Morgunblaðið - 06.01.2008, Blaðsíða 4

4 SUNNUDAGUR 6. JANÚAR 2008 MORGUNBLAÐIÐ
FRÉTTIR
MIKIL óánægja ríkir meðal íbúa í
nágrenni Baldursgötu í Reykjavík
vegna tillögu um nýtt deiliskipulag
fyrir svæðið. Tillagan liggur nú
frammi til kynningar á Skipulags-
og byggingasviði til 11. janúar.
Samkvæmt henni mun bygginga-
magn aukast töluvert og gert er
ráð fyrir hærri byggingum en nú
eru á lóðunum.
„Ekkert okkar sem eigum hags-
muna að gæta fékk sendar upplýs-
ingar um tillöguna,“ segir Helga
Lára Þorsteinsdóttir, einn íbúa við
Freyjugötu. Frestur til að skila inn
athugasemdum hafi jafnframt verið
óvenjustuttur, eða aðeins 14 dagar.
Íbúarnir héldu fund sl. fimmtu-
dagskvöld með Torfusamtökunum,
þar sem farið var yfir málin. Þar
var samin ályktun sem send verður
skipulagsyfirvöldum.
Telja að ekki hafi verið horft
til byggðar sem fyrir er
Meðal þess sem er gagnrýnt í
ályktuninni er að „ekki [sé] horft til
þeirrar byggðar sem fyrir er áður
en fyrirmæli um niðurrif og gagn-
gerar breytingar eru send á teikni-
stofu“. Íbúarnir telja hagsmunum
sínum ógnað og tala jafnvel um
valdníðslu. „Okkur sem sátum
fundinn virðist sem fjárfestingar
okkar séu einskis virtar eða metnar
með þessari tillögu,“ segir í álykt-
uninni.
Helga segir staðfestingu hafa
fengist á því hjá Skipulagsráði að
aðalhvatinn að skipulagsferlinu hafi
verði hlutafélag í Kópavogi sem
eigi eignir á Baldursgötu 32 og 34.
Þeim eignum hafi verið illa sinnt og
útigangsfólk m.a. hafst við á Bald-
ursgötu 32. Hún segir að íbúar eigi
erfitt með að sætta sig við að eig-
endum Baldursgötu 32 og 34, sem
hafi látið húsin við götuna drabbast
niður, verði hampað á kostnað
hagsmuna íbúanna. Byggðin sé í
mjög grónu hverfi og íbúar fari
fram á það við borgaryfirvöld að
faglega verði staðið að skipulags-
málum.
Gagnrýna skipulagsáform
Í HNOTSKURN
»Íbúarnir héldu fund sl.fimmtudagskvöld með Torfu-
samtökunum vegna tillögu um
deiliskipulag fyrir svæðið.
»Tillagan liggur nú frammi tilkynningar á Skipulags- og
byggingasviði til 11. janúar.
»Gagnrýnt er að frestur til aðskila inn athugasemdum hafi
verið óvenjustuttur eða 14 dagar.
Íbúar við Baldursgötu telja hagsmunum sínum ógnað og tala jafnvel um valdníðslu
ORKUVEITA Reykjavíkur veitti
eigendum sex húseigna á höfuð-
borgarsvæðinu viðurkenningu fyrir
skreytingar á eignum sínum. Af-
hending viðurkenninganna fór
fram í höfuðstöðvum Orkuveit-
unnar fyrir helgi. Verðlaunaskreyt-
ingarnar voru af ýmsum toga og
glæsilegar þrátt fyrir einkar rysj-
ótta aðventu með tíðum stormum.
Eftirtaldar húseignir voru verð-
launaðar: Vesturgata 115 B, Akra-
nesi; Sæbraut 21, Seltjarnarnesi;
Merkjateigur 1, Mosfellsbæ; Bæj-
argil 36-44, Garðabæ; Laufásvegur
22, Reykjavík og Dalvegur 22,
Kópavogi.
Þriggja manna dómnefnd starfs-
fólks Orkuveitunnar fékk fjölda
ábendinga um fallega skreyttar
húseignir og fór víða um veitusvæði
fyrirtækisins í störfum sínum, en
verðlaun voru veitt fyrir eina eign í
hverju sveitarfélagi þar sem Orku-
