Morgunblaðið - 25.10.2007, Blaðsíða 23

úr bæjarlífinu
MORGUNBLAÐIÐ FIMMTUDAGUR 25. OKTÓBER 2007 23
Starfsmenn bílaverkstæðis á Ak-
ureyri vissu vart hvaðan á þá stóð
veðrið í gærmorgun þegar ökumað-
ur kom þangað með bifreið sína.
Hann var akandi fyrir utan bæinn
þegar mikill hvellur varð og engu
líkara en skotið hefði verið úr byssu
upp í gegnum vélarhlífina! Gat á
„húddinu“ benti til þess - en síðar
kom í ljós að kerti hafði losnað og
skotist út í gegnum vélarhlífina...
  
Akureyrskir ljósmyndarar athugið!
Sigmundur Davíð Gunnlaugsson
skipulagsfræðingur hélt athygl-
isvert erindi á Akureyri í síðustu
viku og sagði þar m.a. frá því að
hann hefði ætlað að kaupa mynda-
bók um hinn fagra höfuðstað Norð-
urlands, en slík bók ekki verið fáan-
leg. Rífið nú upp myndavélarnar og
finnið svo góðan útgefanda. Það er
ótækt að ekki sé til falleg myndabók
um Akureyri.
  
Áhugamenn um góða tónlist eiga
dýrðardaga framundan hér í bæ.
Einn ástsælasti lagasmiður þjóð-
arinnar, Magnús Þór Sigmundsson,
verður t.d. með útgáfutónleika á
Græna Hattinum annað kvöld þar
sem hann kynnir efni af nýútkomn-
um geisladiski „Sea Son“ auk þess
sem hann leikur eldri perlur frá
löngum og glæsilegum ferli.
  
Súpufundir Íþróttafélagsins Þórs í
Hamri nutu mikilla vinsælda síðasta
vetur og í dag verður þráðurinn tek-
inn upp að nýju. Fyrsti gestur
haustsins er Þorsteinn Gunnarsson
formaður Samtaka íþróttafrétta-
manna og fundarefnið er íþróttir og
fjölmiðlar. Fundurinn er á milli kl.
12 og 13 og allir eru velkomnir.
  
Þórarinn Torfason les úr verkum
sínum, m.a. óútgefinni skáldsögu, á
Skáldaspírukvöldi á Amtsbókasafn-
inu í dag. Dagskráin hefst kl. 17.15.
  
Rúna Þorkelsdóttir opnar innsetn-
inguna Póstkort til Akureyrar í Gall-
erí + að Brekkugötu 35 á Akureyri á
laugardaginn kl. 16.00. Hún hefur
verið starfandi myndlistarmaður í
Amsterdam síðustu 30 árin og rekur
þar myndlistarbókabúðina Boekie
Woekie ásamt tveimur öðrum mynd-
listarmönnum.
  
Kjarnakonur úr Innbænum er yf-
irskrift forvitnilegrar dagskrár sem
Stoðvinir Minjasafnsins á Akureyri
standa fyrir á laugardaginn, klukkan
14 í Amtsbókasafninu á Akureyri.
Flutt verða stutt erindi um merk-
iskonurnar Elísabetu Geirmunds-
dóttur (1915-1959), listakonuna í
Fjörunni og Ragnheiði O. Björnsson
(1896-1987), kaupkonu. Elísabet var
fædd á Akureyri og var margt til
lista lagt. Hún skar út í tré, málaði
og teiknaði.
  
