Morgunblaðið - 29.04.2007, Side 87

MORGUNBLAÐIÐ SUNNUDAGUR 29. APRÍL 2007 87
Eftir Árna Matthíasson
arnim@mbl.is
EITT VIRTASTA útgáfufyr-
irtæki Evrópu nú um stundir er
þýska útgáfan Morr Music, sem hef-
ur haslað sér völl með því að gefa út
danstónlist. Eigandi fyrirtækisins
hefur löngum haft dálæti á íslenskri
tónlist, kom hér á Airwaves fyrir
nokkrum árum og hefur nú gert
samning við þrjár íslenskar hljóm-
sveitir um plötuútgáfu, múm, Benna
Hemm Hemm og Seabear.
Morr Music hefur nafn sitt frá
stofnanda fyrirtækisins, Thomas
Morr, sem er og eigandi þess og vel-
ur sjálfur þær hljómsveitir sem fyr-
irtækið gefur út. Það er starfrækt í
Berlín og gaf framan af aðallega út
það sem kallast IDM, Intelligent
Dance Music eða gáfumannadans-
tónlist; danstónlist sem er eiginlega
ekki hægt að dansa við, en nýtir þó
ýmis stílbrigði, hljóma og hljóð sem
helst er að finna í tölvuvæddri dans-
músík. Þetta var sú tónlist sem
Thomas Morr virtist helst hafa
smekk fyrir en ekki er að merkja
annað en smekkur hans hafi breyst
með tímanum, því æ meira hefur
borið á draumkenndri poppmúsík í
útgáfuáætlun Morr.
Ekki efni heldur andi
Reyndar segir Christina Kiefer,
kynningarstjóri Morr, að Thomas
Morr hafi aldrei einblínt á hvernig
tónlist væri spiluð eða samin, hvaða
hljóðfæri voru notuð við að flytja
hana, heldur hafi inntakið skipt
hann mestu máli. „Við höfum gefið
út mikið af IDM en við höfum líka
gefið út plötur sem kalla mætti
þjóðlagatónlist, rokk eða hiphop.“
Af listamönnum sem gefið hafa út
hjá Morr í gegnum tíðina má nefna
Lali Puna, ISAN, B. Fleischmann,
Herrmann & Kleine, F.S. Blumm,
Ms. John Soda, sem mætti flokka
sem IDM að mestu leyti, en einnig
hefur fyrirtækið gefið út plötur með
American Analog Set sem er klif-
unar- og draumkennd rokktónlist.
Slík gerð tónlistar hefur reyndar
aldrei verið langt undan í Morr-
útgáfum, því fjölmargar þeirra
hljómsveita sem fást við IDM hafa
orðið fyrir áhrifum af innhverfri
rokktónlist að hætti My Bloody Val-
entine og Slodive, sem sannaðist
kannski einna best á Morr-plötunni
Blue Skied an’ Clear þar sem ýmsir
IDM listamenn taka fyrir Slowdive-
lög.
múm, Benni Hemm Hemm
og Seabear
Morr hefur einnig sýnt íslenskum
tónlistarmönnum áhuga og samdi
þannig við múm á sínum tíma.
Please Smile My Noise Bleed, sem
var safn af endurunnum múm lög-
um með tveimur nýjum í bland, kom
út á vegum Morr og síðan gaf Morr
út Yesterday was dramatic, today is
OK árið 2005, en sú plata kom upp-
haflega út 1999. Ný múm plata kem-
ur út hjá Morr í september, en hún
hefur verið í smíðum síðastliðin ár.
Benni Hemm Hemm gerði einnig
útgáfusamning við Morr og fyrsta
breiðskífa hans kom út á vegum
Morr seint á síðasta ári og ekki er
langt síðan Kajak kom út ytra.
Morr gefur líka út Seabear-
breiðskífuna The Ghost That Car-
ried Us Away, sem kemur út í sept-
ember.
Aðspurð um hvers vegna Morr
hafi samið við svo marga íslenska
tónlistarmenn svarar hún að bragði
og hlær við: „Vitanlega vegna þess
hve mikið er af hæfileikafólki á Ís-
landi!“ en heldur svo áfram: „Aðal-
ástæðan er líklega sú að Thomas og
Örvar [Smárason Þóreyjarson,
múm maður] eru svo miklir vinir og
hann benti Thomas á Benna Hemm
Hemm og Seabear. Svo fór Thomas
til Íslands fyrir tveimur árum og
var mjög ánægður með þá ferð,
sagðist hafa hitt svo mikið af
skemmtilegu fólki. Honum er það
mikilvægara að fólk sé viðkunn-
anlegt og gott að vinna með því en
hvernig tónlistin er. Hann er líka
hrifinn af treganum sem finna má í
íslenskri tónlist, lágstemmdum ljúf-
sárum trega.“
Framundan eru tvö sérstök
Morr-kvöld hér á landi: 1. maí á Ak-
ureyri og síðan 5. maí í Reykjavík,
en þá munu íslenskar og erlendar
Morr-hljómsveitir spila. Christina
Kiefer segir að Thomas muni heim-
sækja landið af því tilefni og að
kannski eigi hann eftir að rekast á
fleiri forvitnilega íslenska lista-
menn.
Morr mærir
íslenska músík
Morgunblaðið/ÞÖK
Seabear Sindri Már Sigfússon er
fer fyrir Seabear sem er samnings-
bundin Morr Music.
Ljósmynd/Árni Torfason
Kanó Morr Music gefur út nýjustu plötu Benna Hemm Hemm, Kajak.
Þýska útgáfan Morr Music er með
þrjár íslenskar sveitir á sínum snærum