sé að gæta þess að ekki sé farið yfir
strikið. „Mér finnst mjög gott að
nemendurnir tengi þemað for-
varnafræðslu.“ Hann segir þá að
vandrataður sé meðalvegurinn í því
hvenær skólastjórnendur eigi að
skerast í leikinn og hvenær ekki.
Aðspurður segist hann reikna frek-
ar með að stigið hefði verið á
bremsuna ef nemendur hefðu kom-
ið með þá hugmynda að skreyta
skólann sem hóruhús og tengt það
forvarnafræðslu um vændi og man-
sal.
„Þó að þemað sé „Casino“ er
spurning hvort það sé nákvæmlega
þannig. Þetta er vel unnið og fal-
legar skreytingar hjá nemendum.
Ég hef enga sérstaka bakþanka í
þeim efnum. Verra þykir mér ým-
islegt annað sem gengur yfir nem-
endurna í fjölmiðlum í þessu máli.
Sýnt er frá heimsmeistaramóti í
póker á sjónvarpsstöðvunum og
fleira. Ég held að að sumu leyti sé
mjög gott að vekja umræðuna með
þeim hætti sem hér er gert,“ segir
hann og lýsir því sem skoðun sinni
að Casino-þemað með tilheyrandi
forvarnafræðslu endurspegli
ákveðið andóf gegn spilafíkn og
tengdum vandamálum.
„Nemendurnir leggja sig fram
og hafa gaman af þessu. Umfram
allt er þetta vel gert hjá þeim. Ég
hvet menn eindregið til að veita
nemendum athygli fyrir þá já-
kvæðu hluti sem þeir gera. Allt of
oft er athyglinni beint að því þegar
eitthvað fer úrskeiðis.“
Nemendur Flensborgarskóla
skreyttu um helgina skólann í Cas-
ino-stíl og var verkið afhjúpað síð-
astliðinn mánudagsmorgun.
Flensborgarskóli skreyttur að innan í stíl við Las Vegas-spilavíti á Vakningardögum 2007
Pókerherbergi og kapella í skólanum
Morgunblaðið/Golli
„Casino“ Spilavíti blasir við augum í Flensborgarskóla þessa dagana sem skólameistari lýsir sem ákveðnu andófi.
Í HNOTSKURN
»Til siðs er hjá mörgumframhaldsskólum landsins
að efna til þemadaga síðvetrar
og eru skólabyggingar, stórar
sem smáar, skreyttar í stíl við
þær hugmyndir sem unnið er
út frá og efnt til viðburða af
ýmsu tagi.
»Flensborgarskóli ræddiýmsar hugmyndir að sín-
um þemadögum sem ganga
undir heitinu Vakningar-
dagar. Til umræðu kom Frost,
Sirkus og fleira en Casino
varð hlutskarpast og er skóla-
meistarinn ánægður.