Morgunblaðið - 29.04.2007, Síða 29

Nánari upplýsingar á www.reykjavik.is og www.skipbygg.is
Enn fleiri búsetukostir
Lykilorðin við uppbyggingu í Reykjavík til næstu ára eru framboð, fjölbreytni
og gæði. Markmiðið er að allir sem vilja geti byggt og búið í Reykjavík
og að borgin verði fyrsti búsetukostur sem flestra. Lykilsvæðin á næstu
árum verða Úlfarsárdalur, Reynisvatnsás, Sléttuvegur, Geldinganes,
Slippasvæðið, Vatnsmýrin og Örfirisey.
Val um lóðir
Nýjar úthlutunarreglur byggja á gegnsæi og sanngirni og tryggja að allir
hafa sama tækifæri til að eignast lóð í Reykjavík. Hægt verður að sækja
um lóðir á netinu og eftir að farið hefur verið yfir allar umsóknir verður
dregið úr þeim umsóknum sem uppfylla öll skilyrði. Þannig ræðst hverjir
fá lóðir og í hvaða röð umsækjendur fá að velja sér lóð.
Nægt framboð fjölbreyttra lóða í Reykjavík
Borgarbúar geta nú í fyrsta sinn skoðað á netinu ný íbúðasvæði og lóðir sem verða til úthlutunar
á næstunni. Uppbyggingar- og úthlutunaráætlun Reykjavíkurborgar til næstu ára liggur nú fyrir og
nýjar reglur um úthlutun tryggja að allir hafa jafna möguleika á að fá lóð.
Til úthlutunar á næstu árum verða minnst 1000 íbúðir í nýbyggingarhverfum og 500 nýjar íbúðir í
miðborginni og nágrenni. Úthlutað verður þrisvar á hverju ári – í maí, september og desember.
Föst verð á lóðum
Föst verð verða á lóðum í nýjum íbúðahverfum Reykjavíkur; 11 milljónir
fyrir einbýlishús, 7.5 milljónir fyrir parhús og raðhús og 4.5 milljónir fyrir
fjölbýlishús.
Nýr og aðgengilegur vefur
Uppbyggingar- og úthlutunaráform borgarinnar verða öllum aðgengileg
með nýjum upplýsingavef. Nákvæmt upplýsingakort sýnir uppbyggingar-
svæðin í borginni, hvar þau eru og hvenær úthlutun hefst. Notendur
geta skoðað hvert svæði, stækkað myndir, opnað skjöl með nánari
upplýsingum, lesið greinargerðir, séð þrívíddarmyndir, yfirlitsuppdrætti,
sneiðmyndir og fleira.