Elísabet teiknaði íbúðarhús fjöl-
skyldunnar í Aðalstræti 70 en þekkt-
ust er hún fyrir tréstyttur sínar.
Hún var öðrum snjallari í skauta-
dansi og átti það til að sýna skautad-
ans á upplýstum Pollinum. Ragn-
heiður stofnaði hannyrðaverslun
1937 sem hún rak allt til ársins 1972.
Hún var mikill tónlistarunnandi,
samdi lög og spilaði daglega á píanó
fram á efri ár. Hún var mikill félags-
málafrömuður, stofnaði m.a. Zonta-
klúbb Akureyrar og var á meðal
stofnenda Náttúrulækningafélags
Norðurlands. Hún var einnig í Guð-
spekifélaginu og Sálarrannsókn-
arfélaginu að ógleymdu Heimilisiðn-
aðarfélagi Íslands, sem hún starfaði
með í mörg ár.
Morgunblaðið/Skapti Hallgrímsson
Nothæf? Nonni í haustlitunum. Hann fær kannski að vera með í bókinni...
AKUREYRI
Skapti Hallgrímsson
Bjarni Stefán Konráðsson segirað breyta þurfi taktíkinni hjá
landsliðinu:
Svo landsliðið bíði ei bana,
ég bið það að gera að vana,
sem er þaulreynt og sannað
að þýðir ekki annað;
en senda á samherjana.
Jón Ingvar Jónsson tekur í sama
streng og kemur með aðra
uppástungu til landsliðsins:
Það hjálpar víst ekki nein harka
en hiklaust við vænst getum marka
ef knattspyrnumenn
sem keppast við enn
bölvuðum boltanum sparka.
Pétur Stefánsson segir öll spjót
beinast að Eyjólfi Sverrissyni
þjálfara fyrir dapurlegt gengi
landsliðsins, en hann telur meira
þurfa til en þjálfaraskipti í hvert
sinn sem illa gengur:
Það liggur ósköp þungt á hug og hjarta
að hafa tapað fyrir Lichtenstænum.
En landslið vort á líf og framtíð bjarta,
svo lengi sem að Jolli er í bænum.
Annarskonar íþróttir eiga sér
stað á heimilum. Pétur Stefánsson
lýsti ástandinu heima hjá sér:
Til hjónalífs er hugur rór,
hér skal annað virkja;
frúin er að bergja bjór,
bóndinn ljóð að yrkja.
Sigrún Haraldsdóttir svaraði að
bragði:
Um það hérna sönn má sjá
seig og óræk merkin
að eiginkonur oftast fá
erfiðustu verkin.
VÍSNAHORNIÐ
Af fótbolta
og hjónalífi
pebl@mbl.is
ÖRUGG FJÁRFESTING — TRYGGÐUR HÖFUÐSTÓLL
E
N
N
E
M
M
/
S
ÍA
/
N
M
3
0
2
4
6
Kynntu þér málið á kaupthing.is, í síma 444 7000,
eða komdu við í næsta útibúi.
ICEin 1008
• Lágmarksupphæð er 500.000 kr.
• Reikningurinn er bundinn í eitt ár
• Ávöxtun að hámarki 20%
• Fylgir OMXI15 vísitölunni
• Höfuðstóll er tryggður í ISK
• Upphafsgengi ákvarðast við lok dags 25. október
• Sölutímabilið er frá 16.-25. október
Sölutíma
bili
lýkur í da
g!
BRICin 1008
• Lágmarksupphæð er 500.000 kr.
• Reikningurinn er bundinn í eitt ár
• Ávöxtun að hámarki 20%
• Fylgir KMS BRIC sjóðnum*
• Ávöxtun tekur mið af hækkun á verði á BRIC í EUR
og greiðist út umreiknuð í ISK á lokadegi
• Höfuðstóll er tryggður í ISK
• Upphafsgengi ákvarðast við lok dags 25. október
• Sölutímabilið er frá 16.-25. október
Nú getur þú tekið þátt í að fjárfesta á hlutabréfamarkaðnum án þess að eiga
á hættu að tapa höfuðstól og átt möguleika á góðri ávöxtun.
Sölu er að ljúka á tveimur nýjum reikningum, ICEin 1008 og BRICin 1008, sem eru höfuðstóls-
tryggðir reikningar. ICEin fylgir gengi íslenska hlutabréfamarkaðarins, OMXI15. BRIC er
skammstöfun fyrir Brasilíu, Rússland, Indland og Kína en BRICin fylgir KMS BRIC sjóðnum
sem er í stýringu Kaupþings.
* KMS BRIC er verðbréfasjóður skv. lögum nr. 30/2003 um verðbréfasjóði og fjárfestingasjóði. Rekstrarfélag sjóðsins er
Rekstrarfélag Kaupþings banka. Útboðslýsingu má nálgast á heimasíðu Kaupþings, www.kaupthing.is.