veitan sér um dreifingu rafmagns.
Skreyting-
ar verð-
launaðar
Allt í hófi Sighvatur Bjarnason og Ragnhildur Gottskálksdóttir voru verðlaunuð fyrir skreytingu sína á Sæbraut
21 á Seltjarnarnesi. Í umsögn dómnefndar sagði að skreytingin væri hófsöm og skemmtileg í einum lit.
Húseigendur létu tíðarfarið ekki hafa áhrif á skrautið og ljósadýrðina
ÞÓTT tvíorkubílar sem brenna et-
anóli og bensíni séu orðnir sam-
keppnishæfir í verði, og liggi fyrir
hjá framleiðendum, stendur hníf-
urinn í kúnni þegar kemur að fram-
boði á eldsneytinu. Etanól er flutt
inn á vegum Olís í litlu magni og er
til á einni eldsneytisdælu og verið
er að skoða möguleika á því að
opna fleiri dælur, en þá vakna
spurningar um hvort útsöluverðið á
eldsneytinu geti skapað áhuga
meðal neytenda, segir Þórður Jóns-
son, framkvæmdastjóri sölusviðs
Brimborgar. „Í dag er verðið of
hátt vegna þess litla magns sem
flutt er inn,“ bendir hann á.
Eftirspurnin eftir etanólbílum
hefur ekki aukist á liðnum miss-
erum og aðeins örfáir bílar með
þessum orkugjafa eru í notkun hér
á landi. „Það er auðvitað spurst að-
eins fyrir um þessa bíla en það
strandar á eldsneytinu. Ef ekki er
hægt að kaupa það, þá kaupir fólk
ekki bílana.“
Af fleiri gerðum bíla sem ekki
brenna hefðbundnu eldsneyti má
nefna metan-/bensínknúna og raf-
magns-/bensínknúna bíla. Stærsta
verkefnið hjá Brimborg snýst hins
vegar um etanólbílana sem þó eru
háðir þeim takmörkunum sem að
framan gat.
Kaupa ekki
etanólbíla
ef eldsneytið
vantar
EKIÐ var á ljósastaur á Húsavík í
fyrrinótt með þeim afleiðingum að
bíllinn er mikið skemmdur og
staurinn ónýtur en ökumaðurinn
slapp með skrekkinn.
Atvikið átti sér stað um klukkan
02:30. Að sögn lögreglu var öku-
maður á leið í bíl sínum frá bíla-
stæði þegar bensíngjöfin festist í
botni og hann missti stjórn á bílnum
með fyrrgreindum afleiðingum.
Það var ökumanninum til láns að
ekki var um langa vegalengd að
ræða, aðeins yfir götu, og bílinn því
ekki á mikilli ferð. Ökumaðurinn
var auk þess í öryggisbelti.
Ekið á ljósa-
staur nyrðra
STEFAN J. Stefanson,
fyrrverandi bóndi og
fógeti í Manitoba, and-
aðist á sjúkrahúsinu á
Gimli í Kanada, 2. jan-
úar sl., nær 93 ára að
aldri. Hann fæddist á
Gimli 13. febrúar 1915.
Eiginkona hans til 64
ára var Olla Einarson,
sem andaðist 20. janúar
2000. Börn þeirra eru
Lorna, Ernest, Maria,
Valdimar og Eric.
Barnabörnin eru 12 og
barnabarnabörnin 4.
Fram á miðjan átt-
unda áratug nýliðinnar aldar starf-
aði Stefan við búskap með föður sín-
um á Gimli. Hann var auk þess
fulltrúi fógeta og yfirfógeti Manitoba
í rúmlega 30 ár.
Þjóðræknisfélagið í Vesturheimi
efndi til hópferðar til Íslands 1974 og
var Stefan fararstjóri í um 230
manna hópi. Hann og Olla stofnuðu
ferðaskrifstofuna Viking Travel á
Gimli með þáverandi bæjarstjóra-
hjónum Marjorie og Ted Arnason og
skipulögðu fyrsta leiguflugið til Ís-
lands 1976, en árið áður höfðu þau
tekið á móti rúmlega 1.400 gestum
frá Íslandi. Alls fóru þau með 20
