Morgunblaðið - 01.04.2007, Blaðsíða 19

MORGUNBLAÐIÐ SUNNUDAGUR 1. APRÍL 2007 19
MIRALE
Grensásvegi 8
108 Reykjavík
sími: 517 1020
www.mirale.is
HÚSGAGNA-
SÝNING
laugardag 11–17
sunnudag 13–17
við að það skili sér til kjósenda.
„Fólk fagnar endurnýjun. Hinir
flokkarnir eru að bjóða sama fólkið
fram þriðja kjörtímabilið í röð og
það er þeirra vandi.“
Íslandshreyfingin hefur skamman
tíma til að ná vopnum sínum en Mar-
grét hefur ekki áhyggjur. „Við kom-
um vel undirbúin til þessarar kosn-
ingabaráttu enda veitir ekki af þar
sem hinir flokkarnir koma ekki til
með að hlífa okkur þegar þeir sjá að
þeim stendur ógn af okkur.“
Að sögn Margrétar mun Íslands-
hreyfingin ekki hafa fjármagn til að
keppa við flokkana sem fyrir eru á
Alþingi í því sem hún kallar „ímynd-
arslag“ fyrir kosningarnar. Þar séu
þeir búnir að „skammta sér drjúgan
skilding“. „En við látum það ekki á
okkur fá.“
Ekki of langur meðgöngutími
Margrét vísar öllum vangaveltum
um að fæðing Íslandshreyfing-
arinnar hafi dregist á langinn á bug.
„Ég skil ekki þá umræðu. Ég geng
úr Frjálslynda flokknum um mán-
aðamótin janúar/febrúar og þá hefst
þetta ferli. Við Ómar snúum strax
bökum saman og þá eru þetta orðn-
ar tvær fylkingar. Það tekur alltaf
tíma að stilla saman strengi og ég
held að meðgöngutíminn hefði ekki
getað verið mikið styttri. Hver er
annars eðlilegur meðgöngutími
framboðs? Ég bara spyr. Þegar
maður vandar sig og vinnur baki
brotnu við að koma einhverju á lagg-
irnar er undarlegt að heyra viðhorf
af þessu tagi.“
» Fólk fagnar end-
urnýjun. Hinir flokk-
arnir eru að bjóða sama
fólkið fram þriðja kjör-
tímabilið í röð og það er
þeirra vandi.
samtökin fram í þremur kjördæm-
um, hlutu 5,5% atkvæða og þrjá
fulltrúa á þingi.
Í alþingiskosningunum 1987
bauð Kvennalistinn fram í öllum
kjördæmum og hlaut 10,1% at-
kvæða og tvöfaldaði þingmanna-
fjölda sinn. Árið 1991 fékk
Kvennalistinn 8,3% greiddra at-
kvæða og tapaði einum þingmanni.
Síðast buðu samtökin fram 1995 og
fengu þá 4,9% atkvæða og þrjá
menn kjörna.
Markmið Kvennalistans, eins og
samtökin voru jafnan kölluð, voru
m.a. að vinna að hagsmunamálum
kvenna og gera viðhorf, reynslu og
menningu kvenna að stefnumót-
andi afli í samfélaginu ekki síður
en reynslu, menningu og viðhorf
karla. Ólíkt öðrum stjórnmála-
flokkum kaus Kvennalistinn sér
ekki formann.
Borgaraflokkurinn
Borgaraflokkurinn vann stórsig-
ur í alþingiskosningunum 1987,
hlaut 10,7% atkvæða og sjö menn
kjörna. Þótti þessi árangur merki-
legur í ljósi þess að framboðið átti
sér afar skamman aðdraganda en
réttum mánuði fyrir kosningar
sagði Albert Guðmundsson af sér
ráðherradómi vegna ásakana um
vantaldar greiðslur frá Hafskipi. Í
kjölfarið gekk hann úr Sjálfstæð-
isflokknum og stofnaði Borgara-
flokkinn. Niðurstaða kosninganna
var góð en samt lakari en skoð-
anakannanir höfðu gefið til kynna.
Flokkurinn tók mest fylgi frá
Sjálfstæðisflokknum sem fékk
11,5% lakari útkomu en 1983.
Úr þingflokki Borgaraflokksins
klofnuðu Frjálslyndir hægrimenn í
apríl 1989 og í september sama ár
gerðist Borgaraflokkurinn aðili að
ríkisstjórn. Flokkurinn bauð ekki
aftur fram til Alþingis.
Í stefnuskrá Borgaraflokksins
var m.a. lögð áhersla á atorku ein-
staklingsins fremur en miðstýrðan
ríkisrekstur.
Þjóðvaki
Nýtt framboð, Þjóðvaki, varð til
þegar Jóhanna Sigurðardóttir
gekk úr Alþýðuflokknum. Flokk-
urinn bauð fram í alþingiskosning-
unum 1995, hlaut 7,2% atkvæða og
fjóra menn kjörna. Segja má að
það teljist góður árangur hjá ný-
stofnuðum flokki en niðurstaðan
var eigi að síður vonbrigði fyrir
Þjóðvaka þar sem fylgi flokksins
hafði mælst mun meira í skoð-
anakönnunum. Þjóðvaki rann inn í
Samfylkinguna fyrir kosningarnar
1999.
Nýtt landslag 1999
Af fimm flokkum sem nú eiga
fulltrúa á Alþingi buðu þrír fyrst
fram árið 1999. Samfylkingin varð
þá til á grunni tveggja rótgróinna
flokka á vinstri vængnum, Alþýðu-
flokks og Alþýðubandalags. Þegar
þessir flokkar hurfu af vettvangi
stjórnmálanna varð líka til Vinstri-
hreyfingin – grænt framboð (VG).
Þá kom Frjálslyndi flokkurinn
fyrst fram á sjónarsviðið fyrir Al-
þingiskosningarnar 1999.
Samfylkingin hlaut 26,8% at-
kvæða, VG 9,1% og Frjálslyndir
4,2%. Allir bjóða þessir flokkar
fram í þriðja skipti nú.