hópa til Íslands og hann tók á móti
mörgum hópum og einstaklingum
frá Íslandi. Hann var manna fróð-
astur um Gimli og nágrenni og miðl-
aði óspart af visku-
brunni sínum á góðri
íslensku. Síðustu fjög-
ur árin var Stefan sér-
stakur gestur á árlegu
þjóðræknisþingi ÞFÍ í
Reykjavík.
Stefan var einn af
stofnendum bankans
Gimli Credit Union,
sveitarstjóri 1956-
1960, forseti Bænda-
samtaka Manitoba og
helsti hvatamaður að
stofnun íslenska safns-
ins við höfnina á Gimli,
fyrirrennara Safns ís-
lenskrar menningararfleifðar í
Nýja-Íslandi, The New Iceland Her-
itage Museum, sem var formlega
opnað 21. október 2000. Hann tók
virkan þátt í starfsemi „íslenskra“
félaga vestra og var forseti Þjóð-
ræknisfélagsins í Norður Ameríku
um skeið.
Stefan var sæmdur riddarakrossi
hinnar íslensku fálkaorðu 1989. Árið
2004 var hann kjörinn heiðursfélagi í
ÞFÍ og í apríl sl. hlaut hann æðstu
viðurkenningu Þjóðræknisfélagsins í
Norður-Ameríku sem hafði fyrir
nokkrum árum kjörið hann heiðurs-
félaga. Á 90 ára afmæli Stefans var
sýningarsalur fyrrnefnds safns á
Gimli tileinkaður honum.
Minningarathöfn fer fram á Gimli
laugardaginn 26. janúar nk.
Andlát
Stefan J. Stefanson
Eftir Jóhönnu Maríu Vilhelmsdóttur
jmv@mbl.is
„ÞAÐ vinna börn í verslunum borg-
arinnar tímunum saman án þess að
nokkur skipti sér af því,“ segir Guð-
jón Þ. Pétursson, faðir 13 ára stúlku.
Segir hann sinnuleysi ríkja í sam-
félaginu varðandi vinnutíma barna.
„Ég vildi kynna mér reglur um
vinnutíma barna og unglinga þar
sem 13 ára dóttir mín var farin að
biðja um að fá að vinna,“ segir Guð-
jón. Hann segir að erfitt hafi verið að
nálgast upplýsingar um löglegan
vinnutíma barna. Óvissan um regl-
urnar hafi valdið árekstrum á heim-
ilinu og hann viti um fleiri foreldra
sem vilji hafa reglurnar á hreinu.
Mikilvægt sé að foreldrar geti sýnt
börnum sínum að til séu slíkar regl-
ur, því þau eigi það til að vilja vinna
fram úr hófi, sem komi svo niður á
námi þeirra og heilsu.
Pétur segist ekki hafa getað feng-
ið upplýsingar um reglurnar hjá
Vinnueftirlitinu, umboðsmanni
barna eða dómsmálaráðuneytinu
þegar hann leitaði eftir þeim fyrir
um mánuði. Það hefði fyrst tekist
þegar hann hafði samband við VR,
„þar fengust upplýsingar eftir mikla
leit“, segir Pétur.
Upplýsingarnar
fengust að lokum
Haft var samband við umboðs-
mann barna, Margréti Maríu Sig-
urðardóttur, og sagði hún að allar
upplýsingar um lög og réttindi barna
og unglinga á atvinnumarkaði væri
að finna á heimasíðunni www.barn-
.is, undir tenglinum „vinna.“ Hún
vildi ekki kannast við kvartanir um
að erfitt væri að nálgast upplýsing-
arnar. Foreldrum væri alltaf vel-
komið að hringja ef upp kæmu
spurningar varðandi vinnu eða kjör
barna og unglinga. Þeim væri þá
ráðlagt hvert skyldi snúa sér í fram-
haldinu.
Óvissa um reglurnar
hefur valdið árekstrum
 





  


  

  


 




!

"#  

  %$!

&'
$

 

  (

%#) (


  

   

   

  Morgunblaðið/Kristinn
Algengt að börn
vinni langan vinnu-
dag í verslunum